16
ივნისიდღის ზოგადი ასტროლოგიური პროგნოზი
Ambebi.ge-თვის ცნობილი გახდა, რომ "რუსთავი 2"-ის გაყიდვების სამსახურის უფროსი კონსტანტინე ბათმანიდი სამუშაოდ, კონკურენტ ტელევიზიაში გადავიდა. ის ხვალიდან ტელეკომპანია "იმედის" გაყიდვების სამსახურს უხელმძღვანელებს. ინფორმაციის გადასამოწმებლად კონსტანტინე ბათმანიდს დავუკავშირდით:
- პრინციპში უკვე ვადასტურებ ამ ინფორმაციას, ხვალ 10:00 საათიდან შევუდგები ჩემს საქმიანობას ახალ სამსახურში, ტელეიმედზე.
- რატომ მიიღეთ კონკურენტ არხზე გადასვლის გადაწყვეტილება, უფრო მაღალი ხელფასი შემოგთავაზეს თუ ახალი გამოწვევაა თქვენთვის "იმედი"?
- ბევრ ტელევიზიას უნდოდა ჩემთან თანამშრომლობა, მაგრამ ჩემი გადაწყვეტილება იყო "იმედი". ამ კომპანიას ბევრი საშუალება აქვს, უნდა გაყიდვების გაძლიერება, რეიტინგის გაზრდა და სწორედ ეს არის ის, რის გამოც მათ შემოთავაზებას დავთანხმდი. ჩემთვის ეს ძალიან დიდი გამოწვევა და ადრენალინია.
თამარ ბოჭორიშვილი
Ambebi.ge
