როგორ მიულოცა შს მინისტრმა "დედის დღე" საპატრულო პოლიციის ქალ თანამშრომლებს

შსს-ს საპატრულო პოლიციის დეპარტამენტის დირექტორმა გოგა რაზმაძემ, საპატრულო პოლიციის თანამშრომელს, მრავალშვილიან დედას - ეკატერინე ეგაძეს, სამსახურებრივი მოვალეობის შესრულებისას, დედის დღე პირადად მიულოცა, თაიგული გადასცა და წარმატებები უსურვა, - ამის შესახებ "ინტერპრესნიუსს" შინაგან საქმეთა სამინისტროდან აცნობეს.

მათივე ინფორმაციით, შს მინისტრის გადაწყვეტილებით, საპატრულო პოლიციის თანამშრომელი ქალები დედის დღესთან დაკავშირებით სამსახურებრივი მოვალეობის შესრულებისგან გათავისუფლდნენ.

შსს-ს რეგიონული დანაყოფების ხელმძღვანელებმა ასევე, დედის დღე მიულოცეს თავიანთ თანამშრომელ ქალბატონებს და თაიგულები გადასცეს.