მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სოსომ სახლში სულ ორი-სამჯერ დარეკა..." - კონგოში დატყვევებული ქართველი მფრინავის მეგობრები მისი დაღუპვის ფაქტს უარყოფენ
02:44 / 25-05-2017
"მივიღეთ ინფორმაცია, რომ კონგოში დაპირისპირებულ მხარეებს შორის მოხდა შეტაკება, რომელსაც მოჰყვა მსხვერპლი და სამწუხაროდ, შესაძლოა, იოსებ ოსორაულიც იყოს მათ რიცხვში. ამ ინფორმაციის მიღებისთანავე ჩვენ ყველა მხარეს, კონგოს მთავრობას, გაეროს, "წითელ ჯვარს" ვთხოვეთ დადასტურება. ამ დროისთვის დასტური არ გვაქვს", - ასეთი განცხადება გააკეთა ბრიფინგზე საქართველოს საგარეო საქმეთა მინისტრის მოადგილე ზვიად გონაძემ, რასაც სოსო ოსორაულის ოჯახისა და ახლობლების მღელვარება მოჰყვა...
გონაძის თქმით, მას შემდეგ რაც ცნობილი გახდა, რომ კონგოს დემოკრატიულ რესპუბლიკაში დატყვევებული იყო ქართველი სამხედრო მფრინავი სოსო ოსორაული, ტყვეობიდან მისი გამოხსნის მიზნით საქართველოს მთავრობამ არაერთი ნაბიჯი გადადგა.
"საქართველოს საგანგებო და სრულუფლებიანი ელჩი იმყოფებოდა რეგიონში, ყველა მხარესთან იმართებოდა კონსულტაციები ბატონი ოსორაულის დახსნასთან დაკავშირებით, მაგრამ სიტუაციას ართულებდა ადგილზე შექმნილი მდგომარეობა, რომელიც ბოლო პერიოდში კიდევ უფრო გართულდა. მიუხედავად ყველაფრისა, ჩვენ მომავალშიც ყველა რესურსს გამოვიყენებთ, რომ ჩვენი მოქალაქის ბედ-იღბალი გავარკვიოთ", - განაცხადა ზვიად გონაძემ.
ინფორმაციის გავრცელების შემდეგ, ჩვენ სოსო ოსორაულის მეგობრებს დავუკავშირდით. მათი თქმით, სოსოს დაღუპვის შესახებ ცნობა აუცილებლად ექნებოდათ.
"მე ვესაუბრე გომაში მყოფ ქართველ მფრინავებს და მათ მითხრეს, რომ აუცილებლად ექნებოდათ ინფორმაცია, რამე ახალი რომ ყოფილიყო, მით უფრო, დაღუპვის შესახებ... ასე რომ, არ ვიცი, რაზე დაყრდნობით გაავრცელა საგარეო საქმეთა სამინისტრომ ინფორმაცია. მათივე თქმით, საუბარი იყო იმაზე, რომ კონგოს დემოკრატიული რესპუბლიკის გენერალი აპირებდა ამ თემაზე შეხვედრას ამბოხებულებთან, თუმცა, ჯერჯერობით არ არის ცნობილი შეხვდა თუ არა მეორე მხარეს... იქ ისეთი სიტუაციაა, ძნელია, თანმიმდევრულად რაიმე განახორციელო... მათივე თქმით, არ იციან, რა მდგომარეობაშია, ან თავს როგორ გრძნობს სოსო. თუმცა, კიდევ ერთხელ ვამბობ, რომ ამ უბედურების შემთხვევაში, მათ ინფორმაცია ექნებოდათ...", – ამბობს ჩვენთან საუბარში სოსო ოსორაულის მეგობარი...
ქართველის მფრინავის დაკავებიდან რამდენიმე ხნის შემდეგ გავრცელდა ინფორმაცია, რომ მეამბოხეებს ოსორაულის გათავისუფლების სანაცვლოდ მოთხოვნებზე ჩამოყალიბებული პოზიცია არ ჰქონდათ, - ისინი ხან კონგოს დემოკრატიული რესპუბლიკის ხელმძღვანელობის მიერ დაკავებული მათი თანამოაზრეების გათავისუფლებას, ხანაც კი მილიონ დოლარს ითხოვდნენ...
როგორც ტყვედ ჩავარდნილის ძმამ, კობა ოსორაულმა გვითხრა, - შესაბამისი უწყებები მათ ბოლო დრომდე აიმედებდნენ, რომ ამ მიმართულებით მუშაობდნენ, გარკვეული ინფორმაციაც ჰქონდათ, თუმცა, გუშინ დილით მათთვის ძალზედ მოულოდნელი და თავზარდამცემი ინფორმაცია გაავრცელეს.
"გვეუბნებოდნენ, რომ ყველაფერი კარგად იყო, სიტუაციას აკონტროლებდნენ და სანერვიულო არაფერი გვქონდა... სოსომ სახლში სულ რამდენჯერმე, ალბათ ორი-სამჯერ დარეკა, თუმცა, საგარეო საქმეთა სამინისტროდან გვეუბნებოდნენ, რომ ზედმეტი ხმაური არ იყო საჭირო... ჩვენც ვენდეთ, არადა, თვეების განმავლობაში არაფერი ვიცოდით მასზე..." – ამბობს კობა ოსორაული.
სოსო ოსორაულის მხარდასაჭერად 24 მაისს აქციაც გამართა. როგორც ალვანელები აცხადებენ, აქცია რამდენიმე დღის წინ ჰქონდათ დაგეგმილი, მაგრამ სოსო ოსორაულის ოჯახმა მათ დროებით თავის შეკავება სთხოვა, რადგან საგარეო საქმეთა სამინისტროს რჩევას ითვალისწინებდნენ. ამიტომაც, აქცია ახმეტის რაიონის სოფელ ქვემო ალვანში, სწორედ იმ ინფორმაციის გავრცელების დღეს გაიმართა. თუშებს მიაჩნიათ, რომ საქართველოს მთავრობა სოსო ოსორაულის გასათავისუფლებად არაფერს აკეთებს.
სოსო ოსორაული თითქმის ოთხი თვეა რაც კონგოში, უკანონო შეიარაღებული დაჯგუფების ტყვეობაშია. კონგოს დემოკრატიული რესპუბლიკის სამხედრო-საჰაერო ძალების შემადგენლობაში არსებული Ми-24 ტიპის ორი დამრტყმელი შვეულმფრენი ქვეყნის აღმოსავლეთ ნაწილში, ჩრდილოეთ კივუს პროვინციაში 27 იანვარს ჩამოვარდა. ერთ-ერთ შვეულმფრენს სოსო ოსორაული მართავდა. უკვე რამდენიმე წელია, რაც ქართველი პილოტები მოიერიშე თვითმფრინავების საბრძოლო გამოყენებას ასწავლიან კონგოელ მფრინავებს, რამდენიმე ქართველი საავიაციო ინჟინერი კი, თვითმფრინავების ტექნიკურ გამართულობას უზრუნველყოფს.
Ми-24 -ს საქართველოს შეირაღებული ძალების ყოფილი მფრინავები: თადარიგის პოლკოვნიკი, 41 წლის იოსებ ოსორაული და თადარიგის უფროსი ლეიტენანტი, 37 წლის ვიაჩესლავ პლუჟნიკოვი მართავდნენ. ისინი აფრიკის ამ სახელმწიფოში კერძო კონტრაქტით მსახურობდნენ. მეორე ვერტმფრენის ეკიპაჟი კი ბელორუსის მოქალაქეებით იყო დაკომპლექტებული.
ავიაკატასტროფის ადგილზე დაიღუპა სამი კონგოელი, მათ შორის პოლკოვნიკი იეზიკილ კვასუნდოვე. პოლკოვნიკი იოსებ ოსორაული კი "23 მარტის მოძრაობის" (M23) მეამბოხეებს ჩაუვარდა ხელში.
ოსორაულიც და პლუჟნიკოვიც 2008 წლის აგვისტოს, რუსეთ-საქართველოს ომის მონაწილეები არიან. 8 აგვისტოს სწორედ მათმა ესკადრილიამ განახორციელა პირველი საბრძოლო გაფრენა ცხინვალი-ჯავის მიმართულებით. 11 აგვისტოს კი ოსორაულმა, რუსეთის არმიის პოზიციების მოულოდნელი, ღამის დაბომბვით, უდიდესი დახმარება აღმოუჩინა ჩვენი ჯარის მეორე ქვეით ბრიგადას.
2010 წლის ოქტომბერში, ბათუმელი ვიაჩესლავ პლუჟნიკოვი კიდევ ხუთ ქართველ მფრინავთან ერთად "ენვერის" გახმაურებული სპეცოპერაციის ფარგლებში აიყვანეს და ბრალად "რუსეთის ჯაშუშობა" წაუყენეს. მაშინ ერთი მფრინავი "აღიარების სანაცვლოდ" საპროცესოთი გაუშვეს, დანარჩენებიდან კი, ვინც ბრალი არ აღიარა, ოთხ მფრინავს - 11 წელი, პლუჟნიკოვს კი 13 წელი და 6 თვე მიუსაჯეს.
ყველა მფრინავი, მათ შორის, პლუჟნიკოვი 2013 წლის 13 იანვარს ამნისტიის შედეგად, პოლიტპატიმრის სტატუსით გათავისუფლდა. მალევე ისიც სამუშაოდ კონგოში გაემგზავრა.
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
