მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა ტიპის ენტეროვირუსია გავრცელებული საქართველოში და როგორ ავიცილოთ თავიდან
05:22 / 03-02-2017
ზამთარში ვირუსების მატების რისკი იზრდება. მისი თავიდან აცილების მიზნით აუცილებლად უნდა მიექცეს ყურადღება პირად ჰიგიენას. ხშირად დაიბანეთ ხელები, მოუარეთ პირის ღრუს, მიიღეთ დიდი ოდენობით სითხე.
AMBEBI.GE-ს მკითხველებმა შეკითხვებით მოგვმართეს - ისინი ინტერესდებიან, რამდენად შეესაბამება სიმართლეს ინფორმაცია, რომ მოსალოდნელია ენტეროვირუსის გავრცელება, რომელიც ბავშვებსა და მოხუცებში მენინგიტსა და ენცეფალიტს იწვევს.
გვესაუბრება ხათუნა ზახაშვილი, დაავადებათა კონტროლის ცენტრის გადამდებ დაავადებათა დეპარტამენტის უფროსი:
- ენტეროვირუსები ვირუსების ძალიან დიდი ჯგუფია, რომელსაც ერთმანეთის მსგავსი აღნაგობა და გადაცემის მექანიზმი აქვს, ხოლო კლინიკურად ერთმანეთისგან რამდენადმე განსხვავებულ სურათს ქმნის. ზოგიერთი ენტეროვირუსი გამონაყარით მიდის, ეს არის დაავადება, რომელსაც ხშირად "ხელების, ფეხების და ტუჩების დაავადებად" მოიხსენიებენ. რაც იმას გულსხმობს, რომ გამონაყარი უპირატესად ამ ადგილებშია გამოხატული.
როგორც წესი, ემართებათ ბავშვებს და სრულიად მშვიდობიანად გადაივლის და გამოჯანმრთელდებიან ხოლმე. თუმცა, ზოგ შემთხვევაში (იშვიათად) შეიძლება მენინგიტი გამოიწვიოს, ან მენინგო-ენცეფალიტი. ეს შედარებით მძიმე მიმდინარეობის მახასიათებლებია. ზოგადად ენტეროვირუსებს მენინგიტის გამოწვევა ახასიათებს.- ქვეყანაში შესაძლებელია ამ სერიოზული ვირუსების დიაგნოსტიკა?
- დიაგნოსტიკა შესაძლებელია, ამჟამად ვიცით, რომ არის გავრცელებული "ხელების, ფეხების და ტუჩების დაავადება", რომელიც ენტეროვირუსულია, ასეთი შემთხვევები ქვეყანაში გვქონია და ახალი ამაში არაფერია. ენტეროვირუსები ახლა მენინგიტების მიმდინარეობით არ არის გამოსახული და შესაბამისად, მენინგიტების რიცხვი არ გვაქვს მომატებული.
ვიმეორებ, ამჟამად ის ენტეროვირუსებია გავრცელებული, რაც გამონაყარით გამოიხატება. თუმცა არსებობს ისეთებიც, რომლებიც მენინგიტებსაც იწვევს და ასეთი გასულ წლებში მეტად იყო გამოხატული. ალბათ მოსახლეობას ეს აფეთქება კარგად ახსოვს.
- თებერვალი დადგა, დაავადების გავრცელების პიკი და შესაბამისად, ალბათ, ვირუსებიც მოიმატებს.
- ვირუსების გავრცელების პიკი თებერვალთან არ არის მაინცდამაინც ასოცირებული, ან რომელიმე დროსთან. ნებისმიერ პერიოდში შეიძლება გამწვავდეს, უპირველესად ჰიგიენის ნორმებისა და პირობების დაცვაა საჭირო, რომ ეს ყველაფერი ავიცილოთ. დაავადებულები სახლში უნდა დარჩნენ. ოჯახის წევრებმა და დაავადებულებმა ზედმიწევნით უნდა დაიცვან პირადი ჰიგიენის წესები, რაც ვირუსის შემდგომ გავრცელებას ხელს შეუშლის და დაავადებულთა რიცხვს შეამცირებს.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
