4
ივნისიდღის ზოგადი ასტროლოგიური პროგნოზი
სულ ცოტა ხნის წინ ნიუ იორკი ტრადიციულად მასპინძლობდა მსოფლიოში ერთ-ერთი ყველაზე მასშტაბური და პოპულარული ონლაინ ჯაზ მუსიკალური კონკურსის MADE IN NEW YORK JAZZ COMPETITION შემაჯამებელ გალა კონცერტს. კონცერტი TRIBECA PERFORMING ARTS CENTER -ში ჩატარდა და მასში გრემის მფლობელი მუსიკოსები LENNY WHITE და JOHN BENITEZ კონკურსის წარმატებულ მონაწილეებთან ერთად იღებდნენ მონაწილეობას.
კონკურსში MADE IN NEW YORK JAZZ COMPETITION საქართველო წელს პირველად ჩაერთო და პირველივე მცდელობა წარმატებული აღმოჩნდა. მაია ბარათაშვილი თბილისის ბიგ-ბენდთან ერთად სოლო ვოკალის კატეგორიაში საუკეთესო 2 მონაწილეს შორის მოხვდა, ვაჟა მანიას კვარტეტი კი მაყურებელთა ხმათა უმრავლესობით კონკურსის ფინალში გავიდა.მოგვიანებით, ჟიურის გადაწყვეტილებით, კვარტეტის წევრებმა - ვაჟა მანიამ და პაპუნა შარიქაძემ კონკურსის შემაჯამებელ გალა კონცერტში მონაწილეობის მიწვევა მიიღეს. MADE IN NEW YORK JAZZ COMPETITION 2017 -ის ჟიურის წევრები ყველაზე პრესტიული მუსიკალური ჯილდოს - "გრემის" მფლობელი და მრავალგზის ნომინანტი მუსიკოსები - LENNY WHITE, RANDY BRECKER და MIKE STERN არიან. MADE IN NEW YORK JAZZ COMPETITION ჯერ მხოლოდ 3 წელია, რაც მსოფლიო მუსიკალურ პლატფორმაზე გამოჩნდა და მის ანგარიშზე უკვე 30 000 დარეგისტრირებული ჯაზმუსიკოსი და კონკურსის ათეულობით მონაწილეა მსოფლიოს 55 ქვეყნიდან, რაც კონკურსის მონაწილეებს საერთაშორისო კონტაქტების გაფართოვების და თანამშრომლობის შესაძლებლობას აძლევს. მალე გალა კონცერტი, როგორც ფესტივალი MADE IN NEW YORK JAZZ FESTIVAL სხვადასხვა ქვეყანაში დაიწყებს მოგზაურობას. წელს შესაძლოა, ფესტივალის რუქაზე საქართველოც მოინიშნოს.
ღონისძიება საგანმანათლებლო მიმართულებასაც მოიცავს. გალა კონცერტის მონაწილე მხოფლიოში ცნობილი ჯაზ არტისტები ფესტივალის მსვლელობისას ახალგაზრდა მუსიკოსებისთვის მასტერკლასებს ატარებენ. ამიტომ, MADE IN NEW YORK JAZZ COMPETITION -ის ქართველი წარმატებული კონკურსანტები ვაჟა მანია და პაპუნა შარიქაძე მიიჩნევენ, რომ საქართველოში ფესტივალის ჩატარება მათი ქართველი კოლეგებისთვის მნიშვნელოვანი და საინტერესო გამოცდილება იქნება.
