მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მთიან ყარაბაღში საბრძოლო მოქმედებები განახლდა
09:41 / 28-02-2017
ბოლო დღეებში კიდევ ერთხელ გამწვავდა ვითარება მთიან ყაბარაღში. მხარეები სიტუაციის ესკალაციასა და ცეცხლის შეწყვეტის შესახებ შეთანხმების დარღვევაში, როგორც წესი, ერთმანეთს ადანაშაულებენ...
ყარაბაღის თემას ეხმაურება, გაეროს გენერალური მდივანი ანტონიო გუტიერეში, რომელიც კონფლიქტის ზონაში მიმდინარე პროცესებზე საუბრობს და დაპირისპირებულ მხარეებს ცეცხლის შეწყვეტის შესახებ რეჟიმის დაცვასა და საგნობრივი მოლაპარაკებების აღდგენისკენ მოუწოდებს.
ყარაბაღის კონფლიქტის ზონაში სიტუაცია, მიმდინარე წლის 5 თებერვლიდან განახლდა. აზერბაიჯანის მხარის განცხადებით, იმ ღამეს მათ სომეხი სამხედროების თავდასხმა თავიანთ ტერიტორიაზე მოიგერიეს, რის შედეგადაც, აზერბაიჯანის მხრიდან ხუთი ჯარისკაცი დაიღუპა. სომხეთისა და მთიანი ყარაბაღის მხარეების მიერ გავრცელებული ინფორმაციით კი დივერსიის მოწყობას აზერბაიჯანული მხარე ცდილობდა.
ეუთოს იმ ჯგუფის ინფორმაციით, რომელიც მთიანი ყარაბაღის კონფლიქტის დარეგულირებაზე 1992 წლიდან მუშაობს, დაღუპული სამხედროების ცხედრები ნეიტრალურ ტერიტორიაზე აღმოაჩინეს და არა აზერბაიჯანის მიერ კონტროლირებად პოზიციებზე. საბრძოლო მოქმედებების დროს დაღუპული სამხედროების გადასვენება აზერბაიჯანში საერთაშორისო შუამავლების მონაწილეობით განხორციელდა.
რაც შეეხება სომხურ მხარეს, მათ დაღუპულთა შესახებ ოფიციალური ცნობა არ გაუვრცელებიათ. როგორც აზერბაიჯანელი, ასევე სომეხი ოპოზიციონერები წერენ, რომ ყარაბაღის ომი მათი ქვეყნის ხელისუფლებებს ქვეყანაში არსებული უმძიმესი პოლიტიკური და სოციალური ვითარების ფონზე, ძალაუფლების შესანარჩუნებლად სჭირდება.
ბოლო დროს, კონფლიქტის ზონაში მოწინაღმდეგე პოზიციებიდან სროლებმა ყოველდღიური ხასიათი მიიღო. ბოლოს, მთიანი ყარაბაღის კონფლიქტის ზონაში სიტუაცია 2016 წლის აპრილში დაიძაბა, რაც ორივე მხარისთვის მსხვერპლით დასრულდა. 4-დღიანი შეტაკებებისას რამდენიმე ათეული სამხედრო მოსამსახურე დაიღუპა...
შარშან სომხური მედია წერდა, რომ მხარეებს იარაღით რუსეთი უზრუნველყოფს. აღსანიშნავია, რომ აზერბაიჯანი რუსული იარაღის მთავარი იმპორტიორია. 2010-2014 წლებში მოსკოვმა და ბაქომ არაერთი კონტრაქტი გააფორმეს ვერტმფრენების, საზენიტო სარაკეტო სისტემების, ტანკებისა და სხვა სახის შეიარაღების ყიდვასთან დაკავშირებით, რომელთა საერთო ღირებულებამ დაახლოებით 4 მილიარდი დოლარი შეადგინა. სომხეთმა კი მხოლოდ 2013 წელს 16 მილიონ დოლარად რუსული იარაღი იყიდა...
აზერბაიჯანსა და სომხეთს შორის მთიანი ყარაბაღის კონფლიქტი 1988 წელს დაიწყო. აზერბაიჯანი მიიჩნევს, რომ მთიანი ყარაბაღი და შვიდი მიმდებარე რაიონი, აზერბაიჯანის 20%, სომხეთის შეიარაღებული ძალების ოკუპაციაშია, რასაც კატეგორიულად უარყოფს სომხეთი. 1994 წელს მხარეებმა ხელი მოაწერეს ცეცხლის შეწყვეტის რეჟიმს, მაგრამ მოლაპარაკებები ამ ორ ქვეყანას შორის, რომელიც საერთაშორისო ორგანიზაციების ეგიდით იყო წარმოებული, წარუმატებელად მიიჩნევა და ცეცხლის შეწყვეტის შესახებ რეჟიმის დარღვევაში ორივე მხარე გამუდმებით ერთმანეთს ადანაშაულებს.
ლალი პაპასკირი
ამბები. გე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
