მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
იტალიელი ექიმი, რომელიც საქართველოში აკრძალულ საქმიანობას ეწეოდა, დააკავეს
09:22 / 26-04-2017
რამდენიმე თვის წინ, AMBEBI.GE წერდა იტალიელი ექიმის, დავიდე ვანონის შესახებ, რომელსაც სამედიცინო საქმიანობა აკრძალული ჰქონდა როგორც იტალიაში, ასევე, მის ფარგლებს გარეთ, თბილისში კი ერთ-ერთ კერძო კლინიკაში მუშაობდა და პაციენტებს იღებდა.
ფსიქოლოგიის პროფესორმა ვანონიმ გამოიგონა მკურნალობის მეთოდი Stamina-თერაპია, ან უბრალოდ "სტამინა", რომელიც ალტერნატიული "სამედიცინო მკურნალობის" მეთოდია და იტალიაში ბოლო წლებში დისკუსიისა და კამათის საგანი გახდა. 2015 წლის მარტში, ტურინის სასამართლოს გადაწყვეტილებით, ვანონის სამედიცინო საქმიანობა აეკრძალა, თუმცა იტალიელმა პროფესორმა ახალი ცხოვრება საქართველოს დედაქალაქში დაიწყო და პაციენტებს თბილისის ერთ-ერთ კლინიკაში იღებდა.
AMBEBI.GE-ს მიმართვის საფუძველზე, საქმეში ჩაერთო ჯანდაცვის სამინისტროს რეგულირების სააგენტო, რომელმაც საკითხი შეისწავლა და ერთი თვის შემდეგ შედეგიც დადო - სააგენტოს გადაწყვეტილების საფუძველზე დავიდე ვანონის საქართველოში საქმიანობა შეუწყდა.
დღეს კი ცნობილი ხდება, რომ იტალიელმა კარაბინიერებმა დავიდე ვანონი გამოძიების ფარგლებში დააკავეს. "სტამინას" საქმის ახალი გამოძიება ეხება ქალაქ ტურინში დანაშაულებრივი დაჯგუფების შექმნას, რაშიც ვანონის ედება ბრალი. დანაშაულებრივი ჯგუფის შექმნის გარდა, იტალიელ პროფესორს თაღლითობაში ედება ბრალი და ისეთი მედიკამენტების წარმოებაში, რომლებიც ნეიროდეგენერაციული დაავადებების მკურნალობის სტანდარტებს არ აკმაყოფილებდნენ.
გამოძიების ინფორმაციით, დავიდე ვანონი იტალიის დატოვებას აპირებდა, როცა ის დილით ტურინში დააკავეს. სამართალდამცველების ინფორმაციით, ვანონი დომინიკის რესპუბლიკაში, სანტო დომინგოში გამგზავრებას აპირებდა. გამოძიება ვარაუდობს, რომ ის სანტო დომინგოში საქმიანობის განახლებას გეგმავდა (როგორც ჩანს, საქართველოში საქმიანობის შეწყვეტის შემდეგ, ვანონიმ ახალ გზას მიაგნო და ამჯერად დომინიკის რესპუბლიკაში ცდილობდა მისი მკურნალობის მეთოდის დანერგვას - ავტ.).
როგორც იტალიური გამოცემა ansa.it იუწყება, დავიდე ვანონი თითოეულ პაციენტს მკურნალობაში 27 ათას ევროს ახდევინებდა და პაციენტები საქართველოში ჩადიოდნენ "სტამინას" მეთოდით სამკურნალოდ, რადგან იტალიაში აღნიშნული მეთოდით მკურნალობა კანონით აკრძალულია.
თამარ ბოჭორიშვილი, კახა დგებუაძე
AMBEBI.GE
მომზადებულია www.ansa.it-ის მიხედვით
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
