თელავში "ყრუთა კავშირის" რეგიონული ოფისი დაარბიეს. შემთხვევა არჩილ მეორის ქუჩაზე მოხდა. როგორც "ინტერპრესნიუსს" "ყრუ-მუნჯთა საზოგადოების" წევრებმა განუცხადეს, უცნობი პირები მათ ოფისში იმ დროს შეიჭრნენ, როცა ისინი სადილობდნენ. მათი თქმით, დაზიანებულია ელექტროსადენები და არსებული ინვენტარი.
"ყრუთა კავშირის" წევრის, დავით დავითაიას თქმით, ოფისის დარბევის ეს პირველი შემთხვევა არ არის და ბოლო სამი კვირის განმავლობაში ანალოგიური ფაქტი უკვე მეოთხედ დაფიქსირდა. ამ წუთებში ადგილზე კრიმინალური და საპატრულო პოლიციის წარმომადგენლები იმყოფებიან. მიმდინარეობს საგამოძიებო მოქმედებები.
