მნიშვნელოვანი ინფორმაცია
11
ივნისიდღის ზოგადი ასტროლოგიური პროგნოზი
მთვარის მეთექვსმეტე დღე დაიწყება 23:24-ზე, მთვარე მშვილდოსანშია – შეინარჩუნეთ ბალანსი. კარგია ვარჯიში. სასარგებლოა ყველაფრის გაწმენდა, მოწესრიგება. დაასრულეთ დაუსრულებელი დავალებები. კარგია მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ცხოველური საკვების, სოკოსა და პარკოსნების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩანაწერში ისმის, რომ მას აქვს მისწრაფება ცხედრის განადგურების" - ე.წ. კანიბალიზმის საქმეზე დაკავებულ ლუკა ჩიხლაძეს პატიმრობა შეეფარდა
11:59 / 23-03-2017
თბილისის საქალაქო სასამართლომ ე.წ კანიბალიზმის საქმეზე დაკავებულ 1992 წელს დაბადებულ ლუკა ჩიხლაძეს აღკვეთის ღონისძიების სახით პატიმრობა შეუფარდა. შუამდგომლობების დაყენების დროს ჩიხლაძის ადვოკატმა დავით აბესაძემ გირაოს შეფარდება მოითხოვა. მოსამართლემ ლუკა ჩიხლაძეს ჰკითხა, მუშაობს თუ არა და თუ შეუძლია გირაოს გადადახდა.
როგორც ლუკა ჩიხლაძემ განაცხადა, ის დასაქმებული არ არის, არც უძრავი ქონება გააჩნია, თუმცა მშობლებს სახლი აქვთ და გირაოს უზრუნველყოფა შესაძლებელი იქნებოდა.
პროკურატურამ დაკავებულისთვის პატიმრობის შეფარდება რამდენიმე მიზეზით მოითხოვა. პროკურორმა ინა გუგუშვილმა მოსამართლეს განუცხადა, რომ არსებობს მიმალვისა და მტკიცებულებების განადგურების საფრთხე. "ნასამართლევია, პირობითი მსჯავრი აქვს და არსებობს მიმალვის საფრთხე, გამომდინარე იქიდან, რომ მას წინა მსჯავრის მოხდაც ემუქრება. მტკიცებულებების განადგურებას რაც შეეხება, ჩანაწერში ნათლად ისმის, რომ მას აქვს მისწრაფება ცხედრის განადგურების, ამიტომ მისი თავისუფლებაზე დატოვება საფრთხეს შეუქმნის მტკიცებულებებს", - განაცხადა პროკურორმა.
ინა გუგუშვილი ასევე იმასაც განმარტავდა, რომ ადგილი ჰქონდა დანაშაულის შეუტყობინებლობას, რის გამოც ლუკა ჩიხლაძეს პატიმრობა უნდა შეფარდებოდა. თავად ჩიხლაძემ საკუთარი თავის წარდგენისას, მოსამართლის შესაბამის კითხვაზე პასუხად განაცხადა, რომ ის ნასამართლევია მარიხუანას მოხმარებისთვის, 6-თვიანი სასჯელი მოიხადა და 5-წლიანი პირობითი აქვს მისჯილი.
მოსამართლე ელენე გოგუაძე მხარეების შუამდგომლობების მოსმენის შემდეგ სათათბირო ოთახში გავიდა. შესვენების შემდეგ კი მოსამართლემ გადაწყვეტილება გამოაცხადა და ლუკა ჩიხლაძეს აღკვეთის ღონისძიების სახით პატიმრობა შეუფარდა. მოსამართლემ სასამართლო სხდომა 1-ელ მაისს 12:00 საათზე ჩანიშნა.
ლუკა ჩიხლაძე დანაშაულის შეუტყობინებლობის ბრალდებით დააკავეს. როგორც "ინტერპრესნიუსისთვის" გახდა ცნობილი, ჩანაწერების მიხედვით, ლუკა ჩიხლაძე, მისი მეგობარი და მკვლელობაში ბრალდებული ბექა შენგელია 75 წლის ლუბა ყოჩიაშვილის სასტიკი მეთოდით მკვლელობას მოკლულის შვილის, ასევე ბრალდებულ ირმა ყოჩიაშვილის თანდასწრებით უყვება. ლუკა ჩიხლაძე კი დანაშაულის შესახებ მოსმენილი ინფორმაციის შემდეგ, მკვლელობაში ბრალდებულ ბექა შენგელიას ეუბნება, რომ მოხუცი ქალისთვის "კისლატა უნდა დაესხათ". ამ ფრაზის ავტორს გამოძიება მკვლელობიდან რამდენიმე თვის განმავლობაში ეძებდა. ლუკა ჩიხლაძე 21 მარტს ღამით დააკავეს. მის გარდა, აღნიშნულ დანაშაულზე 3 პირია დაკავებული.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
