მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
ორშაბათი, მთვარის მეცხრამეტე დღე დაიწყება 23:42-ზე, მთვარე მორიელში იქნება 11:30-ზე
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. მოერიდეთ ცხარე და ცხიმიან საკვებს. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საპრეზიდენტო არჩევნების მე-2 ტური საფრანგეთში - კანდიდატებმა საკუთარი არჩევანი უკვე გააკეთეს
06:00 / 07-05-2017
საფრანგეთში საპრეზიდენტო არჩევნების მეორე ტური იმართება. მეორე ტურში ერთმანეთს პოლიტიკური მოძრაობა "წინ"-ის ლიდერი ემანუელ მაკრონი და "ეროვნული ფრონტის" ლიდერი მარინ ლე პენი უპირისპირდებიან. ადგილობრივი დროით 08:00 საათიდან (თბილისის დროით 10:00 საათიდან) საფრანგეთის 66 546 უბანზე ფრანგები მომავალ ლიდერს აირჩევენ.
ადგილობრივი დროით 12:00 საათისთვის ამომრჩეველთა აქტივობამ 28,23% შეადგინა. აღნიშნულის შესახებ ინფორმაციას საფრანგეთის შინაგან საქმეთა სამინისტრო ავრცელებს.
შედარებისთვის, 2012 წლის საპრეზიდენტო არჩევნებზე 12.00 საათისთვის ამომრჩეველთა აქტივობა 30,66% იყო. საარჩევნო უბნები ადგილობრივი დროით 19:00 საათზე დაიხურება, ხოლო რიგ დიდ ქალაქებში - 20:00 საათზე.
საკუთარი არჩევანი უკვე გააკეთეს პრეზიდენტობის კანდიდატებმა. ემანუელ მაკრონმა საკუთარი არჩევანი მეუღლესთან ერთად გააკეთა. მაკრონი ქალაქ ტუკეში მდებარე საარჩევნო უბანს ეწვია.
იგი პირველად მონაწილეობს საფრანგეთის საპრეზიდენტო არჩევნებში. 2014-2016 წლებში ფრანსუა ოლანდის მთავრობაში ეკონომიკის მინისტრი გახლდათ. შემდგომში დატოვა მმართველი პარტია და 2016 წლის 6 აპრილს საკუთარი პოლიტიკური მოძრაობა შექმნა.
23 აპრილს გამართული საფრანგეთის საპრეზიდენტო არჩევნების პირველ ტურში ემანუელ მაკრონმა ამომრჩეველთა ხმების 24,01%-ით პირველი ადგილი დაიკავა.
რაც შეეხება მარინ ლე პენს, მან საკუთარი არჩევანი ქალაქ ენენ-ბომონში მდებარე საარჩევნო უბანზე გააკეთა. 23 აპრილს გამართული პირველი ტურის ფარგლებში მარინ ლე პენი - 21,30%-ით მეორე ადგილზე გავიდა.
საფრანგეთის რიგით მე-11 საპრეზიდენტო არჩევნების პირველი ტური 23 აპრილს გაიმართა. თავდაპირველად საპრეზიდენტო არჩევნებში 11 დარეგისტრირებული კანდიდატი მონაწილეობდა. საფრანგეთის საკონსტიტუციო საბჭოს მიერ დამტკიცებული შედეგებით, ემანუელ მაკრონმა ამომრჩეველთა ხმების 24,01%-ით პირველი ადგილი დაიკავა, ხოლო მარინ ლე პენი - 21,30%-ით მეორე ადგილზე გავიდა.
კვლევითი ორგანიზაცია Odoxa-ს მიერ ჩატარებული გამოკითხვის თანახმად, საფრანგეთის საპრეზიდენტო არჩევნების მეორე ტურში ამომრჩეველთა აქტივობა შესაძლოა ყველაზე დაბალი იყოს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მეტეხის ხიდიდან, მტკვარში კიდევ ერთი მანქანა გადავარდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
