ფილარმონიასთან შეკრებილ მრევლს "ანტილიბერალური ჯგუფი" შეუერთდა

ფილარმონიასთან შეკრებილ მრევლს და სასულიერო პირებს "ანტილიბერალური ჯგუფი" შეუერთდა. ახალგაზრდების ჯგუფმა, რომლებსაც სახეზე პირბადეები აქვთ აფარებული, ტერიტორიაზე პლაკატი გამოფინეს წარწერით caution - this is Sakartvelo.

პლაკატს ლგბტ ჯგუფის მიმართ ძალადობის ამსახველი გამოსახულება აქვს.

როგორც მოძრაობის წევრმა შოთა მარტინენკომ განაცხადა, "ანტილიბერალური ჯგუფი" ამ ფორმით ლგბტ ჯგუფის მიმართ პროტესტს აფიქსირებს.

"მიდის პროპაგანდა, თითქოს ჰომოსექსუალობა არ არის დარღვევა, რაც არის სისულელე. ამას არანაირი კავშირი არ აქვს რაციონალიზმთან და მეცნიერებასთან", - განაცხადა შოთა მარტინენკომ.