9
ივნისიდღის ზოგადი ასტროლოგიური პროგნოზი
ბოლო მონაცემებით, საფრანგეთის საპრეზიდენტო არჩევნების პირველ ტურში ემანუელ მაკრონმა ამომრჩეველთა ხმების 23,75% მიიღო, მარინ ლე პენმა - 21,53% საფრანგეთში ჩატარებულ საპრეზიდენტო არჩევნების პირველ ტურში პოლიტიკური მოძრაობა "წინ"-ის ლიდერმა ემანუელ მაკრონმა ამომრჩეველთა ხმების 23,75% მიიღო, "ეროვნული ფრონტის" ლიდერმა მარინ ლე პენმა - 21,53%.
საპრეზიდენტო არჩევნებში გამარჯვების ყველაზე დიდი შანსი სწორედ ემანუელ მაკრონს აქვს - ქარიზმატულ, ახალგაზრდა, სიმპათიურ ლიდერს, რომელზეც არანაირი კომპრომატი არ არსებობს...
საფრანგეთის ეკონომიკის ყოფილი მინისტრი და პოლიტიკური მოძრაობა "წინ"-ის საპრეზიდენტო კანდიდატი ემანუელ მაკრონი რეიტინგებში საგრძნობლად უსწრებს მთავარ კონკურენტებს და დიდი შანსია, ის საფრანგეთის მომავალ პრეზიდენტად მოგვევლინოს.
ერთადერთი ჭორი, რომელიც 39 წლის მაკრონზე საპრეზიდენტო კამპანიის პერიოდში გავრცელდა, არის ის, რომ ასაკით ორჯერ უფროს ქალზე საკუთარი ჰომოსექსუალობის დასაფარად იქორწინა. მაგრამ ეს მხოლოდ ჭორებია, ფაქტები კი ასეთია: 15 წლის მაკრონს თავისი სკოლის ფრანგულის მასწავლებელი ბრიჯიტი შეუყვარდა. ის მოთმინებით ელოდა საჭირო დროს და მრავალი წლის შემდეგ დაქორწინდა კიდეც საყვარელ ქალზე.
სიმპათიურმა და ამბიციურმა პოლიტიკოსმა თავისზე 24 წლით უფროს ქალთან 2007 წელს შექმნა ოჯახი, როცა ბრიჯიტის შვილები მისი ტოლები იყვნენ. დადის ხმები, რომ როდესაც ემანუელი 17 წლის გახდა, ბრიჯიტს უთხრა, როგორც არ უნდა ეცადოთ ზურგი მაქციოთ, მაინც მოგიყვანთ ცოლადო. მედიაში წერენ, რომ ამის გამგონე ქალს გაეცინა, ის ხომ გათხოვილი იყო და სამ შვილს ზრდიდა. თუმცა, რამდენიმე წელში, 2007 წელს ბრიჯიტი მოულოდნელად გაეყარა ქმარს და ემანუელს გაყვა ცოლად. რადგან საკუთარი შვილები ემანუელს არ ყავს, ცოლის შვილიშვილებს უვლის და ამბობენ, რომ აღმერთებს მათ.
ალბათ სწორედ ამ ფაქტის გამო, პრეზიდენტობის კანდიდატს ამომრჩეველ ქალთა ნაწილი უბრძოლველად "დანებდა".
