მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართული სუფრა ევროპული ქვეყნების სამზარეულოებს შორის მე-4 ადგილზეა - რას წერენ ბლოგერები ქართულ კერძებზე
04:55 / 18-03-2017
48 ევროპულ ქვეყანას შორის საჭმლისა და სასმელის რეიტინგში საქართველომ მეოთხე ადგილი დაიკავა. რეიტინგი კულინარიის ბლოგერების - კევინ ალექსანდერისა და ლიზ ჩილდერსის მიერ არის შედგენილი, რომლებიც მოგზაურობენ, სხვადასხვა ქვეყნის სამზარეულოს ეცნობიან და ბლოგს წერენ. კევინის და ლიზის ბლოგი საიტზე thrillist.com 2015 წელსაა გამოქვეყნებული და როგორც უკვე გითხარით, საქართველო გემრიელი საჭმლის რეიტინგში მეოთხე ადგილზეა.
აი, რას წერენ ქართულ სამზარეულოზე ავტორები:
"თავიდან ლიზთან დიდხანს ვკმათობდი, რომელი ქვეყნის სამზარეულო იყო ყველაზე კარგი - ლიზი ქართული კერძების საოცრებებზე მიამბობდა, რასაც მოჰყვა ჩვენი დაინტერესება იმით, თუ ევროპის რომელი ნაწილი გამოირჩევა საუკეთესო სამზარეულოთი. ამიტომ დავიწყეთ გამოკვლევა (მოვინახულეთ 39 ქვეყანა) და დავადგინეთ წესები: მთავარი ფაქტორი უნდა ყოფილიყო ადგილობრივი სუფრა, საკვები და სასმელი" - წერს გამოცემა thrillist.com-ს ავტორი კევინ ალექსანდერი.
"საქართველო ევროპისა და აზიის შუაგულში მდებარეობს, ამიტომ იქაური კერძები საოცრად მდიდარი სუნელების და საკმაზების გემოთია გაჟღენთილი, როგორ კომბინაციებსაც სხვა რეგიონებში ვერ ნახავთ. ხაჭაპური ქვეყნის გამორჩეული კერძია, ნავის ფორმის, სავსე საოცარი გამდნარი ყველით და თოხლო კვერცხით. ქვეყნის გამორჩეული კერძების რიცხვშია: ხინკალი - ხორცით და წვენით ამოვსებული, მოხარშული ცომი; კუჭმაჭი - ამ კერძში არ უნდა იკითხოთ რა ურევია (გული, ღვიძლი და ა.შ), რადგან მასში შეზავებულია შემწვარი ხახვი, ნიორი, მწვანილები და წითელი ბროწეულები; ჩახოხბილი - ქათმის უგემრიელესი კერძი. ყველი და ტყემალი კერძების კომპანიონად გვევლინება. ტყემალს, რომელიც მომჟავო სოუსია, ძირითადად ხორციან კერძებთან მიირთმევენ", - ნათქვამია სტატიაში.
საქართველომ კულინარიის ბლოგერების სიაში საპატიო მეოთხე ადგილი დაიკავა. პირველი სამეული კი ასე გამოიყურება: 3. ესპანეთი, 2. საფრანგეთი, 1. იტალია. ამასთან, სიაში მეხუთე ადგილზე გერმანიაა გამწესებული. რუსეთი 25-ე ადგილზეა, უკრაინა 42-ე ადგილზე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
