მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ამბობდა, ქმარი მცემს და მოკვლით მემუქრებაო" - ფონდ "ერთიანობის" ვიცე-პრეზიდენტის გარდაცვალების გაუხმაურებელი დეტალები
11:44 / 22-02-2017
რამდენიმე დღის წინ, თბილისში, კალოუბნის 4 ნომერში არასამთავრობო ორგანიზაცია "ერთიანობის" ვიცე-პრეზიდენტი ანი ლომაშვილი ყოფილი ქმრის სახლში გარდაცვლილი იპოვეს.
ლომაშვილის მეგობრები ვარაუდობენ, რომ ის ყოფილმა ქმარმა მოკლა. Ambebi.ge-ს ანის მეგობარი, იურისტი ზვიად კვირიკაძე ესაუბრა, რომელიც გავრცელებულ ინფორმაციას თვითმკვლელობის შესახებ კატეგორიულად უარყოფს.
- ანი ლომაშვილს ყოფილ ქმართან, გ. კ-სთან პრობლემები ჰქონდა, ეჭვიანი ქმარი ჰყავდა, რომელიც ცოლს სცემდა და ამის გამო სექტემბერში ერთამნეთს დაშორდნენ. ჰყავთ საერთო შვილი, ბავშვი 4 წლის არის. ისინი შეთანხმდნენ, რომ კვირაში ერთხელ მამა შვილს მოინახულებდა. ამიტომ დედას ბავშვი შაბათ საღამოს მამის სახლში მიჰყავდა და კვირას უკან მოჰყავდა. ანი ლომაშვილის ყოფილი ქმარი ნარკომანია და ჩემი ინფორმაციით ის მეტადონის პროგრამაშია ჩასმული.
- თქვენ თავად გიამბოთ იმის შესახებ, რომ ქმარი სცემდა?
- მე იურისტი ვარ, ანი ჩვენი თანამშრომელი იყო და სწორედ თანამშრომლებს გვიამბობდა, რომ ქმარი მცემს და მოკვლით მემუქრებაო. ვეუბნებოდით, პოლიციისთვის მიემართა, მაგრამ ამბობდა, პოლიცია ვერ დამიცავსო და მისი თხოვნით არასდროს დაგვირეკავს პოლიციაში.
- ამბობენ, რომ გარდაცვლილს სხეულზე დაზიანებები აღენიშნებოდა...
- ტყუილია ინფორმაცია, რომ მას ყელზე დაზიანებები აღენიშნებოდა. სხეულის სხვა ნაწილებზე ჰქონდა დაზიანებები, კერძოდ საფეთქლებთან და შუბლზე. შსს-მ გააკეთა განცხადება, რომ ექსპერტიზამ მის სხეულზე დაზიანების კვალი ვერ აღმოაჩინა, რაც მართალი არ არის. ექსპერტიზის გარდა, ყველამ დაინახა დაზიანებები. ამიტომ ვაპირებთ, დამოუკიდებელი ექსპერტიზა ჩავატაროთ და დააკავონ დამნაშავე, ანის მეუღლე. უპრეცედენტო შემთხვევა ხდება საქართველოში, მიცვალებულთან არ უშვებენ ახლობლებს, რომლებსაც თვითმკვლელობის ვერსიაში ეჭვი შეაქვთ. მიდით და ადგილზე ნახავთ რა ხდება, მიცვალებულს ურტყამენ, აფურთხებენ და უშვერი სიტყვებით ლანძღავენ. დედამისს კი სასმელს ასმევენ და ყოველდღე მთვრალია ის ქალი. რამდენიმე არასამთავრობო ორგანიზაციის წარმომადგენელი ვაპირებთ მისვლას. პოლიციამ უნდა დააკავოს დამნაშავე და საქმე ობიექტურად უნდა იყოს გამოძიებული. რაც შეეხება ბავშვს, სახელმწიფომ უნდა აიღოს მასზე მზრუნველობა.
Ambebi.ge შინაგან საქმეთა სამინისტროსაც დაუკავშირდა, სადაც აღნიშნეს, რომ ამ ეტაპზე საგამოძიებო მოქმედებები მიმდინარეობს სისხლის სამართლის კოდექსის 115-ე მუხლით, რაც თვითმკვლელობამდე მიყვანას გულისხმობს.
თამარ ბოჭორიშვილი
Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
