მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სენსაციური აღმოჩენის კვალდაკვალ: რა იპოვეს არქეოლოგებმა კახეთში უძველესი ნამოსახლარის ადგილას
04:05 / 20-04-2017
2016 წლის იანვარში საქართველოს კულტურული მემკვიდრეობის დაცვის ეროვნულმა სააგენტომ კახეთში სენსაციური აღმოჩენის შესახებ გააკეთა განცხადება. როგორც მაშინ გახდა ცნობილი, ივრის ნაპირზე, კოწახურას ქედის სამხრეთ-აღმოსავლეთით სავარაუდოდ, ანტიკური ხანის ნაქალაქარი აღმოაჩინეს.
ივრის ზეგანზე ჩატარებული არქეოლოგიური სამუშაოების შესახებ სასაუბროდ, არქეოლოგ ქეთი დიღმელაშვილს დავუკავშირდით, რომელმაც კოლეგებთან ერთად ეს ობიექტი აღმოაჩინა:
- ამ ეტაპზე ივრის ნაპირზე აღმოჩენილ ნაქალაქარზე დაზვერვითი სახის სამუშაოები ვაწარმოეთ. ჩვენი მიზანი იყო გაგვერკვია, ზუსტად რასთან გვქონდა საქმე, იყო თუ არა ეს ისეთი მასშტაბური კომპლექსი ან ნამოსახლარი, როგორიც თავიდან წარმოგვედგინა. თან გვსურდა გაგვერკვია, იყო თუ არა აქ ნამდვილად ყორღანი. სამუშაოებს ვაწარმოებდით კულტურული მემკვიდრეობის დაცვის სააგენტოს სპეციალისტები. ადგილზე მცირე ჯგუფი წავედით, რადგან დიდი მასშტაბის კვლევის ჩატარების საშუალება რიგი მიზეზების გამო არ გვქონდა. უნდა აღვნიშნოთ, რომ ვინაიდან ობიექტი სასაზღვრო ზოლში მდებარეობდა, სასაზღვრო დეპარტამენტისგან გვქონდა სრული მხარდაჭერა, რისთვისაც მათ მადლობას მოვახსენებთ.
იხილეთ კადრები აღმოჩენის ადგილიდან
20 დღის განმავლობაში დაზვერვითი სამუშაოების შედეგად დადასტურდა, რომ ამ ადგილას ნამდვილად არქეოლოგიური ობიექტია. ტერიტორია რამდენიმე ადგილას მოისინჯა. დაიზვერა, ის ადგილიც სადაც ალიზით ნაგები ტერიტორიები ჩანდა. დადასტურდა ალიზის კედლების ნაშთი, თუმცა რას წარმოადგენდა ეს კონსტრუქციები ამ ეტაპზე ამაზე საუბარი რთულია.
რაც შეეხება სავარაუდო ყორღანს, მასზე მაშტაბური კვლევა არ განხორციელებულა. მოხდა მხოლოდ ზედაპირული დაზვერვა, რამაც რეალურ შედეგამდე ვერ მიგვიყვანა. გორის არქიტექტონიკა ერთგვარად განსხვავებულია, ამიტომ ზუსტ დასკვნებს ჯერ ვერ გავაკეთებთ.
ამ აღმოჩენიდან 300-400 მეტრში, ზედაპირის დათვალიერების შედეგად ძალიან საინტერესო მასალას წავაწყდით. აქ აღმოჩნდა საკმაოდ მძლავრი, ძალიან კარგად წარმოდგენილი ნამოსახლარი, რომელიც ძვ.წ. პირველი ათასწლეულის დასაწყისით დათარიღდა. ის დაახლოებით 2 ჰექტარზეა გაშლილი. ეს ადგილი შედარებით კარგადაა შემონახული, რადგან კლდის მასივის ძირშია და ერთგვარად დაცულია ზემოქმედებისგან.
სათავსო ნაგებობის გათხრის შედეგად აღმოვაჩინეთ კერამიკული ნაწარმი (ქვევრები, დერგები, დოქები, ქოთნები), კვირისთავები, შურდულის ქვები და სხვა. მასალამ საშუალება მოგვცა, გვეფიქრა, რომ ეს ნამოსახლარი ძლიერი მიწისძვრის შედეგად უნდა დანგრეულიყო.
გარდა კერამიკული ნაწარმისა, ამ ადგილას მოვიპოვეთ ბრინჯაოს წიდის ნარჩენები. ბრინჯაოს წიდის არსებობა ნიშნავს, რომ აქ ბრინჯაოს დამუშავება ხდებოდა, რაც ძალიან საინტერესოა და მნიშვნელოვანი.
- როდის აპირებთ ამ ადგილზე არქეოლოგიური სამუშაოების გაგრძელებას?
- შემოდგომაზე ვაპირებთ, რომ კიდევ ჩავიდეთ ივრის ნაპირზე და კიდევ ერთხელ გამოვიკვლიოთ ეს ადგილი. არ არის გამორიცხული, ამის შემდეგ სხვა სტრუქტურებიც ჩაერთონ პროცესში და ფართომასშტაბიანი სახე მიიღოს ამან.
- რამდენად მნიშვნელოვანია ეს აღმოჩენა ჩვენი ქვეყნისთვის?
- ვინაიდან ივრისპირეთში არქეოლოგიური კვლევებით განებივრებულები არ ვართ, ეს დაზვერვები ამ რეგიონის წარსულზე ინფორმაციის მოპოვების კიდევ ერთი საშუალებაა. თუ გავითვალისწინებთ, რომ ის დღევანდელი საქართველოს სასაზღვრო ზოლში მდებარეობს, ის, კიდევ უფრო მეტ მნიშვნელობას იძენს.
ეკა გადახაბაძე
AMBEBI.GE
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Mbonadire var.ara ertxel minaxia es kvabyli 90 clebshi, kakabze nadirobisas .asvlac mindoda magram kvelas ezareboda. Kargia rom axvedit
Monadire var.Ara ertxxel minaxia es kvabyli kakabze nadirobisas 90 ian clebshi.Asvlac mindoda . Kargia rom axvedi