სანდრო გირგვლიანის საქმეზე, რომელზეც ბრალი მიხეილ სააკაშვილს აქვს წარდგენილი, ირაკლი ოქრუაშვილი იკითხება

სანდრო გირგვლიანის საქმეზე, რომელზეც ბრალი ყოფილ პრეზიდენტ მიხეილ სააკაშვილს აქვს წაყენებული, თავდაცვის ყოფილი მინისტრი ირაკლი ოქრუაშვილი იკითხება.

ოქრუაშვილი ბრალდების მხარის მოწმის სტატუსით სასამართლოს ჩვენებას ამ წუთებში აძლევს.

როგორც მან აღნიშნა, გირგვლიანის გარდაცვალების ფაქტით მას შემდეგ დაინტერესდა, რაც ამერიკაში მყოფი მისი და დაუკავშირდა და გარდაცვალების დეტალების დაზუსტება სთხოვა.

სანდრო გირგვლიანის საქმეზე მიხეილ სააკაშვილს ბრალი სამსახურებრივი უფლებამოსილების ბოროტად გამოყენებაში ედება. კერძოდ, პროკურატურა მას მკვლელობაში ბრალდებულების შეწყალების ნაწილში ედავება.