მნიშვნელოვანი ინფორმაცია
27
მაისიდღის ზოგადი ასტროლოგიური პროგნოზი
ოთხშაბათი, მთვარის მეორე დღე დაიწყება 04:56-ზე, მთვარე კირჩხიბში გადავა 21:36-ზე – კარგია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. მოგზაურობა, მივლინებები. ერთ-ერთი საუკეთესო დღეა ქორწინებისთვის. ამ დღეს შექმნილი ოჯახი ძლიერი და მეგობრული იქნება. კარგია მტვერსასრუტით სახლის დალაგება, სანტექნიკის გამოცვლა. აუცილებელია ნათურების, ჭაღების გაწმენდა, აგრეთვე ჭურჭლისა და სარეცხის გარეცხვა. კარგი დღეებია მცენარეების მორწყვისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ არის ირანელი მსახიობი, რომელმაც ზვიად გამსახურდიას როლი შეასრულა
08:44 / 05-06-2017
"ჩემი ფილმი დამოუკიდებელი საქართველოს რესპუბლიკის პირველი პრეზიდენტის ბოლო 50 დღეს შეეხება, თუმცა, ფილმში არ ვნახავთ დასასრულს. ჩვენ იქამდე მივიყვანთ ამბავს, რის მერეც მაყურებელი თავად გააგრძელებს მას.
მე ვყვები ლიდერზე, რომელიც კარგავს ძალაუფლებას და რჩება საკუთარ თავთან მარტო. ამას ნაპოლეონის მაგალითზე გავაკეთებ, სტალინის თუ სხვა ლიდერის მაგალითებზე, ჩემი გადასაწყვეტია... ეს არის ფილმი, სადაც პრობლემაზე ვსაუბრობ ზვიად გამსახურდიას მაგალითზე. ფილმში მას სახელსაც კი არავინ ეძახის. ის არის "ბატონი პრეზიდენტი". ჩვენ არც ის გვაინტერესებს, მისი გარემოცვის თითოეულ წევრს რა ჰქვია, ჩვენ მოვლენის არსი გვაინტერესებს", - ეს ცნობილმა ქართველმა რეჟისორმა გიორგი ოვაშვილმა "კვირის პალიტრასთან" ინტერვიუში 2015 წელს, ჯერ კიდევ მაშინ განაცხადა, როდესაც ფილმის "ხიბულა" პროექტი მზად იყო და რეჟისორი და პროდიუსერები დაფინანსების მოძიებას ცდილობდნენ.
დღეს კი ფილმი უკვე დასრულებულია და მსოფლიო პრემიერას ელის.
"ხიბულა" ოვაშვილის კინოტრილოგიის დასასრულად მიიჩნევა, რომელშიც ასევე შედის: "გაღმა ნაპირი" და "სიმინდის კუნძული". როგორც საზოგადოებისთვისაა ცნობილი, ოვაშვილის ფილმში აღწერილია ზვიად გამსახურდიას ცხოვრების ბოლო 50 დღე, რომელიც მშობლიური ქვეყნის
მიუვალ მთებში გახიზნულმა გაატარა. პრეზიდენტი ძალაუფლების დაბრუნებას ცდილობს, თუმცა უხილავი მდევარი აიძულებს მას, თვითონ აირჩიოს გზა საკუთარი დასასრულისკენ. როგორც უკვე ვთქვით, "ხიბულას" სცენარს საფუძვლად უდევს 1991 წელს, საქართველოს დამოუკიდებლობის აღდგენის შემდეგ, ქვეყანაში განვითარებული რეალური მოვლენები.
ფილმის გადაღებები ორი თვის განმავლობაში თბილისსა და დასავლეთ საქართველოში მიმდინარეობდა. სცენარის ავტორი ოვაშვილთან ერთად ჰოლანდიელი დრამატურგი როლაფ იან მინებოოა. ფილმი საქართველოს, საფრანგეთისა და გერმანიის ერთობლივი ნაწარმოებია, მასში მონაწილეობენ როგორც ქართველი, ისე უცხოელი მსახიობები.
გიორგი ოვაშვილი:
"ხიბულას" მსოფლიო პრემიერა ივლისშია დაგეგმილი, საქართველოში კი ფილმის საპრემიერო ჩვენება სექტემბერში გაიმართება. ამ ეტაპზე სხვა რამის თქმა გამიჭირდება, მირჩევნია, ფილმზე ვრცლად მაშინ ვისაუბრო, როდესაც ფართო მაყურებელი ნახავს".
"ეს იქნება ისტორია, ზოგადად, ადამიანის მარტოობაზე, უფრო კონკრეტულად კი ეს არის ფილმი ძალაუფლებასა და ძალაუფლების დაკარგვაზე, სამყაროს შეცვლაზე, მათ შორის ჩვენში. იმის შესახებ, თუ, მაგალითად, როგორ ხდება ილუზორული სამყაროდან რეალურ სამყაროში გადასვლა, რომელსაც, ჩემი აზრით, ძალაუფლების იდეა მოაქვს. ასევე იმაზე, თუ რა ხდება ადამიანში, როცა ის ამ ძალაუფლებას კარგავს", - განაცხადა ერთ-ერთ ადრეულ ინტერვიუში გიორგი ოვაშვილმა.
როგორც გავარკვიეთ, "ხიბულას" პრემიერა ჩეხეთში, კარლოვი ვარის კინოფესტივალზე გაიმართება, რომელზეც 2 ქართული სრულმეტრაჟიანი მხატვრული ფილმია წარმოდგენილი. ფესტივალი ჩეხეთში 30 ივნისიდან 8 ივლისის ჩათვლით გაიმართება.
ფესტივალის მთავარ კონკურსში სწორედ გიორგი ოვაშვილის ახალი ფილმი "ხიბულა" მონაწილეობს.
შეგახსენებთ, გიორგი ოვაშვილი კარლოვი ვარის კინოფესტივალზე 2014 წელსაც მონაწილეობდა და მისმა ფილმმა "სიმინდის კუნძული" კინოფესტივალის გრან პრი აიღო, მოგვიანებით კი თავად რეჟისორი კინოფესტივალის ჟიურის წევრად მიიწვიეს.
ჩვენი ინფორმაციით, საკამოდ კარგა ხნის განმავლობაში ეძებდნენ მთავარი როლის შემსრულებელს. ერთი პერიოდი, მოლაპარაკება დანიელ მსახიობ მედს მიკელსენთან მიმდინარეობდა, რეჟისორი ამბობდა იმასაც, რომ ათამაშებდა ამ როლს ჟან რენოს...
საბოლოოდ როლზე ირანელი მსახიობი შეირჩა.
ვინ არის ჰუსეინ მაჰჯუბი?!
"რა თქმა უნდა, აქამდეც ვიცოდი, ვინ არის ზვიად გამსახურდია, მაგრამ მას შემდეგ, რაც მისი როლი შემომთავაზეს, მასზე ბევრი რამ წავიკითხე, ვნახე ბევრი ჩანაწერი და დოკუმენტური კადრი. გიორგი ოვაშვილმა ძალზე მნიშვნელოვანი როლი მანდო. გამსახურდია არა მარტო საქართველოს პრეზიდენტი, არამედ განდისა და სხვა დიდი მოღვაწის დონის მოაზროვნე იყო. სამწუხაროდ, ის თავისი დიდი იდეების განხორციელებას არ დაელოდა", - განაცხადა ფილმზე საუბრისას, ირანელმა მსახიობმა ჰუსეინ მახჯუბმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვინ ხარჯავს ყველაზე მეტს თავდაცვაზე და როგორ გამოიყურება საქართველოს შეირაღებული ძალების შესაძლობები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სამარცხვინო რეჟისორი. იდიოტი, არ შერჩება მასეთი დამოკიდებულება ზვიად გამსახურდიას პიროვნებისადმი.ეს იმ დიდებული ადამიანის შეურაცხყოფაა და უგულებელყოფა. უსინდისო ყველა, ვინც ტაში დაუკრა და უფლება მისცა, რომ არარაობა და არა ფილმი ფართო მაყურებლისთვის გაეცნო.ჯერ ერთი როგორ გაბედეს ფილმის გადაღება ზვიად გამსახურდიაზე ხალხის.დაუკითხავად. ზვიადი ხომ სადამჰუსეინი არ იყო, რომ მისგან დატერორებული ხალხისთვის ამ ფილმით ნიშნი მოეგოთ.ზვიადი ქართველი ხალხისთვის ქრისტეს შემდეგ მეორედ მოვლენილი მესიაა. მე მოღალატე და სატანა ადამიანებზე არ ვლაპარაკობ. მე ვამბობ, კაცზე, რომელიც საქართველოს თითქმის ყველა მაცხოვრებლისთვის არის განმათავისუფლებლად მოვლენილი პიროვნება, რომელმაც დამოუკიდებლობა ასე ვთქვათ "ლანგრით" მოგვართვა საკუთარი სიცოცხლის ფასად.ეტყობა, რომელიღაც სატანების.შთამომავალს "გაუმართლდა" და გამოაჩინა თავისი ჭუჭყიანი ბრჭყალებიზვიადის წინააღმდეგ. ვინც არ უნდა იყოთ შემკვეთი და შემსრულებელი, ქართველი ხალხი არასოდეს შეგარჩენთ არც ერთ უდიერ ქმედებას გამსახურდიას წინააღმდეგ.ვაი, თქვენს პატრონს, მიუხედავად იმისა რომ ზვიადი ყვავილებს გესროდათ ტყვიების ნაცვლად, მაინც გაკანკალებთ. გარდაცვლილისაც კი გეშინიათ და რას ჩადიხართ თვითონაც არ იცით.