მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ აღნიშნავენ ცნობილი ქართველი წყვილები ვალენტინობას
09:11 / 14-02-2017
მსოფლიო დღეს სიყვარულის დღეს აღნიშნავს. 14 თებერვალი კათოლიკე მღვდელი ვალენტინის ხსენების დღეა, რომელიც შეყვარებულებს ჩუმად აუღლებდა. ევროპასა და ამერიკაში 14 თებერვალს შეყვარებულები ერთმანეთს სასიყვარულო ბარათებს, საჩუქრებს, ყვავილებს, ტკბილეულს უგზავნიან. დავინტერესდით, აღნიშნავენ თუ არა ქართველი წყვილები ვალენტონობას და რა საჩუქარი გაუკეთეს მათ ერთმანეთს:
ხატია სიჭინავა და რამაზ ნოზაძე
ხატია სიჭინავას და რამაზ ნოზაძის წყვილი რომანტიულობით გამორჩეულია. ისინი ერთმანეთს უჩვეულო სიურპრიზებს ვალენტინობის დღესასწაულის გარეშეც უკეთებენ. "ჩვენთვის ყოველი დღე სიყვარულის დღე არის და ამისთვის ვალენტინობა არ გვჭირდება. რამდენიმე კვირის წინ, ნანომ ისეთი საჩუქარი გამიკეთა (რამაზ ნოზაძემ ცოლს "პორშეს" ჯიპი აჩუქა), მინიმუმ ოთხი წელი დასვენებულია ვალენტინობისგან. გუშინ ჩემმა ქმარმა მომწერა ჩემი პასპორტის ასლი გამეგზავნა, კი მივხვდი, 
მორიგ სიურპრიზს რომ მიწყობდა, მაგრამ როცა ვკითხე, მითხრა, რაღაცის შესამოწმებლად დამჭირდაო, დღეს კი მომწერა, ბარგი ჩაალაგე, ერთი კვირით პრაღაში მივდივართ სამოგზაუროდო. ასე რომ, დღეს საღამოს მივფრინავთ პრაღაში. ეს იყო მისი სიურ-პრიზი ვალენტინობის დღესასწაულთან დაკავშირებით. რაც შეეხება ყვავილებს, არ მიყვარს ყვავილები, მკვდართან ასოცირდება, შესაბამისად როცა მოვკვდები მაშინაც მეყოფა გულზე ყვავილები, ჩემმა ქმარმა ეს იცის და არასდროს მჩუქნის ყვავილებს.
სოფო ბედია და მიშა მესხი
სოფო ბედიას და მიშა მესხის ოჯახისადმი საზოგადოების ინტერესი არ წყდება. მათ დაქორწინება გაცნობიდან მოკლე პერიოდში გადაწყვიტეს.
"ჩვენ სიყვარულისთვის ვალენტინობა არ გვჭირდება, ყოველი დღე სიყვარულის დღეა. გამოკვეთილად არ აღვნიშნავთ ვალენტინობას. ისედაც ხშირად ვუწყობთ ერთმანეთს სიურპრიზებს, ეს არ გვეშლება. დღესაც ვუწყობ სოფოს სიურპრიზს, საღამოს ვახშამზე შევიკრიბებით და მის საყვარელ სუნამოს, შანელის "შანსს" ვაჩუქებ, რომელსაც საღამოს შევიძენ",- განაცხადა მიშამ.
ნინი ზარქუა და ალექსანდრე ამისულაშვილი
მოდელი და დიზაინერი ნინი ზარქუა და ფეხბურთელი ალექსანდრე ამისულაშვილი სამ შვილს ზრდიან. წყვილი ერთმანეთს ხშირად ანებივრებს საჩუქრებით.
"ყოველი დღე, ყველა შეყვარებული წყვილისთვის ვალენტინობაა. ქრისტიანულ ქვეყანაში ვცხოვრობთ და ჩემი აზრით ისედაც არ აქვს, ამ დღეს ქართველებისთვის განსაკუთრებული დატვირთვა. ერთხელ გამომიგზავნა ამიმ ვალენტინობას საჩუქრად ყვავილების თაიგული, მაშინ 5 თვის ორსული ვიყავი, მაშინ საქართველოში არ იყო და თავი მარტო რომ არ მეგრძნო, მისი ძმის ხელით ეს სიურპრიზი გამიკეთა", - გვიამბო ნინიმ.
ნინო ორდენიძე და ლევან გვაზავა
წარსულში ცნობილი მოდელი ნინო ორდენიძე, რამდენიმე წლის წინ შსს-ს მაღალჩინოსანზე, ლევან გვაზავაზე დაქორწინდა. წყვილი ორ ქალიშვილს ზრდის.
"არ ვგიჟდებით ვალენტინობის დღესასწაულზე, ჩვენთვის აღდგომა, ახალი წელი, დაბადების დღე უფრო მნიშვნელოვანი დღესასწაულია, ამიტომ განსაკუთრებულად გვიყვარს. ვალენტინობას ალბათ უფრო მანამდე აღნიშნავენ წყვილები, სანამ დაოჯახდებიან. მახსოვს შეყვარებულობის დროს, ლევანმა რომანტიული ვახშამი მომიწყო და საყვარელი სუნამო მაჩუქა. შემდეგ ვიქორწინეთ და მას შემდეგ ჩვენთვის ყოველი დღე ვალენტინობაა", - განაცხადა ნინო ორდენიძემ.
ვახო ბიჭიკაშვილი და სოფო რევია
იუმორისტ ვახო ბიჭიკაშვილს და სოფო რევიას სამაგალითო სიყვარული აქვთ. წყვილი ერთმანეთს მუდმივად ანებივრებს სასიამოვნო სიურპრიზებით. მართალია ორივეს დატვირთული სამუშაო გრაფიკი აქვს, მაგრამ ყურადღებას არც მათ სიყვარულს აკლებენ და არც პატარა ანდრიას, რომელიც მათი სიყვარულის ნაყოფია.
"ბანალური ვიქნები და გეტყვით, ყველა დღე ვალენტინობაა ჩვენთვის. როგორც ჭიაკოკონობას შევხვდით, ისე შევხვდით წლევანდელ ვალენტინობას. ამ ორი დღესასწაულის გარდა, სხვას არ ვაღიარებთ. ორივე ვმუშაობთ, აქედან გამომდინარე ჯერ საჩუქრისთვის არ გვცალია. საღამოს თუ ადრე გავთავისუფლდით, ძალიან დაღლილები არ ვიქნებით, სიმბოლურად წავალთ სადმე, ჩვენს ანდრიასთან ერთად და საჩუქრებსაც ვაჩუქებთ ერთმანეთს", - გვითხრა ვახო ბიჭიკაშვილმა.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
