მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნატურალური პროდუქტი პირდაპირ სოფლიდან - ონლაინ მაღაზია soplidan.ge-ს შექმნის ისტორია
03:49 / 02-05-2017
ბოლო პერიოდში საქართველოში დიდი ყურადღება ეთმობა სოფლის მეურნეობის განვითარების პროექტებს, სახელმწიფო თუ კერძო სექტორის წარმომადგენლები ცდილობენ შექმნან ახალი სერვისი და ამით უფრო მეტად განავითარონ ეს სფერო.
www.soplidan.ge - სოფლის პროდუქტების პირველი ონლაინ მაღაზიაა. ვებგვერდის დამფუძნებელი ნათია ნინიკელაშვილი ვებგვერდის შექმნის იდეაზე გვესაუბრება:
"ჩემთვის ყოველთვის სირთულეს წარმოადგენდა ბავშვების საკვების დასამზადებლად ჯანსაღი პროდუქტი შემეძინა, ამიტომ იძულებული ვიყავი კახეთიდან ჩამომეტანა სოფლის ნაწარმი, გლეხებს ვუკავშირდებოდი და სხვადასხვა პროდუქტი ჩამომქონდა. ეს რომ გაიგეს ჩემმა მეგობრებმა, გაუჩნდათ სურვილი მათაც შეეძინათ პროდუქტი, საბოლოოდ კი გაჩნდა იდეა, გაგვეკეთებინა ვებგვერდი, სადაც მომხმარებელს შესაძლებლობა ექნებოდა ნატურალური პროდუქტი შეეძინა.
დროთა განმავლობაში სოფლის პროდუქტები და ონლაინ შესყიდვების თემა დავუკავშირე ერთმანეთს და შეიქმნა soplidan.ge. შპს "სოფლიდან" 2015 წელს დაარსდა. ჩვენი მთავარი მიზანია, თბილისის მოსახლეობას ჯანსაღი პროდუქტი მივაწოდოთ. ყველა ოჯახს, რომელსაც სურვილი აქვს იკვებებოდეს ნატურალური პროდუქტით, შეუძლია მისთვის სასურველ ადგილზე მიიღოს ყველა ის პროდუქტი, რასაც საიტზე შეიძენს. კომპანია აკონტროლებს და იცავს პროდუქტის ტრანსპორტირების, შენახვის და დაფასოების წესებს სურსათის ეროვნული სააგენტოს ნორმებით.
მნიშვნელოვანია, რომ პროდუქტები, რომელიც ჩვენს ვებგვერდზეა განთავსებული საქართველოს სხვადასხვა კუთხეში ფერმერებისგან არის შეძენილი. ეს ერთგვარად ხელს უწყობს ფერმერებს საკუთარი საქმიანობა გააუმჯობესონ და მათი მოყვანილი ნატურალური პროდუქტი გაიტანონ საქართველოს ბაზარზე.
- ძირითადად რა სახის პროდუქტებია ვებგვერდზე sopidan.ge განთავსებული?
- ვებგვერდზე soplidan.ge განთავსებულია პროდუქტები, რომლებიც ყველგან შეიძლება შეიძინოთ, ვცდილობთ ფართო სპექტრი შევთავაზოთ ჩვენს მომხმარებელს, მაგრამ გვაქვს ისეთი პროდუქტებიც, რომლებიც რთულად მოსაპოვებელია. მაგალითად გუდის ყველი. რთულია კარგი გუდის ყველის შეძენა, შეიძლება გამყიდველმა მოგატყუოთ კიდეც და სახლში რომ მიხვალთ, შეძენილი პროდუქტი გუდის ყველი არ აღმოჩნდეს. გვაქვს დამბალხაჭო, კამეჩის მაწონი, კახური ზეთი, ჯონჯოლი, ფოკის მონასტრის პროდუქტები, ხორცპროდუქტები და სხვა, რომლებიც საკმაოდ რთული შესაძენია.
მნიშვნელოვანია, რომ მონაწილეობა მივიღეთ "თიბისი ბანკის" პროექტში "ბიზნესდაჯილდოება" და გავხდით აგრობიზნესის ჯგუფის ფინალისტები. ჩავერთეთ "თიბისი ბანკის" პროგრამაში "სტარტაპერი", აქტიურად ვსარგებლობთ ტრენინგებით, ავიღეთ სტარტაპ-სესხი და შეიქმნა ვიდეორგოლიც, რომელიც გვეხმარება ჩვენი ვებგვერდის ცნობადობის გაზრდაში.
ეკა გადახაბაძე
AMBEBI.GE
#სტარტაპერი #გვეამაყები
ფოტოები: ADvan/ ედვენი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
