მნიშვნელოვანი ინფორმაცია
28
ივნისიდღის ზოგადი ასტროლოგიური პროგნოზი
კვირა, მთვარის მეხუთე დღე დაიწყება 09:28-ზე, მთვარე ქალწულს ესტუმრება 15:49-ზე –
ყველაფრის მიღწევა შეიძლება, თუ კრეატიული ხართ და მიზნის მიღწევას ცდილობთ. უნდა დაიცვათ თქვენი პრინციპები და აქტიურად გამოხატოთ თქვენი ემოციები და გრძნობები. გადაიხადეთ ვალები. დაასრულეთ რაც დაიწყეთ. განახორციელეთ ნებისმიერი რადიკალური ცვლილება – ავეჯის გადაწყობიდან ბიზნესის კონცეფციის შეცვლამდე. არ არის რეკომენდებული ფინანსური საქმეების წარმართვა. ახალი საქმეების დაწყება. კარგია ტაძრებისა და მონასტრების მონახულება. კარგია სამზარეულოს დასუფთავება, საყოფაცხოვრებო ტექნიკის შეკეთება, დაუთოება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩალით დახურულია ეს ქვეყანა, ახალგაზრდებს მომავალს უკარგავენ" - რა მოხდა საატესტატო გამოცდაზე ქუთაისის საჯარო სკოლაში?
04:39 / 27-05-2017
მე-12 კლასელების გამოსაშვები, ე.წ. საატესტატო გამოცდები დასრულდა, თუმცა ქუთაისის საჯარო სკოლის მოსწავლეებს გარკვეული პრობლემები შეექმნათ. მათი განცხადებით, ფიზიკის გადაბარების გამოცდაზე შეიქმნა ტექნიკური ხარვეზი, რის გამოც, მათი თქმით, ბარიერის გადასალახი შესაბამისი ქულები ვერ დააგროვეს და გამოცდა ვერ ჩააბარეს. მოსწავლეებმა უკვე მიმართეს განათლების სამინისტროს და ახლა უწყებიდან პასუხს ელოდებიან.
გიორგი გოლეთიანი, ქუთაისის მე-7 საჯარო სკოლის მოსწავლე:
"ფიზიკის განმეორებით გამოცდა იმ მოსწავლეებმა ჩავაბარეთ, ვინც მეტერთმეტე კლასში ამ გამოცდაზე ჩავიჭერით. სამწუხაროდ, წელსაც კრახით დასრულდა ეს გამოცდა ტექნიკური გაუმართაობის გამო. ფიზიკის გადაბარების გამოცდა 23 მაისს გვქონდა. გამოცდა ჩატარდა, მაგრამ შედეგები იყო არადამაკმაყოფილებელი, 11 ბავშვიდან 10 ჩაიჭრა. გამოცდაზე კომპიუტერი ჭედავდა, კითხვები მეორდებოდა, ძალიან იოლი პასუხები ჰქონდა, დარწმუნებული ვიყავით, რომ ჩავაბარებდით, მაგრამ ტექნიკური ხარვეზის გამო მოხდა ასე. განათლების სამინისტროში გავაგზავნეთ წერილი. ეს ხარვეზი მარტო ჩვენს სკოლაში არ ყოფილა, მაგალითად, ქუთაისის მეათე საჯარო სკოლაში ექვსი ბავშვი გავიდა და ექვსივე ჩაიჭრა, მესამე საჯარო სკოლაში ცხრა ბავშვი იყო და ცხრავე ჩაიჭრა".
სოფიო აბულაძე, მშობელი:
"გამოცდაზე ბავშვებს საკითხები რომ მიუვიდათ და პასუხები გასცეს, იგივე საკითხები მეორედ მოუვიდათ. 10 მოსწავლე შევიდა და ათივეს ერთნაირი ქულები ამოუვიდა. ჩვენ არ ვიცოდით, რომ მაშინვე უნდა შეგვედგინა ოქმი, ბავშვები გაფრთხილებულებიც არ ყოფილან. მოსწავლეები იმ დღესვე მივიდნენ დირექტორთან, რომელმაც უთხრა, რომ რაღაცას მოახერხებდა, მაგრამ მერე უთხრა, არაფერი გეშველებათო. განათლების სამინისტროს თხოვნით მივმართეთ, ან ახლიდან ჩაატარონ ეს გამოცდა ან ჩაბარებულად ჩაუთვალონ. გამოცდაზე ბარიერი იყო 5.50, ბავშვებმა აიღეს 5.45. მინისტრის სახელზე დავწერეთ წერილი და თუ არ გვიპასუხებენ, მერე სასამართლოში ვუჩივლებთ. ბავშვები დარწმუნებულები არიან, რომ ყველა საკითხს სწორი პასუხი გასცეს. ვიცი, რომ ასეთი შემთხვევა მოხდა ქუთაისის სხვა სკოლებშიც, მაგალითად, მე-10 და 23-ე საჯარო სკოლებში. დირექტორს არ აწყობს და არ ამბობს, რომ მათი ხარვეზი იყო. ვთქვათ, ბავშვები იტყუებიან, მაგრამ ათივე მოსწავლემ ერთი და იგივე ქულა როგორ მიიღო, მათგან ზოგი წარჩინებული მოსწავლეა.
სამწუხაროდ, ჩალით დახურულია ეს ქვეყანა, საშველი არ არის. 3 გოგოა, დანარჩენი ბიჭები არიან, მომავალს უკარგავენ, უნივერსიტეტისთვის გაიარეს რეგისტრაცია, როგორი მოწადინებულები არიან და ახლა ასე ტოვებენ ბავშვებს? ამ გამოცდის გარდა სხვა ყველა გამოცდა ჩააბარეს".
AMBEBI.GE საკითხის გასარკვევად შეფასებისა და გამოცდების ეროვნულ ცენტრს დაუკავშირდა, სადაც გვითხრეს, რომ ტექნიკური ხარვეზი ქუთაისის არცერთ სკოლაში არ დაფიქსირებულა.
"საგამოცდო პროცესი შეუფერხებლად წარიმართა. გამოცდის სრული მონიტორინგი ტარდება და არანაირი ტექნიკური ხარვეზი არ დაფიქსირებულა. მოსწავლეებს შეუძლიათ მოგვმართონ განცხადების ფორმით და ინდივიდუალურად შეისწავლება მათი განცხადება", - აღნიშნეს შეფასებისა და გამოცდების ეროვნულ ცენტრში.
თეა ბეჟიტაშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
