მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 01:14-ზე, მთვარე მერწყულშია – რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. ეგოიზმის და საკუთარი შესაძლებლობების გადაჭარბებული შეფასება. გაუფრთხილდით ხერხემალს. დღე კარგია მარხვისთვის. კარგია რომანტიკული შეხვედრა წყნარ ატმოსფეროში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კრეატიული სახლი - სტარტაპი, რომელიც სახლის ორიგინალურად გაფორმებაში დაგეხმარებათ
06:00 / 11-04-2017
ეკატერინე სანიკიძის მიერ, საკუთარი სახლის სტიკერებით მარტივად და იაფად გაფორმებამ იმდენად დიდი მოწონება და გამოხმაურება დაიმსახურა სოციალურ ქსელში, რომ ახალგაზრდა გოგონამ ამ საქმიანობის ბიზნესად ქცევა გადაწყვიტა. შედეგად შეიქმნა "კრეატიული სახლი", რომელიც მომხმარებლებს სახლის დეკორს სთავაზობს. პროდუქცია ძირითადად სტიკერებია, რომლის გამოყენებაც შეიძლება სახლში, ოფისში, ბარში, სალონში, მაღაზიაში, სკოლაში, ბაღში და ნებისმიერ დაწესებულებაში მისი კონცეფციის მიხევდით.
"ერთი წელია, კომპანია შევქმენი. იდეა წამოვიდა საკუთარი სახლის გაფორმებიდან, სხვადასხვა საიტიდან გამოვიწერე სტიკერები და შევუდექი საკუთარი სახლის გალამაზებას. ყოველგვარი რემონტისა და დიდი ფინანსების გარეშე ვცადე, გამოვიდოდა თუ არა. შედეგი საოცარი აღმოჩნდა. შემდეგ საცდელად Facebook-გვერდი შევქმენი და მსგავსი პროდუქცია ხალხსაც შევთავაზე. დაინტერესება დიდი აღმოჩნდა. მარტივად და კრეატიულად სახლის გადაწყვეტა ძალიან ორიგინალური და ადვილი ყოფილა," - განმარტავს სტარტაპის დამფუძნებელი, პროფესიით თარჯიმანი ეკატერინე სანიკიძე.
პროდუქცია, რომელსაც "კრეატიული სახლი" მომხმარებელს სთავაზობს, არის ახალი, ორიგინალური, მარტივი და რაც მთავარია, ყველასათვის ხელმისაწვდომი. გარემოში, სადაც ყველა შეღებილ კედლებსა და შპალიერსაა მიჩვეული, შეთავაზებამ დიდი პოპულარობის მოპოვება მოკლე პერიოდში მოახერხა. სტიკერების კიდევ ერთი უპირატესობა იმაში მდგომარეობს, რომ მისი აძრობისას არ ზიანდება ზედაპირი და ინტერიერის სხვადასხვა დიზაინით პერიოდულად ცვლა მარტივია.
"სტარტაპის შექმნა გარკვეულ სირთულეებთან იყო დაკავშირებული. არ ვიცოდი საზოგადოება ამ საიხლეს როგორ მიიღებდა. "თიბისი სტარტაპერის" შესახებ გაგებისთანავე, დავინტერესდი მასში მონაწილეობით. ეს იყო ის, რაც კომპანიას მოცემულ მომენტში ძალიან სჭირდებოდა. პროექტი უბრალოდ ფინანსურ მხარდაჭერას კი არ გვთავაზობს, არამედ პიარს, პოპულარიზაციას და დამწყები კომპანიების ცნობადობის ზრდას. ასევე, ვესწრებით ტრენინგებს და ვიღებთ ძალიან საინტერესო რჩევებს, რაც გამოუცდელი სტარტაპერებისთვის ძალიან მნიშვნელოვანია," - ამბობს ეკატერინე.
ახალგაზრდა სტარტაპერი აღნიშნავს, რომ სტარტაპების შექმნა და განვითარება ქვეყნისთვის მეტად მნიშვნელოვანია, რადგან რაც მეტი სტარტაპერი იქნება ბაზარზე მეტი ორიგინალური და უნიკალური იდეით, მეტი სამუშაო ადგილი შეიქმნება, ახალგაზრდებს ახალი და ინოვაციური წამოწყებების კეთების სურვილი და მოტივაცია გაუჩნდებათ. ეს ყველაფერი კი დადებითად აისახება არა მხოლოდ თავად სტარტაპერებზე, არამედ ქვეყნის ეკონომიკაზეც.
ნანა მღებრიშვილი
AMBEBI.GE
#სტარტაპერი #გვეამაყები
ფოტოები: ADvan/ედვენი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
