ტრამპის ომი მედიასთან - აშშ-ს პრეზიდენტს, უკვე დიქტატორებს ადარებენ

როგორც კი ამერიკამ ახალი პრეზიდენტი აირჩია, ერთ-ერთი პირველი ნაბიჯი, რაც დონალდ ტრამპმა განახორციელა, მასმედიაზე შეტევაა. საქმე ეხება, ავტორიტეტულ გამოცემებს, რომლებიც არათუ ამერიკაში, ზოგადად მსოფლიოში ქმნიან საზოგადოებრივ აზრს და განწყობას.

ახალახანს, რამდენიმე გავლენიანმა მედიაორგანიზაციამ მკაცრად გააკრიტიკა თეთრის სახლის მიერ დაწესებული შეზღუდვა, - 24 თებერვალს თეთრი სახლის პრესმდივნის შონ სპაისერის ბრიფინგზე. საქმე ეხება, ისეთ გავლენიან ორგანიზაციებს, როგორიც არის, "სი-ენ-ენი", "ნიუ-იორკ თაიმსი", "ბი-ბი-სი" და რამდენიმე სხვა მედიაორგანიზაცია, რომელიც ბრიფინგის მონაწილეთა სიიდან ამოიღეს.

"ნიუ-იორკ ტაიმსმა" ეს ფაქტი "დემოკრატიული იდეალების ნამდვილი შეურაცხყოფად" შეაფასა. "ასოშიეიტედ პრესისა" და "ტაიმის" ჟურნალისტებმა კი, ბრიფინგის დარბაზი კოლეგების მიმართ სოლიდარობის ნიშნად დატოვეს... თეთრ სახლში ჟურნალისტების დაშვების აკრძალვამდე რამდენიმე დღით ადრე, ტრამპმა ამერიკული მასმედიის მიმართ მკაცრი განაცხადებები გააკეთა და აღნიშნა, რომ ბევრი მათგანი, მათ შორის წამყვანი საშუალებები, "ახალი ამბების შეთითხნით არიან დაკავებული". ამერიკის პრეზიდენტი, მედიის მიმართ შეფასებებში უფრო შორის წავიდა და მათ ნაწილს "ამერიკელი ხალხის მტრები" უწოდა.

თავის მხრივ, დონალდ ტრამპის გადაწყვეტილებები და სურვილი, აკონტროლოს ან შეზღუდოს კრიტიკული საინფორმაციო საშუალებები, დასავლურ გამოცემებს მსოფლიოში ცნობილ დიქტატორებს აგონებთ... ჟურნალისტების შერჩევას კრიტიკულად ეხმიანებიან მედიადამცველი ორგანიზაციები და გავლენიანი ამერიკელი სენატორები.

ტრამპის მედიაზე თავდასხმას მიუღებლად მიიჩნევს დემოკრატი სენატორი ადამ შიფი, - "ეს არის ის, რაც გვესმის დიქტატორებისგან, როდესაც მათ სურთ ინფორმაციაზე კონტროლი მოიპოვონ..."

"პრესასთან ხშირად მიდავია. თუმცა, პრესა ნაწილია იმის, რასაც ჩვენ ვაკეთებთ და მე პირადად, მათთან არანაირი პრობლემა არ მაქვს", - განაცხადა თავდაცვის მდივანმა, ჯეიმს მეტისმა.

"ბოლო წლების ისტორიაში არც ერთ მმართველს მსგავსი არაფერი ჩაუდენია. თავისუფალი მედია და გამჭვირვალე მთავრობა ჩვენს ეროვნულ ინტერესესს შეადგენს," - აცხადებს ჟურნალ "თაიმის" აღმასრულებელი რედაქტორი დინ ბაკე მის მიერ გავრცელებულ საგანგებო განცხადებაში.

თეთრი სახლის მიერ ბრიფინგზე ჟურნალისტების შერჩევითად დაშვებამდე რამდენიმე საათით ადრე მედიასაშუალებები პრეზიდენტმა ტრამპმა კიდევ ერთხელ გააკრიტიკა და განაცხადა, რომ ჟურნალისტებს "ანონიმური წყაროების გამოყენების საშუალება არ უნდა ჰქონდეთ."

პრეზიდენტმა გაზეთ "ვაშინგტონ პოსტის" მიერ გამოქვეყნებული სტატიას, რომელშიც დაზვერვის 9 ყოფილი და ამჟამინდელი მაღალჩინოსანი მაიკლ ფლინის რუსეთის ელჩთან კავშირებზე საუბრობდნენ, "გამოგონილი ინფორმაციის წყაროები" უწოდა. ტრამპის თქმით, ის ამერიკის კონსტიტუციის პირველი შესწორების დიდი გულშემატკივარია, რომელიც პრესის თავისუფლების დაცვას ეხება, თუმცა, იქვე აღნიშნა, რომ ჟურნალისტები პირველი შესწორებას სათავისოდ იყენებენ.

პრეზიდენტის კრიტიკაზე, სადაც ტრამპი ჟურნალისტების მიერ ფლინის წინააღმდეგ გამოყენებულ 9 წყაროზე საუბრობდა, მაშინვე "ვაშინგტონ პოსტის" აღმასრულებელი რედაქტორი მარტი ბარონი და განაცხადა, რომ ნახსენებ მასალაზე, რომელიც გენერალ ფლინის თანამდებობიდამნ გადადგომის საფუძველი გახდა, - გაზეთს ყველა ინტერვიუს აუდიო ჩანაწერი მოეპოვება.

დასავლური მედიაორგანაზაციების შეფასებით, მსოფლიოში არც ერთ ყველაზე ავტორიტიტულ დიქტატორ მმართველს, რომელმაც მედიაზე კონტროლის დამყარება მოისურვა, ეს არ გამოუვიდა და თავისუფალ სიტყვასთან ბრძოლაში ყველა მათგანი დამარცხდა...

ლალი პაპასკირი

AMBEBI.GE