თორნიკე კაჭარავასთვის წარდგენილი ბრალი 20 წლამდე ან უვადო პატიმრობას ითვალისწინებს

პრეზიდენტის შვილის მეგობარს, თორნიკე კაჭარავას დანაშაულის დამტკიცების შემთხვევაში, 8-დან 20 წლამდე ან უვადოდ თავისუფლების აღკვეთა ემუქრება.

კაჭარავასთვის წაყენებული ბრალი და მის მიერ სავარაუდოდ ჩადენილი დანაშაული სასამართლოზე პროკურორმა თორნიკე მარსაგიშვილმა განმარტა.

როგორც პროკურორმა აღნიშნა, კაჭარავას პირადი ჩხრეკისას ამოღებულია დიდი ოდენობით ბუპრენორფინის შემცველი ნივთიერება. მას ბრალი მძიმე კატეგორიის მუხლით აქვს წაყენებული, რაც 8-დან 20 წლამდე ან უვადოდ თავისუფლების აღკვეთას გულისხმობს.

წაყენებული ბრალის სიმძიმიდან გამომდინარე, პროკურორმა მოსამართლის წინაშე იშუამდგომლა, რომ ბრალდებულს აღკვეთის ღონისძიების სახით პატიმრობა შეეფარდოს. ამასთან, პროკურორმა ბრალდებულისთვის პატიმრობის შეფარდების საფუძვლად თორნიკე კაჭარავას წარსულში ნასამართლეობა და მიმლვის შემთხვევაც დაასახელა.