მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნიკოლოზ ბარათაშვილის უცნობი ნახატი, რომელიც ქურთ მხატვარს ეკუთვნის
06:23 / 19-02-2017
თბილისში მცხოვრები მარინა გურგენიძე უმდიდრესი კოლექციის მფლობელია... მის კოლექციაშია დიდი მხატვრების ნამუშევრების ორიგინალები, ნიკოლოზ მეორის ნაქონი ლარნაკი, კილონახევრიანი ვერცხლის შანდლები, პაველ ბურეს მიერ შექმნილი საათი და სხვა უნიკალური ნივთები... ამჯერად, მარინა გურგენიძე ქურთი მხატვრის - ჟორა ხალატოვის ნამუშევარზე გვესაუბრება... ჟორა ხალატოვს დახატული აქვს ნიკოლოზ ბარათაშვილის შეხვედრა თბილისელ ქურთებთან და მარინა გურგენიძემ ეს ნახატი თბილისის ერთ-ერთი ოჯახიდან შეიძინა.
მარინა გურგენიძე, კოლექციონერი:
"მოგეხსენებათ, მსოფლიოში უიშვიათესი შემთხვევაა ეროვნებით ქურთი მხატვარი… გიორგი (ჟორა) ხალატოვი დაიბადა 1922 წელს თბილისში. გარდაიცვალა 80-იან წლებში. ბოტანიკური ბაღის შესასვლელთან, ენგელსის ქუჩაზე ცხოვრობდა. სამხატვრო აკადემიის დამთავრების შემდეგ მხატვარ-რესტავრატორად მუშაობდა. სამხატვრო აკადემიას ჟორა ხალატოვმა და ალექსანდრე ციმაკურიძემ ერთად გაუკეთეს რესტავრაცია. ასევე, ხალატოვმა რესტავრაცია გაუკეთა ბათუმის დრამატული თეატრის ფოიეებს და მაყურებელთა დარბაზის მხატვრული გაფორმებაც მისი ნახელავია. ბათუმის ცენტრში თეატრის მიმდებარე ტერიტორიაზე, მდებარეობს ძველი კაფე, რომელიც მთლიანად რესტავრირებულია ჟორა ხალატოვის მიერ. კაფეში კედელზე ამოტვიფრულია რესტავრირების წელი და მისი სახელი და გვარი...
ბათუმის სახელმწიფო მუზეუმში არსებობს ჟორა ხალატოვის ორი ნამუშევარი... მუზეუმის თანამშრომელმა მითხრა, რომ საპრეზიდენტო რეზიცენდიაში პირველ სართულზეც იყო ჟორა ხალატოვის მიერ შექმნილი კაფე, რომელიც მიხეილ სააკაშვილის ბრძანებით დაანგრიესო... მუზეუმის თანამაშრომლები ძალიან განიცდიდნენ ამ ამბავს... ხალატოვი ბერიამ წაიყვანა მოსკოვში და წახნაგოვანი დარბაზის რესტავრაცია გააკეთებინა. ჟორა ხალატოვს ბევრი ნამუშევარი არ შეუქმნია. აქვს ერთ-ერთი ნამუშევარი, რომელიც ჩემს კოლექციაშია. შეძენილი მაქვს თბილისში, ერთ-ერთი ოჯახისგან. ნამუშევარი ტილოზეა შესრულებული (ტ/ზ) - 2მ ხ 1,5მ, სადაც გამოსახულია ნიკოლოზ ბარათაშვილის დაბრუნება პეტერბურგიდან და თბილისელი ქურთების დახვედრა. ეს სიუჟეტი ერთგვარად გამოხატავს, თუ როგორი თბილი და მეგობრული დამოკიდებულება იყო ქართველებსა და სხვა ეროვნების წარმომადგენლებს შორის.
წელს არის ნიკოლოზ ბარათაშვილის 200 წლის იუბილე. კარგი საქმე გაკეთდება, თუ საიუბილეო თარიღთან დაკავშირებით, კულტურის სამინისტრო ან თბილისის მერია შეიძენს ჟორა ხალატოვის ნამუშევარს და გადასცემს საქართველოს სახელმწიფო მუზეუმს.
გია ბუღაძე, მხატვარი:
"ჟორა ხალატოვი შორიდან მახსოვს, ძალიან საინტერესო და კოლორიტული პიროვნება იყო. მას ეკუთვნის სამხატვრო აკადემიის რესტავრაცია... უნდა აღინიშნოს, რომ როგორც რესტავრატორის, მისი ნამუშევარი ძალიან თამამი იყო. თავის თავიც კი ჩახატა, ისპაჰანის ხედიც, რაც არ იყო პირვანდელ ვარიანტში, ბევრი აღმოსავლური ელეტემენტები შეიტანა, რაც მისი ხედვა იყო... რესტავრაციაში სითამამე არ შეიძლება, მაგრამ იმდენად უნიკალურია მისი ნამუშევარი, ვფიქრობ ყოველთვის ხელუხლებლად უნდა დარჩეს, რადგან ესეც ისტორიაა... იმ პერიოდში არავინ იყო ამის გამკეთებელი და მისი მხრიდან ძალიან კეთილშობილური ნაბიჯი იყო სამხატვრო აკადემიის რესტავრაცია.
მანანა გაბრიჭიძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
