მეუფე პეტრე სინოდმა საპატრიარქოს ტელევიზიის ხელმძღვანელობიდან მოხსნა: "მისაყვედურეს აქტიურობის გამო"

ჭყონდიდის მიტროპოლიტი პეტრე საპატრიარქოს ტელევიზიას აღარ უხელმძღვანელებს. როგორც მეუფე პეტრემ ჟურნალისტებს რამდენიმე წუთის წინ განუცხადა, საპატრიარქოს ტელევიზიის ხელმძღვანელობის უფლება სინოდმა ჩამოართვა.

მისივე განმარტებით, სინოდის დღევანდელ სხდომაზე მის მიერ გაკეთებული განცხადებების გამო უსაყვედურეს.

ნახეთ ვიდეო| როგორ შეხვდა მიტროპოლიტი სინოდის "სასჯელს"

"მისაყვედურეს აქტიურობის გამო. სამწუხაროდ, ისე გამოვიდა, რომ მთავარი თემა იყო ჩემი საკითხი. მე ვფიქრობ, ეს მიკერძოებული იყო, მიმაჩნია, რომ არსებობს სხვა პრობლემები და ჩემი საკითხის დაყენება არ იყო მთავარი", - განაცხადა მეუფე პეტრემ სინოდის სხდომის დასრულების შემდეგ.