მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნაძალადევში მე-10 სკოლის დანგრევა იგეგმება - სად გადანაწილდებიან ბავშვები და რა კომენტარს აკეთებს მინისტრი
06:33 / 11-05-2017
რამდენიმე დღის წინ AMBEBI.GE-ს ფეისბუქის გვერდზე მკითხველმა მოგვწერა და თბილისში, ცოტნე დადიანის ქუჩაზე მდებარე მეათე საჯარო სკოლასთან დაკავშირებით ინფორმაცია მოგვაწოდა. მკითხველის თქმით, სკოლა ავარიულია და სავარაუდოდ, უახლოეს მომავალში მოსწავლეებს სკოლიდან გაიყვანენ. მისივე თქმით, ადგილობრივი მოსახლეობა შიშობს, რომ აღნიშნულ ტერიტორიაზე ერთ-ერთი კომპანია საცხოვრებელი კორპუსის მშენებლობას აპირებს.
AMBEBI.GE ინფორმაციის გადასამოწმებლად აღნიშნულ სკოლას ესტუმრა. საჯარო სკოლის დირექტორის მოადგილე მარიამ ჩიკვაიძემ ჩვენთან საუბარში უარყო ინფორმაცია იმის შესახებ, რომ სკოლიდან ბავშვების გაყვანა იგეგემება, მისი თქმით, სასწავლო პროცესი ჩვეულებრივად მიმდინარეობს.
"ავარიული ზოგადად მთელს ქალაქში ბევრი შენობაა, მაგრამ ამ შემთხვევაში ჩვენ ვფიქრობთ, რომ ამ ხარისხის ავარიულობა არ არის საშიში და არ არის იმის საჭიროება, რომ ევაკუაცია გამოცხადდეს", - ამბობს მარიამ ჩიკვაიძე.
როგორც მარიამ ჩიკვაიძემ გვითხრა, სკოლაში ნამდვილად არის გადაკეთილი ფლიგელები და სკოლის ნაწილში მართლაც გაჩნდა ბზარები.
"ოთხივე სართულზე არის გადაკეტილი ფლიგელი, ვფიქრობ სწორედ ამან გააჩინა ეჭვი, რომ სკოლა ავარიულია. გადაკეტილი გვაქვს, რომ ამ ფლიგელში ბავშვებმა არ იმოძრაონ. იყვნენ სამხარაულის ექსპერტიზის ბიუროდან, განათლების სამინისტროდან. ველოდებით პროექტს, სადაც გამოიკვეთება დასკვნაც, ვნახავთ რა ჭირდება სამომავლოდ სკოლას: ავარიული ადგილების რესტავრაცია თუ სკოლის საერთოდ დანგრევა და ახალი შენობის აშენება", - გვითხრა მარიამ ჩიკვაიძემ.
AMBEBI.GE რამდენიმე მოსწავლის მშობელსაც გაესაუბრა. ერთ-ერთმა მათგანმა გვითხრა, რომ სწავლა ჩვეულებრივად გრძელდება და სკოლა ავარიული არ არის. თუმცა, ამავე სკოლის მოსწავლის სხვა მშობლის განცხადებით, ჩატარდა კრება, სადაც დაბარებულები იყვნენ მშობლები, რომელთაც უთხრეს, რომ სკოლა ავარიულია და დანგრევას უპირებენ.
"კრება მოიწვია დირექტორმა და გვითხრა, რომ სკოლა ავარიულია და უნდა დაანგრიონ. როგორც გვითხრეს, "გეპეის" (ტექნიკური უნივერსიტეტი) მეორე კორპუსში გადავყავართ, ვისაც უნდა გადადის და ვისაც უნდა, სხვა სკოლაში გადაყავს ბავშვი. თუმცა, მომდევნო სემესტრამდე სწავლა ჩვეულ რეჟიმში გრძელდება. მშობლებმა ისიც მოვილაპარაკეთ, რომ ტრანსპორტი ვიქირაოთ, რომ საბურთალოზე სიარული არ გაგვიჭირდეს. გვითხრეს, რომ სკოლა რესტავრაციას არ ექვემდებარება და უნდა დაანგრიონ. აშენებას კი ორი წელი მაინც დაჭირდება", - გვითხრა ერთ-ერთმა მშობელმა, რომელმაც ვინაობის გამხელა არ ისურვა.
აღნიშნულ საკითხს ეხმაურება საქართველოს განათლებისა და მეცნიერების მინისტრი. AMBEBI.GE-ს კითხვაზე, იგეგმება თუ არა ცოტნე დადიანის ქუჩაზე მდებარე მე-10 სკოლის დემონტაჟი და ამავე ადგილზე საცხოვრებელი კოპრუსის მშენებლობა, ალექსანდრე ჯეჯელავამ განაცხადა, რომ სკოლის ადგილას ისევ სკოლა აშენდება.
"როგორც ვიცი, სკოლა არის ავარიული, თუმცა საბოლოო დასკვნა ახლა მუშავდება და უახლოეს დღეებში გვეცოდინება. რადგან შენობა ავარიულია და მოსწავლეებისთვის სახიფათო იქნება, მისი დემონტაჟი და ახალი სკოლის აშენება მოგვიწევს. ახალი სკოლა იმავე ტერიტორიაზე აშენდება. ამასობაში მოსწავლეები, როგორც ასეთ შემთხვევებში ხდება ხოლმე, ახლო მდებარე სკოლებში გადანაწილდებიან, ან ერთ სკოლაში, თუ ერთი სკოლა დაიტევს მათ. სასწავლო პროცესი შეუფერხებლად გაგრძელდება", - განაცხადა ალექსანდრე ჯეჯელავამ.
რაც შეეხება საჭირო პროცედურებს, განათლების მინისტრის ინფორმაციით, ჯერ უნდა გაკეთდეს დასკვნა, ასევე მოსამზადებელი და შესათანხმებელია სკოლის პროექტები.
მარიამ ლორთქიფანიძე, ანა მარშანია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
