მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მაკულიტერატურის" 5 წლის იუბილე ლისის ტბაზე გამწვანების აქციით - "შენც დარგე!" აღინიშნა
06:36 / 27-05-2017
ისტორია 5 წლის წინ დაიწყო, როცა ყველას მიეცა შესაძლებლობა მოძველებული წიგნებისა და გამოყენებული ქაღალდის ნაცვლად, ახალი წიგნები მიეღო. ასე დაიწყო პროექტი "მაკულიტერატურა", რომელმაც მაკულატურის ჩაბარების, გარემოს დაცვისა და კითხვის პოპულარიზაციის გზაზე მნიშვნელოვანი რგოლი შეკრა.
დღეს პროექტი იუბილარია. 5 წლის განმავლობაში მაკულიტერატრამ ბუნებას ხეები, ეროვნული ბიბლიოთეკას 2000-მდე უნიკალური წიგნი, მოსახლეობას კი განახლებული ბიბლიოთეკა აჩუქა.
იხილეთ ვიდეო
"მაკულიტერატურამ" დაბადების დღე ბუნებაში, ლისის ტბაზე გამწვანების აქციით "შენც დარგე" აღნიშნა. აქციის ფარგლებში, უფროსებმა ბავშვებთან ერთად 50 ძირი კიპაროსის ხე დარგეს. დარგულ ნერგებზე კი ნიშნულები წარწერით - "ჩვენი სახელით დარგული კიდევ ერთი ხე" დატოვეს.
"მაკულიტერატურა" ქართული და სოციალურად ძალიან აქტიური პროექტია. დღეს "მაკულიტერატურა" ხუთი წლის გახდა და ამ მეხუთე წლისთავს ჩვენ იმას ვუძღვნით, რასაც შევალიეთ ეს წლები - ხეების გადარჩენას. ძველი წიგნების ჩაბარებითა და მათი გადამუშავებით მწვანე საფარს დავზოგავთ. ასე რომ, დღეს ყველა აქ მოსული რგავს ხეს იმისთვის, რომ არ მოიჭრას ხეები", - განაცხადა "მედიასახლ პალიტრას" კრეატიულმა დირექტორმა მარიკა დარჩიამ AMBEBI.GE-სთან საუბარში.
დედამიწის ზედაპირზე არსებული ტყე ყოველწლიურად 55.5 მილიონ ტონა ჟანგბადს გამოყოფს. ხეები პირდაპირ კავშირშია დედამიწის ეკოლოგიურ მდგომარეობასთან. თბილისში მწვანე საფარის ნაკლებობა და ჰაერის დაბინძურება ერთ-ერთი მწვავე პრობლემაა. სწორედ ამ პრობლემიდან გამომდინარეობს "მაკულიტერატურის" შინაარსი და მიზანი.
ლისის მიმდებარე ტერიტორიაზე ხეები "მაკულიტერატურამ", თავის პარტნიორ ორგანიზაციებთან "საქართველოს რკინიგზასა" და "ბიბლუსთან" ერთად დარგო. პროექტი მომავალში სხვა ორგანიზაციების ჩართვასაც გეგმავს. კომპანიების მიერ ჩაბარებული მაკულატურის სანაცვლოდ კი, შესაბამისი რაოდენობის ხეები დაირგვება.
ეკა მელიქიძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
