ხელვაჩაურში სახლის სახურავის ჩამონგრევის შედეგად მამაკაცი დაიღუპა

ხელვაჩაურში, ფერიის დასახლებაში, საცხოვრებელი სახლის სახურავი ჩამოინგრა, რის შედეგადაც ერთი ადამიანი დაიღუპა. შემთხვევის ადგილზე სამაშველო სამსახურის თანამშრომლები იმყოფებოდნენ. გარდაცვლილი პროზექტურაშია გადასვენებული.

არსებული ინფორმაციით, მამაკაცი საცხოვრებელ სახლში მარტო იმყოფებოდა და ხის ფიცრული თოვლის მასამ დააზიანა.

შინაგან საქმეთა სამინისტროს ცნობით, მომხდართან დაკავშირებით გამოძიება 116-ე მუხლით დაიწყო, რაც სიცოცხლის მოსპობას გულისხმობს.