"ჩემი ვაჟი 20 წლისაა, მინდა მის შვილს მოვესწრო..." - მამუკა ჩარკვიანის ემოციური ბლიცინტერვიუ

ტელეკომპანია PALITRANEWS-ის რუბრიკაში - "ბლიცინტერვიუ" კითხვებს ცნობილი ადამიანები პასუხობენ. ამჯერად, რუბრიკის სტუმარია კომპოზიტორი და მომღერალი მამუკა ჩარკვიანი...

ცხოვრებაში მთავარია...

სიყვარული... სიყვარულია მთავარი - უნდა გიყვარდეს მოყვასი შენი, შენ გვერდით მდგომი, მეგობარი უნდა გიყვარდეს, სიცოცხლე უნდა გიყვარდეს

მუზა მოდის...

როცა რაღაც ხდება, ან ძალიან კარგი, ან ძალიან ცუდი - მაშინ მოდის მუზა

მენატრება...

ბოლოს რაც დავწერე სიმღერა - "დაბრუნდი ჩემო სიყმაწვილევ, ჩემო ოცნებავ"... აი, ეს მენატრება! ყველას უნდა თავისი სიყმაწვილის დაბრუნება, მაგრამ ასეა სამყარო მოწყობილი - ის ერთხელ იყო და დარჩება ასე...

ყველაზე მეტად მინდა...

ჩემი უფროსი შვილი 40 წლის არის, ჩემი ვაჟი 20 წლის... მინდა რომ, შვილიშვილებს, მის შვილს მოვესწრო და თუ მაღირსებს დროზე, კარგია, სანამ კარგად ვარ. მე არ ვაპირებ არსად წასვლას, 25 წელი გარანტირებული აქ უნდა ვიყო და მინდა შვილიშვილი მისგან

ვნანობ...

გამოვასწორებდი ბევრ რამეს... ზოგჯერ რომ ფიქრობ, ბურთი ძელს არ მოხვედროდა და გოლი იქნებოდაო... ეს ადამიანმა მოიფიქრა, რომ გაამართლოს თავისი საქციელი

ჩემი რჩევა...

ნამუსიანი ადამიანი უნდა იყო, პირველ რიგში, შენ თავთან მართალი და მერე საზოგადოებასთან. არ შეიძლება ისე იცხოვრო, რომ საზოგადოებას და მის აზრს პატივი არ სცე, არ შეიძლება თქვა, მე ეს მინდა და არ მაინტერესებს თქვენი აზრი. მინდა არ უნდა იყოს. მეც ბევრი რამ მინდა, მაგრამ არ არის ასე...

იხილეთ ბლიცინტერვიუ სრულად

30 მარტს, 20:00 საათზე, ფილარმონიის დიდ საკონცერტო დარბაზში წარმოგიდგენთ კომპოზიტორისა და შემსრულებლის, მამუკა ჩარკვიანის შემოქმედებით საღამოს, სახელწოდებით - "ყველა გიტარას მე დავარქმევ სახელს მამუკას". საღამოს დამდგმელი რეჟისორია გაგა გოშაძე.

ნოდიკო ტატიშვილი, ოთო ნემსაძე, აჩიკო ნიჟარაძე, ნინი ბადურაშვილი, დათუნა მგელაძე, გიგი ადამაშვილი, გიორგი მეფისაშვილი, ლიზა ჩიჩუა, ლენკა ზვიადაძე, ლევან კბილაშვილი და სხვა ბევრ ნიჭიერ ახალგაზრდა შემსრულებელს უთმობს სცენას და საკუთარ სიმღერებს მამუკა ჩარკვიანი 30 მარტს. საღამოს წარუძღვება მსახიობი სანდრო მიკუჩაძე (გაიგეთ მეტი ღონისძიების შესახებ)