19
ივლისიდღის ზოგადი ასტროლოგიური პროგნოზი
უკრაინაში კონფლიქტის დარეგულირებისთვის ზავს დიდი მნიშვნელობა აქვს, - ამის შესახებ გერმანიის კანცლერმა ანგელა მერკელმა რუსეთის პრეზიდენტ ვლადიმერ პუტინთან გამართულ ერთობლივ პრესკონფერენციაზე განაცხადა.
მისივე თქმით, ეუთო-ს მუშაობას დიდი მნიშვნელობა აქვს და სამწუხაროა, რომ ის ხალხი, ვინც კონფლიქტის დეესკალაციას უწყობს ხელს, ამ კონფლიქტის მსხვერპლი გახდა. "ჩვენ ყველაფერი უნდა გავაკეთოთ ამ კონფლიქტის გადასაჭრელად. სამწუხაროდ, დიდ პროგრესს ჯერ არ აქვს ადგილი. კიდევ ერთხელ გავიმეორებ, ჩვენ ზავი გვჭირდება და შემდეგ უკვე პოლიტიკური ნაბიჯები გადაიდგმება", - განაცხადა გერმანიის კანცლერმა.
თავის მხრივ რუსეთის პრეზიდენტმა აღნიშნა, რომ არავის ჩამოუშორებია დონბასი უკრაინისგან და რომ თვითონ უკრაინის ხელისუფლება აკეთებს ამას ბლოკადის პოლიტიკის გატარებით.
"ღრმად ვარ დარწმუნებული, რომ კიევის დღევანდელმა ხელისუფლებამ ხელიდან გაუშვა შანსი, მინსკის შეთანხმებების რეალიზება მოეხდინა მაშინ, როდესაც საამისოდ შიდაპოლიტიკური შესაძლებლობები ჰქონდა", - განაცხადა ვლადიმერ პუტინმა.
ერთობლივ პრესკონფერენციაზე ანგელა მერკელი ასევე შეეხო ტერორიზმთან ბრძოლის საკითხს. მისი თქმით, რუსეთსა და გერმანიას შეუძლიათ მჭიდროდ ითანამშრომლონ საერთაშორისო ტერორიზმთან ბრძოლის საკითხში. "ჩვენ ერთიანი ვართ იმაში, რაც საერთაშორისო ტერორიზმთან ბრძოლას შეეხება. ამ სფეროში გერმანიასა და რუსეთს უფრო მჭიდროდ შეუძლიათ თანამშრომლობა", - აღნიშნა მან.
