აღმაშენებლის ხეივანში ავტოსაგზაო შემთხვევის შედეგად ერთი ადამიანი მსუბუქად დაშავდა

აღმაშენებლის ხეივანში მომხდარი ავტოსაგზაო შემთხვევის შედეგად ერთი ადამიანი დაშავდა. მიკროავტობუსისა და მსუბუქი ავტომანქანის შეჯახების შედეგად ერთი ადამიანი მსუბუქად დაშავდა. მას პირველადი დახმარება სასწრაფო-სამედიცინო დახმარების ექიმებმა ადგილზევე გაუწიეს და ჰოსპიტალიზება არ დასჭირვებია.

როგორც "ინტერპრესნიუსს" შსს-ში განუცხადეს, ვინაიდან შეჯახების შედეგად ერთი ადამიანი მსუბუქად დაშავდა, საქმეზე სისხლის სამართლებრივი ძიება არ დაიწყება და რეაგირება ადმინისტრაციული წესით მოხდება.