მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ამერიკის ინიციატივით საქართველოში საბრძოლო მომზადების ახალი ცენტრი გაიხსნება
02:11 / 20-02-2017
2017 წელს საქართველოს ტერიტორიაზე ევროპაში აშშ-ის არმიის გაერთიანებული მრავალეროვანი მზადყოფნის ცენტრის (JMRC) მსგავსი სასწავლო საბრძოლო ბაზის მშენებლობა დაიწყება.
ეს ინფორმაცია თავდაცვის მინისტრმა ლევან იზორიამ გასულ კვირას გერმანიის ქალაქ ჰოჰენფელსში, ცენტრში მონახულებისას განაცხადა. მან ეს თემა აშშ-ის არმიის ევროპული ჯარების სარდალთან, გენერალ-ლეიტენანტ ბენ ჰოჯესსთან ერთად განიხილა. ამის შესახებ ინფორმაციას "ამერიკის ხმა" ავრცელებს.
ახალი სასწავლო-საბრძოლო ცენტრის შესახებ ჯერჯერობით მცირე ინფორმაცია არსებობს და ამ ეტაპზე მხოლოდ ის არის ცნობილი, რომ ცენტრი ჰოჰენფელსის JMRC ბაზასთან შედარებით, საქართველოს ბაზა მცირე მასშტაბის იქნება და შესაბამისი აღჭურვილობით Cubic Global Defense მოამარაგებს.
ახალი სასწავლო ცენტრის ამოქმედება ეს ნიშნავს, რომ საქართველოს შეიარაღებული ძალების ნაწილებს გერმანიაში გამგზავრება აღარ მოუწევთ, - ისინი სამშვიდობო მისიებში მონაწილეობის წინა მომზადების დასკვნით კურსებს საქართველოში გაივლიან. თავდაცვის მინისტრი თქმით, სასწავლო ცენტრის მშენებლობა წელს დაიწყება. მისივე თქმით, აღსანიშნავია ამერიკელი მრჩევლების აქტიურობა და მათი მონაწილეობა წვრთნებში. ამერიკული მხარე შესაბამისი აღჭურვილობის შეძენის ინიციატივასაც გამოთქვამს.
არსებული რეალობის თანახმად, - საქართველოს შეირაღებული ძალების ბატალიონები სამშვიდობო მისიაში გამგზავრებამდე გადასროლისწინა ოთხთვიან შუალედურ სწავლებას ქვეყანაში არსებულ ცენტრებში – "ალგეთში", "კრწანისსა" და "ვაზიანში", ამერიკელ სამხედრო ინსტრუქტორთა ჯგუფის მეთვალყურეობის ქვეშ გადიან, რის შემდეგაც დასკვნითი ერთთვიან კურსს გერმანიაში, ჰოჰენფელსის JMRC ცენტრში ასრულებენ, სადაც ამერიკული სამხედრო საწვრთნელი ბაზა, მეორე მსოფლიო ომის შემდეგომი პერიოდიდან არსებობს, თუმცა, გაერთიანებულ მრავალეროვანი მზადყოფნის ცენტრის ფუნქციას 2005 წლიდან ასრულებს.
ჰოჰენფელსის საწვრთნელი ბაზა 163 კვადრატულ კილომეტრზეა გადაჭიმული, მოიცავს 1345 საწვრთნელ შენობას, გააჩნია 319 კილომეტრის საწვრთნელ გზა, მათ შორის მძიმე სამხედრო ტექნიკისთვის და მცირე მასშტაბის აეროდრომი.
ავღანეთში ISAF -ის მისიის მონაწილე ქართველი სამხედროების თქმით, - ჰოჰენფელსის ბაზაზე იმიტირებული ავღანური ქალაქი არსებობს, სადაც ისინი სხვა ქვეყნების წარმომადგენელ სამხედროებთან ერთად, ავღანეთის მოსახლეობასთან კომუნიკაციის დამყარებას და თალიბების საწინააღმდეგო ოპერაციების წარმოებას სწავლობენ.
ამჟამად, ჰოჰენფელსში საქართველოს არმიის II ქვეითი ბრიგადის 23-ე ბატალიონი იმყოფება. იქ ასევე იმყოფებიან ყოფილი საბჭოთა ქვეყნების წარმომადგენლებიც - მათ შორის, უკრაინელები, ალბანელები, სერბები, სლოვენიელები, მოლდოველები.
ჰოჰენფელსის საწვრთნელი ბაზის მეთაური, ბრიგადის გენერალი ანტონიო აგუტო, რომელიც საქართველოს თავდაცვის მინისტრმა, ლევან იზორიამ საქართველოში მოიწვია, ამბობს, რომ მსგავსი საბრძოლო ცენტრის შექმნაში საქართველოს უნდა დაეხმაროს.
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
