თბილისის ზღვაში მანქანა გადავარდა

თბილისის ზღვაში მანქანა გადავარდა. როგორც "ინტერპრესნიუსს" საგანგებო სიტუაციების სამსახურში განუცხადეს, მანქანა ზღვაში "გზის სავალი ნაწილიდან ჩაგორდა". მათივე ინფორმაციით, მანქანაში არავინ იმყოფებოდა.

"შესაბამისად, დაშავებულები არ არიან. ადგილზე მაშველები იმყოფებიან და მიმდინარეობს მუშაობა, რომ მანქანა წყლიდან ამოიტანონ", - განმარტეს საგანგებო სიტუაციების სამსახურში.