საგანგებო სიტუაციების მართვის სამსახურში მიწისძვრასთან დაკავშირებით გამოძახებები არ დაფიქსირებულა

საგანგებო სიტუაციების მართვის სამსახურში მიწისძვრასთან დაკავშირებით ქვეყნის მასშტაბით გამოძახებები არ დაფიქსირებულა. როგორც "ინტერპრესნიუსს" საგანგებო სიტუაციების მართვის სააგენტოში განუცხადეს, დაზიანებების და ნგრევის შესახებ ინფორმაცია მათთან არ შესულა.

საქართველოში ცოტა ხნის წინ მიწისძვრა მოხდა. დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, მიწისძვრის ეპიცენტრი ქალაქ სიღნაღიდან სამხრეთ-დასავლეთით 22კმ-ში, სოფელ ქვემო ბოდბედან 15კმ-ში დაფიქსირდა. ბიძგების სიმძლავრემ 5,1 მაგნიტუდა შეადგინა.