მნიშვნელოვანი ინფორმაცია
4
ივლისიდღის ზოგადი ასტროლოგიური პროგნოზი
პარასკევი, მთვარის მეათე დღე დაიწყება 16:04-ზე, მთვარე მორიელში გადავა 13:33-ზე – გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. ჩაერთეთ შემოქმედებით და ინტელექტუალურ საქმიანობაში. ფრთხილად იყავით ემოციებთან. ხელსაყრელი დღეა რთული პრობლემების გადასაჭრელად. კარგია ჭურჭლისა და სარეცხის გარეცხვა. მორწყეთ მცენარეები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ იყო "ბაში-აჩუკის" რეჟისორი და რა თანამდებობა ეკავა მას მთავრობაში
11:11 / 17-05-2017
რეჟისორ ლეო ესაკიას სრული სახელი ლეონარდი იყო, მაგრამ ასე თითქმის არავინ მიმართავდა. ის ქართულ კინოში იმ კინორეჟისორების თაობასთან ერთად მოვიდა, როგორებიც იყვნენ: მიხეილ ჭიაურელი, კოტე მიქაბერიძე, ნიკოლოზ შენგელაია და სხვა. ლეო ესაკიას სახელთან არაერთი სიახლეა დაკავშირებული. ის ავტორია პირველი ქართული ხმოვანი მხატვრული ფილმისა: "შაქირი", "ფრთოსანი მღებავი" (პირველი ქართული ფილმია ქართველ ავიატორთა ცხოვრებაზე), "აბესალომ და ეთერი" - პირველი ნიმუშია ქართული ფილმი-ოპერისა, ხოლო "ბაში-აჩუკი" აკაკი წერეთლის ნაწარმოების პირველი ეკრანიზაცია გახლდათ.
ლიტერატორის ახდენილი ოცნება
ლეო ესაკია 1890 წლის 27 თებერვალს, სენაკში დაიბადა. ბავშვობიდანვე ოცნებად ჰქონია თბილისში ჩამოტანილი კინოფირების ნახვა. მხატვრობა იტაცებდა და მასწავლებელთან ემზადებოდა კიდეც, მაგრამ I მსოფლიო ომი დაიწყო და სხვებთან ერთად, ისიც საომრად გაიწვიეს. თავის კუთხეში მშვიდობით დაბრუნებული უმაღლესი განათლების მისაღებად, მერე თბილისში ჩამოვიდა. სახელმწიფო უნივერსიტეტის ფილოლოგიურ ფაკულტეტზე სწავლისას, აქტიურად იყო ჩაბმული მემარცხენე ლიტერატორთა მოძრაობაში, გამოდიოდა მანიფესტებითა და დეკლარაციებით. თანამშრომლობდა ქართულ ლიტერატურულ ორგანოებსა და მაიაკოვსკის ჟურნალში "ნოვი ლევი".
სწორედ იმ პერიოდში, თბილისში რეჟისორი ლევ კულეშოვი ჩამოვიდა. მაშინ ლეო ესაკია უკვე სცენარებს წერდა, სასცენარო განყოფილების გამგედ და სამხატვრო საბჭოს წევრად მუშაობდა. კულეშოვმა ესაკია თანაშემწედ აიყვანა. მალე მან დამოუკიდებლად მუშაობის უფლებაც მოიპოვა და ესაკიას კინორეჟისორული დებიუტი 1928 წელს შედგა, ფილმით - "ჰოლტზე". მისი მომდევნო ფილმი გახლდათ "ამერიკანკა", თუმცა, ეს "რომანტიკული" სათაური ნუ დაგაბნევთ, ფილმი რეჟისორმა 1905 წლის რევოლუციის 25 წლისთავს მიუძღვნა; "ამერიკანკა" კი საბეჭდი მანქანის ფირმის სახელწოდებაა, რომელზეც მოსკოვის ბოლშევიკური ორგანიზაციის წევრი რევოლუციონერები პროკლამაციებს ხილის დუქნის სარდაფში მოწყობილ, არარეგალურ სტამბაში ბეჭდავდნენ.
თანამდებობები და პოპულარული ფილმები
1945-1955 წლებში ლეო ესაკიამ რეჟისორული მუშაობა შეწყვიტა და კინოორგანიზატორულ და საზოგადოებრივ საქმიანობაში ჩაება. სხვადასხვა დროს იგი მუშაობდა ისეთ თანამდებობებზე, რომელიც დღეს უკვე აღარ არსებობს და შესაძლოა, ზოგიერთი მათგანი გაოცებასაც კი იწვევდეს. ლეო ესაკია მუშაობდა: საქართველოს სსრ მინისტრთა საბჭოსთან არსებულ ხელოვნების სამმართველოს უფროსის პირველ მოადგილედ, რადიოკომიტეტის თავმჯდომარედ, საქართველოს საბჭოთა სოციალისტური რესპუბლიკის კინემატოგრაფიის მინისტრის პირველ მოადგილედ და ამავე დროს, კინოსტუდიის დირექტორად. საქართველოს სსრ პოლიტიკური და მეცნიერული ცოდნის გამავრცელებელი საზოგადოების თავმჯდომარის პირველ მოადგილედ და კინოფიკაციის მთავარი სამმართველოს უფროსად.
რაც შეეხება რეჟისორულ საქმიანობას, მან თავისი ცნობილი ფილმები: "ბაში-აჩუკი", "ნინო", "გლახის ნაამბობი" 50-იანი წლების შემდეგ შექმნა, მერე კი კინოოპერის - "აბესალომ და ეთერი" გადაღებების დაწყება დააანონსა... განაგრძეთ კითხვა gza.ambebi.ge-ზე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
