რადიო "ენერჯის" ენერგიული აქცია ქუჩაში - #NRJinthestreet "პალიტრა მედიაში" სტუმრობით დაიწყო
რადიო "ენერჯი" ქუჩაში ენერგიულ აქციას #NRJinthestreet-ს იწყებს. აქციის ფარგლებში, რადიოს გუნდი პირველად "პალიტრა მედიას" ეწვია.
NRJ-ს მხიარული წამყვანები ჰოლდინგის ეზოში ენერგიული მუსიკის ფონზე, ბრენდირებული მანქანით შემოვიდნენ და "პალიტრის" თანამშრომლების ყურადღება მიიპყრეს.
მათ მედია სახლის წარმომადგენლები "ენერჯის" ლოგოთი დაბრენდილი მხიარული სათვალეებით, სტიკერებითა და მსოფლიო ვარსკვლავების ჰიტებით დაკომპლექტებული CD-ით დაასაჩუქრეს. ასევე შეახსენეს, რომ ენერგიული მუსიკის მოსმენა FM 104.7-ზე არის შესაძლებელი.
გვანცა კილასონია, რადიო "ენერჯის" პროდიუსერი:
"რადიო "ენერჯიმ" გადაწყვიტა პირველად გაისეირნოს თავისი ახალი ჯიპით, #NRJinthestreet, ენერჯი ქუჩაში, ენერგიული სვლა ყველა იმ ადამიანისთვის, ვინც აქტიურად იწყებს დღეს, ვისთვისაც პოზიტივი, განწობა, კარგი მუსიკა განსაკუთრებული ენერჯაიზერია ცხოვრებაში. ყველა იმ ადამიანს, ვისაც თავისი რადიო მიმღები მომართული აქვს FM 104.7-ზე გადავწყვიტეთ სუვენირად გადავცეთ მსოფლიო ვარსკვლავების სიმღერებისგან შემდგარი CD, ისინი არიან ვარსკვლავები, რომლებიც მთელს მსოფლიოში ემეგობრებიან "ენერჯი გრუფს". მსოფლიო ვარსკვლავები ირჩევენ რადიო "ენერჯის".
მჯერა, ყველა ის ადამიანი ვინც თბილისში ცხოვრობს, აუცილებლად შეუერთდება იმ აუდიტორიას, რომელიც მსოფლიოს მასშტაბით დღეში 14 მილიონია. გადავწყვიტეთ პირველი ენერგიული სვლა რა თქმა უნდა, ყოფილიყო ჩვენს ერთ-ერთ პარნტიორთან - "პალიტრანიუსთან", ახალი ამბების ტელევიზიასთან, იმ ადამიანებთან, ვინც პირველი აწვდის სიახლეებს მთელ საქართველოს".
"პალიტრის" დღევანდელ სტუმრებს შორის "ენერჯის" მუსიკალური წამყვანები - ბაბი და ბრაიანიც იყვნენ, მათ ჰოლდინგის თანამშრომლებს "B & B Show"-ს მოსმენისკენ მოუწოდეს.
ბაბი: "ისევე ენერგიულად დაგვხვდით, როგორი ენერგიითაც ჩვენ შემოვედით და ეს ძალიან მნიშვნელოვანია. აუცილებლად უნდა უსმინონ თქვენმა თანამშრომლებმა რადიო "ენერჯის", რადგან დილა დაიწყოს ენერგიულად, იყოს წარმატებული და პოზიტიური".
რადიო NRJ საფრანგეთში 1981 წელს დაარსდა და ის იყო პირველი კომერციული, ახალგაზრდული რადიო. მას შემდეგ, რადიო NRJ -ის არ დაუთმია პოზიციები და მუდმივად ლიდერობს რეიტინგებში. მსმენელთა აუდიტორია ყოველდღიურად 14 მილიონს შეადგენს და მოიცავს ისეთ ქვეყნებს, როგორიცაა: საფრანგეთი, გერმანია, ავსტრია, ბელგია, შვეიცარია, ფინეთი, ნორვეგია, შვედეთი, რუსეთი, ბულგარეთი, ლიბანი, მაროკო და ახლა უკვე საქართველო. სამომავლო თანამშრომლობის მიზნით, ქართული მხარე საფრანგეთთან მოლაპარაკებებს ერთი წლის განმავლობაში აწარმოებდა.
რადიო და კაფე ერთ სივრცეში - საქართველოში საერთაშორისო მუსიკალურმა რადიოსადგურმა NRJ-მ მაუწყებლობა მარტში დაიწყო. NRJ-ის თბილისის სტუდია, დოლიძის #2-ში, "რადიო კაფეში" მდებარეობს.
რადიოს ერთ-ერთი სახეა თეა დარჩია, "სუხიშვილების" ნაციონალური ბალეტის ყოფილი მოცეკვავე, რომელიც ამავდროულად NRJ-ს საზოგადოებასთან ურთიერთობის მენეჯერი და საავტორო გადაცემის წამყვანია.
რადიო NRJ-ის მოსმენა შესაძლებელია ტალღაზე FM 104.7 თბილისში, თბილისის შემოგარენსა და გუდაურში.
ნატალია დადიანი
AMBEBI.GE
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
