9
ივნისიდღის ზოგადი ასტროლოგიური პროგნოზი
როგორც ისტორიული საბუთებით ირკვევა, თბილისის წმინდა სამების ეკლესიაში დაიწერეს ჯვარი სხვადასხვა დროს ილია ჭავჭავაძემ და ოლღა გურამიშვილმა; ექვთიმე თაყაიშვილმა და ნინო პოლტორეცკაიამ; ივანე მაჩაბელმა და ანასტასია ბაგრატიონ-დავითაშვილმა და ა.შ... ილია ჭავჭავაძე იყო ნებიერიძეთა ოჯახის მეჯვარე, აკაკი წერეთელმა აქ მონათლა ბავშვი. ტაძარი ძალიან ახლობელი იყო მაშინდელი საზოგადოების გამოჩენილ წევრთათვის და ვინ იცის, შეიძლება არა მხოლოდ სულიერი საზრდო, არამედ მათი შემოქმედებისა თუ კულტურულ-საზოგადოებრივი მოღვაწეობისათვის შთაგონების წყაროც იყო...
არქიმანდრიტი ანტონი (ნადიბაიძე), ყოვლადწმინდა სამების (ძველი) ტაძრის წინამძღვარი:
- თბილისის წმინდა სამების ეკლესია პირველი ტაძარია, რომელიც ყოვლადწმინდა სამების სახელზე იქნა აგებული. სწორედ მისი განსაკუთრებული მფარველობით, დღიდან აგებისა, არასდროს შეწყვეტილა ტაძარში ღვთისმსახურება და დღესაც, უწმინდესისა და უნეტარესის, სრულიად საქართველოს კათოლიკოს-პატრიარქის, ილია მეორის ლოცვა-კურთხევით მსახურება ყოველდღიურად აღევლინება. ტაძარს მნიშვნელოვანი როლი ჰქონდა ქალაქის მცხოვრებთა სულიერ ცხოვრებაში, მის კულტურულ განვითარებასა და ქართული მართლმადიდებელი ეკლესიის ტრადიციების შენარჩუნების საქმეში. იგი ერთ-ერთი მთავარი კულტურული და რელიგიური ცენტრი იყო თბილისში. ამაზე ცოტა მოგვიანებით. ახლა კი მოკლე ცნობები ტაძრის დაარსებასთან დაკავშირებით: წმინდა სამების ეკლესია საქართველოს ეროვნული მუზეუმის უკან, რობაქიძის ქუჩაზე მდებარეობს. იგი 1790 წელს პეტრე აღნიაშვილმა, მეტსახელად ყარაულმა ააგო (იგი ერეკლე მეორის მიერ ღართისკარის დარაჯად იყო დანიშნული და თბილისს დაღესტნელების შემოსევებისაგან იცავდა). ეროვნული არქივი, 1824 წლის მარტის დოკუმენტი:
"1790 წლის სამების ეკლესიის ქვის ნაგებობის მღვდლად დასვეს 55 წლის სოლომონ აბრამიშვილი; ეკლესიას ჰყავს 43 მრევლი". ამ დოკუმენტს ხელს აწერს ანჩისხატის კანდელაკი, გაბრიელ მესხიშვილი (30). მოგვიანებით, 1932 წელს მისმა შვილიშვილმა, მღვდელმა სვიმონ (შიო) აღნიაშვილმა ნაგებობას დასავლეთით კარიბჭე მიაშენა, 1850 წელს კი მისივე ნებით მასზე სამრეკლო დაადგა. ცოტა ხანში ეკლესია მთლიანად განახლდა. მეტად საგულისხმოა ის ფაქტი, რომ ტაძრის იმჟამინდელმა და ახლანდელმა წინამძღვრებმა ტაძარში არსებული ორი ახალი ტრაპეზი სწორედ ექვთიმე ღვთისკაცისა და ილია მართლის სახელზე ვაკურთხეთ, რადგანაც მათი ცხოვრება თბილისის წმინდა სამების ტაძართან მჭიდროდ იყო დაკავშირებული. როგორც ისტორიული საბუთებით ირკვევა, თბილისის წმინდა სამების ეკლესიაში დადიოდნენ სხვადასხვა ფენის წარმომადგენლები. აქ დაიწერეს ჯვარი სხვადასხვა დროს ილია ჭავჭავაძემ და ოლღა გურამიშვილმა, ექვთიმე თაყაიშვილმა და ნინო პოლტორეცკაიამ, ივანე მაჩაბელმა და ანასტასია ბაგრატიონ-დავითაშვილმა და ა.შ. ილია ჭავჭავაძე იყო ნებიერიძეთა ოჯახის მეჯვარე, აკაკი წერეთელმა აქ მონათლა ბავშვი, ანუ როგორც აქამდე აღვნიშნე, ტაძარი ძალიან ახლობელი იყო მაშინდელი საზოგადოების გამოჩენილი წევრებისთვის.
- რით აიხსნება ამ გამორჩეული ადამიანების არჩევანი?
- მტკიცებით თქმა, თუ რამ გადააწყვეტინა ამ დიდებულ ადამიანებს თავიანთი ცხოვრება ამ პატარა ტაძრისთვის დაეკავშირებინათ, შეუძლებელია, მაგრამ მეტად სავარაუდოა, რომ ეს ტაძარში მოღვაწე დეკანოზ პეტრე არდაზიანს უკავშირდებოდეს, რომელიც გამორჩეული იყო თავისი ცხოვრებით და მეტად მიღებული პირი გახლდათ ქალაქის იმდროინდელ წარჩინებულ საზოგადოებაში. თუმცა, ასევე არ არის გამორიცხული, რომ ამ დიდი და წმინდა ადამიანების ყურადღება ტაძარმა თავისი მოკრძალებულობითა და უდიდესი მადლით დაიმსახურა. ახლა კი, რამდენიმე მნიშვნელოვანი ცნობა, საქართველოს ეროვნული არქივიდან:.. განაგრძეთ კითხვა gza.ambebi.ge-ზე
