მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ლევან ბოძაშვილი - სერგეი ლავროვის განცხადება ქართველი ხალხის დიპლომატიური შანტაჟის მცდელობაა
03:11 / 22-02-2017
ეროვნული უშიშროების საბჭოს მდივნის მოადგილის, ლევან ბოძაშვილის შეფასებით, რუსეთის საგარეო საქმეთა მინისტრ სერგეი ლავროვის გუშინდელი განცხადება ქართველი ხალხის შანტაჟის მცდელობას წარმოადგენს.
ამასთან, როგორც ბოძაშვილი მიიჩნევს, ლავროვის მიერ სამხრეთ კავკასიაში ტერორისტული და ნარკოტრაფიკის გზების არსებობაზე მინიშნება საქართველოს ჩრდილოეთ ნაწილში ე.წ. ანტიტერორისტული ცენტრის ჩამოყალიბების თაობაზე რუსეთის "ხანგრძლივ და ვადაგასულ სურვილზე" მიუთითებს.
მისივე აზრით, ასეთი განცხადებები წარმოადგენს რუსული ფართომასშტაბიანი ანტიქართული პროპაგანდის ნაწილს, რათა სახელი გაუტეხოს ქვეყანაში არსებულ მშვიდ გარემოს, საინვესტიციო შესაძლებლობებს და საქართველო წარმოაჩინოს არასტაბილურ ქვეყნად, თუმცა უშიშროების საბჭოს მდივნის მოადგილე დარწმუნებულია, რომ ეს აბსურდული და უპერსპექტივო ამოცანაა.
"რუსეთის დიპლომატიური ხასიათის თავისებურება ყოველთვის იყო, რომ რაც წაგართვა იმაზე არ საუბრობს, მაგრამ ყოველთვის აქტიურად საუბრობს იმაზე, რაც მომავალში სურს რომ წაიღოს. უვიზო მიმოსვლის პირობად ვითომ ტერორისტული და ნარკოტრაფიკის გზების არსებობაზე ყოვლად უსაფუძვლო მინიშნებაში, სამწუხაროდ, კვლავ ჩანს რუსეთის ხანგრძლივი და ვადაგასული სურვილი საქართველოს ჩრდილოეთ ნაწილში ე.წ. ანტიტერორისტული ცენტრის ჩამოყალიბების თაობაზე. ამავე დროს, ეს არის იმ ქართული საზოგადოების ნაწილის შანტაჟირების მცდელობა, რომელიც რუსეთთან უვიზო რეჟიმიდან გარკვეული სარგებლის მიღებას გეგმავს. ამავე დროს, ასეთი განცხადებები წარმოადგენს რუსული ფართომასშტაბიანი ანტიქართული პროპაგანდის ნაწილს, რათა სახელი გაუტეხოს ქვეყანაში არსებულ მშვიდ გარემოს, საინვესტიციო შესაძლებლობებს და საქართველო წარმოაჩინოს კრიმინალურ, არასტაბილურ ქვეყნად და საბოლოო ჯამში, შეასუსტოს მისი საინვესტიციო და ეკონომიკური განვითარების პოტენციალი. ეს აბსურდული და უპერსპექტივო ამოცანაა, რადგან ქართველი ხალხი არასოდეს წამოეგება მსგავს პროვოკაციულ და შანტაჟისტურ მიდგომებს და არ გახდება რუსული პროპაგანდის უნებლიე ტყვე, მითუმეტეს მაშინ, როდესაც საკითხი ეხება ისეთ წითელ ხაზებს, როგორიც ოკუპაციაა.
ამასთან, თუ ტერორიზმითა და მიგრაციით შეწუხებული ევროპისათვის უვიზო მიმოსვლის საქართველოსთვის დაწესება არ წარმოადგენს პრობლემას, რა საფუძველი არსებობს იგივე რუსეთისთვის ასეთი განცხადებებისთვის?" - აცხადებს ბოძაშვილი.
უშიშროების საბჭოს მდივნის მოადგილის თქმით, რუსულმა მხარემ კარგად იცის, რომ არც ნარკოტრაფიკული და არც ტერორისტული თვალსაზრისით საქართველოში არანაირი პრობლემები არ არსებობს.
"რუსულმა მხარემ იცის, რომ საქართველოს შესაბამისი სამსახურები ძალიან ეფექტურად მუშაობენ ამ მიმართულებით და თანამშრომლობენ ყველა საერთაშორისო პარტნიორთან ორმხრივ თუ მრავალმხრივ ფორმატებში. ეს ცნობილია ყველასთვის საზღვარგარეთ, მათ შორის რუსეთისთვისაც, სწორედ ამიტომაც, ასეთი განცხადებები არის მხოლოდ საზოგადოებრივ აზრზე მანიპულირების მცდელობა", - განაცხადა ლევან ბოძაშვილმა.
როგორც ცნობილია, რუსეთის საგარეო საქმეთა მინისტრი სერგეი ლავროვი საქართველოს მოქალაქეებისთვის სავიზო რეჟიმის გაუქმების წინაპირობად რუს და ქართველ სამართალდამცავ ორგანოებს შორის "სრულფასოვან თანამშრომლობას" ასახელებს.
ლავროვი საუბრობს ტერორისტების მიერ სამხრეთ კავკასიის რეგიონის მარშრუტის გამოყენების საფრთხეზე და აცხადებს, რომ ასეთ პირობებში სავიზო რეჟიმის გაუქმება როგორც დიპლომატიური ურთიერთობების, ისე უსაფრთხოების საკითხებს უკავშირდება.
"რაც შეეხება უვიზო რეჟიმს, კიდევ ერთხელ გავუსვამ ხაზს, რომ ეს საკმაოდ რთული საკითხია. ის დაკავშირებულია არამარტო დიპლომატიური ურთიერთობების არქონასთან, თუმცა ასეთ ურთიერთობების არქონის შემთხვევაში სავიზო რეჟიმის გაუქმება ცოტა უცნაურია. ეს ასევე დაკავშირებულია უსაფრთხოების უზრუნველყოფასთან იმ პირობებში, როდესაც არამარტო ცენტრალური აზია, არამედ სამხრეთ კავკასიის რეგიონი ხდება მარშრუტი, რომლის გამოყენაბასაც აქტიურად ცდილობენ "ბოევიკები", ექსტრემისტები, ტერორისტები და ნარკომოვაჭრეები. როცა დავალაგებთ სრულფასოვან ურთიერთობებს რუს და ქართველ სამართალდამცველ ორგანოებს შორის, რათა ამ რისკების მინიმალიზება მოვახდინოთ, ალბათ, შესაძლებელი იქნება საუბარი სავიზო რეჟიმის შემდგომ შემსუბუქებაზე. სამართალდამცველ ორგანოებს შორის ასეთი ურთიერთობების დარეგულირება დიპლომატიური კავშირის არარსებობის შემთხვევაში რთულია", - აცხადებს სერგეი ლავროვი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
