უკვე მე­ო­თხე წე­ლია, რაც სა­ინ­ფორ­მა­ციო პორ­ტა­ლი AMBEBI.GE IRI-ის გა­მო­კი­თხვის მი­ხედ­ვით, ინ­ტერ­ნეტ­ში ინ­ფორ­მა­ცი­ე­ბის მი­ღე­ბის წყა­რო­ებს შო­რის ლი­დე­რია.

რე­ი­ტინ­გით არა მხო­ლოდ სხვა ვებ-გვერ­დებს უს­წრებს, არა­მედ "ფე­ის­ბუკ­საც" კი ჯობ­ნის, რო­მე­ლიც მო­გეხ­სე­ნე­ბათ, ყვე­ლა­ზე დიდი სო­ცი­ა­ლუ­რი ქსე­ლია და მი­ლი­ო­ნო­ბით მომ­ხმა­რე­ბე­ლი ჰყავს. IRI-ის მიერ გა­მო­კი­თხულ­თა 19%-მა AMBEBI.GE მათ­თვის ინ­ფორ­მა­ცი­ის მი­ღე­ბის მთა­ვარ წყა­როდ და­ა­სა­ხე­ლა.

AMBEBI.GE-ს მთა­ვა­რი რე­დაქ­ტო­რი - ეთო ფურ­ცხვა­ნი­ძე ამ წარ­მა­ტე­ბის, სა­ი­ტის სი­ახ­ლე­ე­ბის, ერ­თი­ა­ნი აქ­ტი­უ­რი გუნ­დი­სა და პორ­ტალ­თან და­კავ­ში­რე­ბუ­ლი სა­ინ­ტე­რე­სო სა­კი­თხე­ბის შე­სა­ხებ გვე­სა­უბ­რა.

- ჩვე­ნი მკი­თხვე­ლი IRI-ის კვლე­ვის შე­დე­გებს კო­მენ­ტა­რე­ბით გა­მო­ეხ­მა­უ­რა: "მიყ­ვარს ეს სა­ი­ტი, ეს წარ­მა­ტე­ბა თქვენს მა­ღალპრო­ფე­სი­ო­ნა­ლიზმს ადას­ტუ­რებს!"; "ჩემი დილა ყა­ვი­თა და ამ­ბე­ბი.გე-ზე შეს­ვლით იწყე­ბა"; "სა­ი­ტი, რო­მე­ლიც არის და მუ­დამ იქ­ნე­ბა ყვე­ლა­ზე რე­ი­ტინ­გუ­ლი ქარ­თულ მე­დი­ა­სივ­რცე­ში"; "გი­ლო­ცავთ და გი­სურ­ვებთ ყო­ველ­თვის მა­ღალ სა­ფე­ხუ­რებ­ზე დგო­მას"...

ასევე დაგაინტერესებთ

12:08 / 13-04-2018

საინტერესო ამბები AMBEBI.GE-ზე - რა სიახლეები ელის საიტის მკითხველს

სხვა­თა შო­რის, სა­ი­ტის კო­მენ­ტა­რე­ბის წყა­ლო­ბით, ხალ­ხი ისე და­უ­ახ­ლოვ­და ერ­თმა­ნეთს, რომ არც მო­კი­თხვებს იშუ­რე­ბენ და მე­გობ­რო­ბენ კი­დეც. ზო­გი­ერ­თი თით­ქმის ყვე­ლა სტა­ტი­ა­ზე აკო­მენ­ტა­რებს, არა­ფე­რი გა­მო­ე­პა­რე­ბათ, ზოგი ენაკ­ვი­მა­ტო­ბი­თაც გა­მო­ირ­ჩე­ვა და სა­ხა­ლი­სო პოს­ტებს დებს.

- თქვე­ნი აზ­რით, რა გა­ნა­პი­რო­ბებს AMBEBI.GE-ს ასეთ პო­პუ­ლა­რო­ბას?

- ყვე­ლა­ზე მთა­ვა­რი ის არის, რომ მკი­თხველს და­ზუს­ტე­ბულ და ხში­რად, ექ­სკლუ­ზი­ურ ინ­ფორ­მა­ცი­ას ვაწ­ვდით, რო­მელ­საც სხვა სა­იტ­ზე ვერ წა­ი­კი­თხავს. ბევ­რი თემა, რო­მე­ლიც AMBEBI.GE-ზე პირ­ვე­ლად და­წე­რი­ლა, ინ­ფორ­მა­ცი­ის წყა­როდ ქცე­უ­ლა სხვა სა­ი­ტე­ბის­თვის, ტე­ლე­ვი­ზი­ე­ბის­თვის და ა.შ. თით­ქმის ყვე­ლა მომ­ხმა­რებ­ლის ინ­ტე­რესს ვაკ­მა­ყო­ფი­ლებთ, იქი­დან გა­მომ­დი­ნა­რე, რომ ვამ­ზა­დებთ სტა­ტი­ებს სა­ზო­გა­დო­ებ­რივ სა­კი­თხებ­ზე, პო­ლი­ტი­კა­ზე, შო­უ­ბიზ­ნეს­ზე, სამ­ხედ­რო თე­მა­ტი­კა­ზე თუ სხვა. მკი­თხვე­ლის სა­შუ­ა­ლო რა­ო­დე­ნო­ბა დღე­ში 150 ათასს აჭარ­ბებს და ჩვენც სულ ვმუ­შა­ობთ, რომ მკი­თხველს სა­ინ­ტე­რე­სო ამ­ბე­ბი არ მო­ვაკ­ლოთ.

გარ­და ამი­სა, AMBEBI.GE პირ­ვე­ლი პორ­ტა­ლია, რო­მელ­მაც ქარ­თულ ინ­ტერ­ნეტ­მე­დი­ა­ში და­ნერ­გა მულ­ტი­მე­დია პრო­ექ­ტე­ბი - სპე­ცპ­რო­ექ­ტე­ბი სხვა­დას­ხვა თე­მა­ტი­კა­ზე. ერთ თე­მას ვუთ­მობთ მთლი­ან გვერდს და ამ­ბავს სრულ­ყო­ფი­ლად გად­მოვ­ცემთ ტექ­სტის, ფო­ტო­ე­ბის, ვი­დე­ო­სა და ინ­ფოგ­რა­ფი­კე­ბის მეშ­ვე­ო­ბით. სპე­ცპ­რო­ექ­ტებ­ზე დიდი გუნ­დი მუ­შა­ობს და ჩვენ ვა­მა­ყობთ ამ პრო­ექ­ტით (იხი­ლეთ პრო­ექ­ტე­ბი აქ)

- ცალ­კე­უ­ლი პი­რე­ბი თუ ორ­გა­ნი­ზა­ცი­ე­ბი თვი­თონ თუ გი­კავ­შირ­დე­ბი­ან, რომ მა­გა­ლი­თად, ესა თუ ის ექ­სკლუ­ზი­უ­რი ინ­ფორ­მა­ცია მო­გა­წო­დონ?

- კი, ასე­თი შემ­თხვე­ვაც ხში­რია. ხში­რად ადა­მი­ა­ნე­ბი ამ­ბებს "ფე­ის­ბუ­კის" გვერ­დზე გვწე­რენ და ცხე­ლი ხა­ზის ნო­მერ­ზეც გვი­რე­კა­ვენ. ყვე­ლამ იცის, რომ თუ "ამ­ბებ­ზე" და­ი­წე­რე­ბა მათი ამ­ბის ან პრობ­ლე­მის შე­სა­ხებ, აუ­ცი­ლებ­ლად ექ­ნე­ბა გა­მოხ­მა­უ­რე­ბა. ძა­ლი­ან აქ­ტი­უ­რე­ბი არი­ან ემიგ­რან­ტე­ბი, რომ­ლე­ბიც ინ­ფორ­მა­ცი­ას ხში­რად გვაწ­ვდი­ან. ერთს გა­ვიხ­სე­ნებ: ამ­ბა­ვი ეხე­ბო­და სა­ქარ­თვე­ლო­ში მო­მუ­შა­ვე იტა­ლი­ელ ექიმს, რო­მელ­საც იტა­ლი­ა­ში საქ­მი­ა­ნო­ბა აკ­რძა­ლუ­ლი ჰქონ­და, აქ კი კერ­ძო კლი­ნი­კის თა­ნამ­შრო­მე­ლი იყო. იტა­ლი­ა­ში მცხოვ­რებ­მა ემიგ­რან­ტმა სრუ­ლი­ად შემ­თხვე­ვით, იქა­უ­რი ტე­ლე­ე­თე­რით მო­ის­მი­ნა ამ ადა­მი­ა­ნის შე­სა­ხებ და ჩვენ შეგ­ვა­ტყო­ბი­ნა. ჩვენ­მა ჟურ­ნა­ლის­ტმა რამ­დე­ნი­მეკ­ვი­რი­ა­ნი გა­მო­ძი­ე­ბა ჩა­ა­ტა­რა, ამ ექიმს მი­ვაკ­ვლი­ეთ და ჯან­დაც­ვის სა­მი­ნის­ტრო საქ­მის კურ­სში ჩა­ვა­ყე­ნეთ, მათ კი შე­სა­ბა­მი­სი რე­ა­გი­რე­ბა მო­ახ­დი­ნეს და სა­ქარ­თვე­ლო­ში ლი­ცენ­ზია შე­უ­ჩე­რეს იტა­ლი­ელ ექიმს.

- ხში­რია შემ­თხვე­ვა, როცა ხალ­ხი იმ ადა­მი­ა­ნებს ეხ­მა­რე­ბა, რო­მელ­თა პრობ­ლე­მე­ბის შე­სა­ხე­ბაც AMBEBI.GE-ზე არა­ერ­თი სტა­ტია გა­მოქ­ვეყ­ნე­ბუ­ლა?

- ხა­შუ­რე­ლი მწყემ­სი ბი­ჭის ამ­ბავს გა­ვიხ­სე­ნებ, რო­მე­ლიც წი­ნა­სა­ა­ხალ­წლოდ ძა­ლი­ან პო­პუ­ლა­რული გახ­და. 12 წლის რა­გუ­ლის ამ­ბა­ვი პირ­ვე­ლად სწო­რედ ჩვენ­თან და­ი­წე­რა. თოვ­ლის ბა­ბუ­ას წე­რი­ლი მის­წე­რა, სა­დაც მო­ბი­ლუ­რი ტე­ლე­ფო­ნი­სა და ძაღ­ლის ჩუ­ქე­ბას სთხოვ­და, რა­საც ჩვენს კო­მენ­ტა­რებ­ში დიდი გა­მოხ­მა­უ­რე­ბა მოჰ­ყვა: რე­დაქ­ცი­ა­შიც რე­კავ­დნენ და მის მი­სა­მართს ითხოვ­დნენ. გა­ვარ­კვი­ეთ, რომ რა­გუ­ლი ერთ-ერთი სა­სუ­ლი­ე­რო პი­რის მეთ­ვალ­ყუ­რე­ო­ბის ქვეშ იყო და მისი დახ­მა­რე­ბით, ეს ხალ­ხი ბიჭს და­ვა­კავ­ში­რეთ. მოკ­ლედ, ამ ყვე­ლაფ­რის წყა­ლო­ბით, რა­გუ­ლის რამ­დე­ნი­მე ოც­ნე­ბა აუხ­და. მი­ხა­რია, რომ ასეთ სა­სი­კე­თო საქ­მე­ებ­შიც ვმო­ნა­წი­ლე­ობთ. ასე­თი პო­ზი­ტი­უ­რი ამ­ბე­ბი მკი­თხვე­ლის­თვი­საც ძალ­ზე მნიშ­ვნე­ლო­ვა­ნია.

- სა­ი­ტი მუდ­მი­ვი გა­ნახ­ლე­ბის პრო­ცეს­შია. რა სი­ახ­ლე­ე­ბი და­ნერ­გეთ ბოლო პე­რი­ოდ­ში და რო­გო­რი თე­მე­ბია ყვე­ლა­ზე კი­თხვა­დი?

- ჩვენ ვცდი­ლობთ, სა­ინ­ტე­რე­სო ადა­მი­ა­ნე­ბი აღ­მო­ვა­ჩი­ნოთ და ხში­რად, ეს გა­მოგ­ვდის კი­დეც. მა­გა­ლი­თად, ცოტა ხნის წინ აჭა­რელ უხუ­ცე­სებ­ზე დავ­წე­რეთ სტა­ტია. ჩვენ­მა კო­რეს­პონ­დენ­ტმა სამ უხუ­ცეს ქალ­ბა­ტონს მი­აკ­ვლია და მათ­თან ძალ­ზე სა­ინ­ტე­რე­სო ინ­ტერ­ვიუ ჩა­წე­რა. ისი­ნი 110 წლამ­დე ასა­კის იყ­ვნენ. ჩვენს სა­იტ­ზე ხში­რად შეხ­ვდე­ბით ახალ­გაზ­რდებს, რომ­ლე­ბიც ინო­ვა­ცი­უ­რი გა­მო­გო­ნე­ბე­ბით იმ­კვიდ­რე­ბენ სა­ხელს 15-16 წლის ასაკ­ში. ემიგ­რა­ცი­ა­ში მყოფ წარ­მა­ტე­ბულ ქარ­თვე­ლებ­ზეც ხში­რად ვწერთ, რომ­ლებ­საც ჩვე­ნი ქვეყ­ნის გან­ვი­თა­რე­ბა­ში გარ­კვე­უ­ლი წვლი­ლი შე­აქვთ.

- ცოტა ხნის წინ, პორ­ტალს ახა­ლი რუბ­რი­კა და­ე­მა­ტა - "არ­სე­ნა­ლი", რო­მე­ლიც უკვე ძა­ლი­ან პო­პუ­ლა­რუ­ლია.

- დიახ, სამ­ხედ­რო სფე­რო ხალ­ხს ძა­ლი­ან აინ­ტე­რე­სებს. ვწერთ რო­გორც ავ­ღა­ნეთ­ში სამ­შვი­დო­ბო მი­სი­ით მყო­ფი ჩვე­ნი ჯა­რის­კა­ცე­ბის ამ­ბებს, ასე­ვე, მე­ო­რე მსოფ­ლიო ომში და­ღუ­პულ ჯა­რის­კა­ცებ­ზე. ჩვენ­მა ჟურ­ნა­ლის­ტმა - ლალი პა­პას­კირ­მა შეძ­ლო და ინ­ფორ­მა­ცია იმ ადა­მი­ა­ნე­ბის შე­სა­ხებ მო­ი­ძია, რომ­ლე­ბიც უგზო-უკვლოდ იყ­ვნენ და­კარ­გუ­ლე­ბი მე­ო­რე მსოფ­ლიო ომში. ამ თე­მა­ზე სტა­ტი­ე­ბის ციკლს უამ­რა­ვი გა­მოხ­მა­უ­რე­ბა მოჰ­ყვა, ხალ­ხი ახ­ლობ­ლე­ბის პოვ­ნა­საც გვთხოვ­და.

- იმ გუნ­დზეც ვი­სა­უბ­როთ, რო­მე­ლიც AMBEBI.GE-ს ქმნის...

- რე­დაქ­ტო­რე­ბი, ად­მი­ნის­ტრა­ტო­რე­ბი, ჟურ­ნა­ლის­ტე­ბი, რომ­ლე­ბიც წე­რენ სტა­ტი­ებს და მუდ­მი­ვად არი­ან ხაზ­ზე ადა­მი­ა­ნებ­თან, რომ­ლებ­საც სა­ინ­ტე­რე­სო ამ­ბე­ბი აქვთ მო­სა­ყო­ლი. ეს გუნ­დი სულ სი­ახ­ლე­ე­ბის ძი­ე­ბა­შია. ფაქ­ტობ­რი­ვად, 24-სა­ა­თი­ან რე­ჟიმ­ში ვმუ­შა­ობთ. არის დღე­ე­ბი, როცა ღა­მით ერ­თმა­ნეთს ვეხ­მა­რე­ბით. მა­გა­ლი­თად, ბა­თუ­მის მოვ­ლე­ნე­ბის დროს, მთელ­მა გუნ­დმა მთე­ლი ღამე ვი­მუ­შა­ვეთ.

უამ­რა­ვი საქ­მე აქვთ მო­დე­რა­ტო­რებს, რომ­ლე­ბიც დღის გან­მავ­ლო­ბა­ში ასო­ბით კო­მენ­ტარს კი­თხუ­ლო­ბენ და ფილტრა­ვენ. და­უშ­ვე­ბე­ლია, რომ უცენ­ზუ­რო კო­მენ­ტა­რი გა­ი­პა­როს. ჩვე­ნი სა­ი­ტის ვი­ზი­ტო­რე­ბი ძი­რი­თა­დად, პო­ლი­ტი­კა­ზე და­ო­ბენ, ზოგ­ჯერ ეჩხუ­ბე­ბი­ან კი­დეც ერ­თმა­ნეთს. თუმ­ცა ხში­რად, მათი კო­მენ­ტა­რე­ბი­დან ბევ­რი სა­ინ­ტე­რე­სო ინ­ფორ­მა­ცი­ის გა­გე­ბა შე­იძ­ლე­ბა და ეს ახა­ლი სტა­ტი­ის სა­ფუძ­ვე­ლიც გამ­ხდა­რა. ჩვენ­თვის მკი­თხვე­ლის აზრი ყო­ველ­თვის მნიშ­ვნე­ლო­ვა­ნია.

- რო­გორც ვიცი, პე­რი­ო­დუ­ლად სხვა­დას­ხვა ტი­პის კამ­პა­ნი­ას აწარ­მო­ებთ...

- კი, ასეა. ახლა აქ­ტი­უ­რად ვმუ­შა­ობთ ავ­ტო­საგ­ზაო შემ­თხვე­ვებ­თან და­კავ­ში­რე­ბით ცნო­ბა­დო­ბის ამაღ­ლე­ბა­ზე. ავა­რი­ე­ბის რი­ცხვი საგ­რძნობ­ლა­დაა გაზ­რდი­ლი და სამ­წუ­ხა­როდ, ამ მაჩ­ვე­ნებ­ლით სა­ქარ­თვე­ლო ევ­რო­პა­ში ერთ-ერთ მო­წი­ნა­ვე პო­ზი­ცი­ა­ზეა. მუდ­მი­ვად ვცდი­ლობთ, სა­ზო­გა­დო­ე­ბას შე­ვახ­სე­ნოთ, რამ­დე­ნად მნიშ­ვნე­ლო­ვა­ნია საგ­ზაო წე­სე­ბის დაც­ვა რო­გორც მძღო­ლის­თვის, ისე ქვე­ი­თის­თვის. ხოლო ხე­ლი­სუფ­ლე­ბის­გან ვი­თხოვთ, კა­ნონ­მდებ­ლო­ბის გამ­კაც­რე­ბას.

ონ­ლა­ინ­კა­ზი­ნო­ე­ბის წი­ნა­აღ­მდეგ მი­მარ­თულ მას­შტა­ბურ კამ­პა­ნი­ას "პა­ლიტ­რა მე­დია" თით­ქმის ორი წე­ლია აწარ­მო­ებს. "არ ითა­მა­შო, იცხოვ­რე!" - მო­ვუ­წო­დებთ თა­ნა­მო­ქა­ლა­ქე­ებს, რად­გან ლუ­დო­მა­ნია ანუ თა­მაშ­და­მო­კი­დე­ბუ­ლე­ბა უკვე აღი­ა­რე­ბუ­ლია, რო­გორც XXI სა­უ­კუ­ნის სენი. მუდ­მი­ვად ვამ­ზა­დებთ სტა­ტი­ებს ონ­ლა­ინ­კა­ზი­ნო­ე­ბის და თა­მაშ­და­მო­კი­დე­ბუ­ლე­ბის მავ­ნებ­ლო­ბა­ზე, მო­ქა­ლა­ქე­ებს ვაწ­ვდით ფსი­ქო­ლო­გე­ბის მო­საზ­რე­ბებს, და­ზა­რა­ლე­ბუ­ლე­ბის რჩე­ვებს...

ასე­ვე, გვაქვს ქარ­თუ­ლი წარ­მო­ე­ბის მხარ­და­ჭე­რის პროგ­რა­მა - "იყი­დე ქარ­თუ­ლი, გა­აძ­ლი­ე­რე ქვე­ყა­ნა", რომ­ლის ფარ­გლებ­შიც ქარ­თულ წარ­მო­ე­ბას და დამ­წყებ ქარ­თველ ბიზ­ნეს­მე­ნებს ვაც­ნობთ სა­ზო­გა­დო­ე­ბას.

- თქვენ შე­სა­ხე­ბაც გვი­ამ­ბეთ. რამ­დე­ნი ხა­ნია, რაც "პა­ლიტ­რა მე­დი­ა­ში" მუ­შა­ობთ და რას ნიშ­ნავს თქვენ­თვის ეს ად­გი­ლი?

- ექვს წელ­ზე მე­ტია, "პა­ლიტ­რაში" ვმუ­შა­ობ. თავ­და­პირ­ვე­ლად, "პა­ლიტ­რა ტვ"-ში მო­ვე­დი, რო­მელ­მაც ბოლო პე­რი­ოდ­ში რებ­რენ­დინ­გი გა­ნი­ცა­და და ახლა PALITRAVIDEO.GE გახ­და. ად­მი­ნის­ტრა­ტო­რის პო­ზი­ცი­ა­ზე და­ვი­წყე და მალე რე­დაქ­ტო­რად გა­და­მიყ­ვა­ნეს. სულ რა­ღაც ორი წე­ლია, რაც AMBEBI.GE-ს მთა­ვა­რი რე­დაქ­ტო­რი ვარ.

"პა­ლიტ­რა" არის ად­გი­ლი, სა­დაც ვა­ტა­რებ დღის ყვე­ლა­ზე დიდ მო­ნაკ­ვეთს. აქ არი­ან ადა­მი­ა­ნე­ბი, რომ­ლებ­თა­ნაც ბევ­რი სა­ერ­თო მაქვს. მი­უ­ხე­და­ვად იმი­სა, რომ ჟურ­ნა­ლის­ტი­კის ფა­კულ­ტე­ტი და­ვამ­თავ­რე, "პა­ლიტ­რა­ში" ვის­წავ­ლე თით­ქმის ყვე­ლა­ფე­რი ჩემს პრო­ფე­სი­ა­ში. მე­დი­ა­ში ყოფ­ნა ყო­ველ­თვის მინ­დო­და, რად­გან ეს არის ად­გი­ლი, რო­მე­ლიც მუდ­მი­ვი გან­ვი­თა­რე­ბის, სხვა ადა­მი­ა­ნე­ბის ცხოვ­რე­ბის უკე­თე­სო­ბის­კენ შეც­ვლის სა­შუ­ა­ლე­ბას გაძ­ლევს. იმე­დი მაქვს, კი­დევ დიდ­ხანს მოგ­ვე­ცე­მა სა­შუ­ა­ლე­ბა ბევრ ადა­მი­ანს გა­ვუმ­რა­ვალ­ფე­როვ­ნოთ დღე, ბევ­რს და­ვეხ­მა­როთ.

თამ­თა და­დე­შე­ლი, ჟურ­ნა­ლი "გზა"