ბადრაგს პატიმარი აერია და თბილისიდან სიღნაღში სხვა პიროვნება გადაიყვანა
პროცესი, რომელიც სიღნაღის რაიონულ სასამართლოში უნდა გამართულიყო, მას შემდეგ გადაიდო, რაც ბადრაგს პატიმარი აერია და თბილისიდან სიღნაღში სხვა პიროვნება გადაიყვანა.
როგორც აღმოჩნდა, სასჯელაღსრულების ერთ-ერთ დაწესებულებაში იდენტური სახელი და გვარის რამდენიმე პიროვნება იმყოფება. როგორც დაცვის მხარე აცხადებს, ბადრაგს სწორედ ამიტომ აერია პატიმარი და პროცესზე ადვოკატისთვის უცნობი პიროვნება წარადგინა. ადვოკატ ზურაბ ბეგიაშვილის თქმით, სიღნაღის რაიონულ სასამართლოს სისხლის სამართლის კოდექსის 137-ე მუხლით (გაუპატიურება, გულისხმობს მხოლოდ საპირისპირო სქესის ადამიანებს შორის მომხდარ გაუპატიურების ფაქტს) დაკავებული პირის ბრალეულობაზე უნდა ემსჯელა, რომელიც უცხოელი ტურისტის გაუპატიურებაშია ეჭვმიტანილი. სამართალდამცველებმა აღნიშნული ბრალდებით დ.კ რამდენიმე თვის წინ დააკავეს.
"ჩემი დაცვის ქვეშ მყოფი სხვა დაკავებულში აერიათ და პროცესზე ჩემთვის უცნობი ბრალდებული წარადგინეს, როგორც აღმოჩნდა, სასჯელაღსრულების დაწესებულებაში ერთი და იმავე გვარსახელის მქონე რამდენიმე პირია, შემთხვევაც ამიტომ მოხდა და სასამართლო პროცესი, რა თქმა უნდა, გადაიდო" - განაცხადა ზურაბ ბეგიაშვილმა.
ერეკლე ცოცანიძე
AMBEBI.GE
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
