7
ივნისიდღის ზოგადი ასტროლოგიური პროგნოზი
"აუდიტორია 115"-ის ორგანიზებით მიმდინარე აქციამ მთავრობის ადმინისტრაციის შენობასთან გადაინაცვლა. პროტესტის მონაწილეები სოლიდარობას უცხადებენ "რუსთავის აზოტის" ქარხნის ყოფილ თანამშრომლებს, აჭარის საზოგადოებრივი მაუწყებლის ჟურნალისტებსა და სხვადასხვა კომპანიებში დასაქმებულ ადამიანებს, რომლებიც, მათი თქმით, ხელმძღვანელობის მხრიდან სხვადასხვა ტიპის ზეწოლას განიცდიან.
აქციის მონაწილეები სკანდირებენ "სოლიდარობა მუშებს", "სოლიდარობა რუსთავის აზოტის ქარხანას". მათი განცხადებით, ხელისუფლებამ უნდა გაითვალისწინოს მათი მოთხოვნები და შრომით კანონმდებლობაში შევიდეს ცვლილებები, რომლის მეშვეობითაც დაცული იქნება დასაქმებული, რაც მნიშვნელოვნად შეამცირებს მათი უფლებების შელახვის ფაქტებს. იმ შემთხვევაში, თუკი ეს მოთხოვნები არ დაკმაყოფილდება, საქართველოში სოციალური პროტესტის ტალღა გაიზრდება და შესაძლოა სიტუაცია უკონტროლო გახდეს.
აქციას საზოგადოებრივი მაუწყებლის და გაერთიანებული პროფკავშირების წარმომადგენლები შეუერთდნენ. მთავრობის ადმინისტრაციის შენობის მიმდებარე ტერიტორიაზე უსაფრთხოების მიზნით იმყოფებიან შსს-ს წარმომადგენლები.
