მნიშვნელოვანი ინფორმაცია
7
ნოემბერიდღის ზოგადი ასტროლოგიური პროგნოზი
პარასკევი, მთვარის მეთვრამეტე დღე დაიწყება 17:52-ზე – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. არ არის რეკომენდებული: მოლაპარაკებების წარმოება. ზედმეტი აქტიური შედეგს არ მოიტანს. არ აიღოთ ზედმეტი სამუშაო და რთული პროექტები. დღეს ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს. არ დაგეგმოთ მოგზაურობა, თუ ამას გარემოება არ მოითხოვს. უმჯობესია გადადოთ რომანტიკული პაემნები. სასურველია თავი შეიკავოთ საქორწილო ცერემონიის გამართვისგან. შემთხვევითი ნაცნობები შეიძლება პერსპექტიული აღმოჩნდეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პოლიციას ე.წ. საპოლიციო გამოსახლების ფუნქცია ნაწილობრივ უბრუნდება
07:07 / 17-04-2017
პოლიციას ე.წ. საპოლიციო გამოსახლების ფუნქცია ნაწილობრივ უბრუნდება, რაც ექსპროპრიაციასთან დაკავშირებულ შემთხვევებზე გავრცელდება.
კერძოდ, მთავრობის მიერ პარლამენტში წარდგენილი "აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ" კანონპროექტით, სასამართლოს გადაწყვეტილება ექსპროპრიაციის უფლების მინიჭების თაობაზე დაუყოვნებლივ აღსრულებას ექვემდებარება.
ამასთან, საკუთრების ჩამორთმევისა და ექსპროპრიატორზე ამ უფლების გადასვლის (საჯარო რეესტრში რეგისტრაციის) შემდეგ, ექსპროპრიატორი არ ახდენს საკუთრების დაუყოვნებლივ წამოღებას. კანონპროექტით განისაზღვრა ვადა, რომლის განმავლობაშიც უკვე ყოფილმა მესაკუთრემ ექსპროპრირებული ქონება უნდა გაათავისუფლოს. კერძოდ, ეს ვადა ისეთ მიწაზე, რომელზეც შენობა-ნაგებობებია განთავსებული, არის არაუმეტეს 1 თვისა, ხოლო მიწაზე, რომელზეც შენობა-ნაგებობა არ დგას - არა უმეტეს 14 კალენდარული დღე.
ამ პირობის დაუცველობის შემთხვევაში, ექსპროპრიატორს უფლება ენიჭება, სამართალდამცავ ორგანოს მიმართოს და საკუთრების უფლების დამადასტურებელი დოკუმენტის წარდგენის საფუძველზე, მისი საკუთრებიდან უკანონო მფლობელის გასახლება მოითხოვოს.
აღნიშნულის გათვალისწინებით, პოლიციას ნაწილობრივ უბრუნდება "საპოლიციო გამოსახლების" ფუნქცია ექსპროპრიაციას დაქვემდებარებულ უძრავ ნივთზე ყოფილი მესაკუთრის მხრიდან ექსპროპრიატორის საკუთრების ხელყოფის ან სხვაგვარი ხელშეშლის არსებობის შემთხვევაში.
"აღნიშნული ცვლილება განპირობებულია იმ გარემოებით, რომ ექსპროპრიატორს ექსპროპრიაციის უფლება სასამართლოს გადაწყვეტილებით ენიჭება, რაც ქონების მის საკუთრებაში გადასვლას გულისხმობს. შესაბამისად, იმ შემთხვევაში, თუ ყოფილი მესაკუთრის მხრიდან ადგილი აქვს ექსპროპრიატორის საკუთრების ხელყოფას ან სხვაგვარ ხელშეშლას, ექსპროპრიატორს აღარ უნდა დასჭირდეს ხელახალი სასამართლო დავა ყოფილ მესაკუთრესთან იგივე ქონებაზე, ვინაიდან მას საკუთრების უფლება ისედაც სასამართლოს გადაწყვეტილების საფუძველზე აქვს მინიჭებული", - განმარტავს მთავრობა.
მთავრობა პარლამენტს აუცილებელი საზოგადოებრივი საჭიროებისათვის საკუთრების ჩამორთმევის შესახებ მოქმედი კანონის გაუქმებასა და ახლის მიღებას სთავაზობს. პარლამენტში უკვე წარდგენილია რვა კანონპროექტისგან შემდგარი საკანონმდებლო პაკეტი, რომელიც მთავრობის ადმინისტრაციაში დაიწერა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ჯაკო ჩარკვიანისა და კიდევ 3 პირის დაკავების კადრებს აქვეყნებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
