მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ადვოკატი - მერაბ ღოღობერიძემ შიმშილობა დაიწყო, მისი დაკავება პოლიტიკური ნიშნით მოხდა
07:29 / 24-04-2017
არასამთავრობო ორგანიზაცია "კორუფციასთან ბრძოლის" საინფორმაციო ცენტრის ხელმძღვანელის მერაბ ღოღობერიძის ადვოკატი ზაზა პაპიძე აცხადებს, რომ მისი დაცვის ქვეშ მყოფის დაკავება პოლიტიკური ნიშნით მოხდა. როგორც ზაზა პაპიძე ამბობს, მერაბ ღოღობერიძის დაკავებით, პირადად აჭარის პოლიციის მთავარი სამმართველოს უფროსი კახა ბუხრაძე და აჭარის კრიმინალური პოლიციის დეპარტამენტის დირექტორი ლაშა გოგნიაშვილი არის დაინტერესებული.
"მერაბ ღოღობერიძეს ბრალი ოფიციალურად ჯერ არა აქვთ წარდგენილი. მან შიმშილობა დაიწყო, რადგან უკანონო დაკავებას აპროტესტებს. მის მიმართ მტკიცებულებები გაყალბებულია. სწორედ ამ ცრუ ბრალდების გამო, უკიდურეს ზომას მიმართა. დღევანდელ სასამართლო პროცესზე გამოუცხადებლობის მიზეზი როგორც უკვე ვიცით და სახალხო დამცველის წარმომადგენლმაც განაცხადა, შინაგან საქმეთა სამინისტროს კომუნიკაციის მიზეზია. შსს-ს საპატრულო პოლიცია და კრიმინალური პოლიცია ერთიანი სისტემაა და მათ თუ ერთმანეთთან კომუნიკაცია არ აქვთ, ეს მათი პრობლემაა, ამის გამო ადამიანის უფლებები არ უნდა ირღვეოდეს. მერაბ ღოღობერიძის დაკავება კახა ბუხრაძის, ასევე აჭარის კრიმინალური პოლიციის დეპარტამენტის უფროსის ლაშა გოგნიაშვილის ინტერესში შედიოდა, როგორც თვითონ განმიცხადა, მას ჰქონდა აღნიშნულ პირებთან კომუნიკაცია. მერაბ ღოღობერიძე დეტალებს ამ ეტაპზე არ ახმაურებს. მისი დაკავება პოლიტიკურ ნიშნებს შეიცავს", - აცხადებს ზაზა პაპიძე.
ბათუმის მოვლენებთან დაკავშირებით, გუშინ სამართალდამცველებმა მერაბ ღოღობერიძე და ირაკლი ჩხვირკია დააკავეს.
როგორც "ინტერპრესნიუსს" საქართველოს შინაგან საქმეთა სამინისტროში განუცხადეს, ბათუმის საქალაქო სასამართლოს განჩინების საფუძველზე, აჭარის პოლიციის დეპარტამენტის დეტექტივების სამმართველოს თანამშრომლებმა, ჯგუფური დანაშაულის ორგანიზების და ხელმძღვანელობის ბრალდებით ორი პირი - 1985 წელს დაბადებული მ.ღ. და 1987 წელს დაბადებული ი.ჩ. დააკავეს. მათივე ცნობით, აღნიშნული პირები დაკავებულები არიან სსკ-ის 225-ე მუხლის პირველი ნაწილით, რაც გულისხმობს ჯგუფური მოქმედების ორგანიზებას ან ხელმძღვანელობას, რასაც თან ახლავს ძალადობა, რბევა, სხვისი ნივთის დაზიანება ან განადგურება, იარაღის გამოყენება, იარაღის გამოყენებით ხელისუფლების წარმომადგენლისადმი წინააღმდეგობა ან/და მათზე თავდასხმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
