მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გაქცეული ნაციონალები" - 10 ყოფილი მაღალჩინოსანი, რომელთაც საქართველო სხვადასხვა დანაშაულისთვის ეძებს
04:44 / 27-01-2017
2012 წლის საპარლამენტო არჩევნებში "ქართული ოცნების" გამარჯვების შემდეგ "ნაციონალური მოძრაობის" ხელისუფლების არაერთმა მაღალჩინოსანმა ქვეყანა დატოვა. ქვეყნის დატოვება, სავარაუდოდ სწორედ იმ საშიშროებას უკავშირდებოდა, რომ ახალი ხელისუფლება ყოფილ მაღალჩინოსნებზე სისხლის სამართლებრივ დევნას დაიწყებდა. ახალი ხელისუფლების პროკურატურამაც არ დააყოვნა და არაერთ ყოფილ მაღალჩინოსანზე საქმე აღძრა.
AMBEBI.GE გთავაზობთ "ნაციონალური მოძრაობის" ხელისუფლების იმ მაღალჩინოსნების სიას, რომლებზეც სისხლის სამართლებრივი დევნაა დაწყებული, თუმცა მათ საქართველო დევნის დაწყებამდე დატოვეს.
იხილეთ ვიდეოგრაფიკა: "გაქცეული ნაცები"
მიხეილ სააკაშვილი
ერთ-ერთი პირველი, ვისზეც არსებობდა საზოგადოებაში მოლოდინი, რომ სამართლებრივი დევნა დაიწყებოდა, ყოფილი პრეზიდენტი და "ნაციონალური მოძრაობის" ლიდერი მიხეილ სააკაშვილია. საპრეზიდენტო ვადის ამოწურვის შემდეგ, მას პროკურატურამ რამდენიმე ბრალი წაუყენა. საქართველოს პროკურატურამ ერთ-ერთი პირველი ბრალი, რომელიც ექსპრეზიდენტს წაუყენა, სახელმწიფოს კუთვნილი 8 837 461 ლარის გაფლანგვა იყო. გამოძიების ვერსიით, მიხეილ სააკაშვილი თანხებს არამიზნობრივად და პირადი კომფორტისთვის, მივლინებებში ხარჯავდა. მიხეილ სააკაშვილის წინააღმდეგ სამართლებრივი დევნა მიმდინარეობს 7 ნოემბრის აქციის დარბევისა და ტელეკომპანია "იმედში" შეჭრის საქმეზეც, ასევე პარლამენტის ყოფილი დეპუტატის ვალერი გელაშვილის ცემის საქმეზე.
ექს-პრეზიდენტს ასევე ბრალად ედება სანდრო გირგვლიანის მკვლელობის საქმეზე სამსახურებრივი უფლებამოსილების ბოროტად გამოყენება, კერძოდ მკვლელობაში ბრალდებულების შეწყალება, შეწყალების კომისიის გვერდის ავლით. საქართველოს პროკურატურა ითხოვდა ყოფილ პრეზიდენტზე ინტერპოლის წითელი ცირკულარით ძებნა გამოცხადებულიყო, თუმცა ინტერპოლმა აღნიშნული მოთხოვნა არ დააკმაყოფილა.
ზურაბ ადეიშვილი
კიდევ ერთი ყოფილი მაღალჩინოსანი, რომელზეც სისხლის სამართლებრივი დევნა მიმდინარეობს და ის საქართველოში არ იმყოფება, იუსტიციის ყოფილი მინისტრი ზურაბ ადეიშვილია. ადეიშვილმა საქართველო სავარაუდოდ, ჯერ კიდევ 8 ოქტომბრის საპარლამენტო არჩევნებამდე დატოვა. ყოფილ მაღალჩინოსანს ბრალი კობა დავითაშვილის ცემის საქმეზე, ასევე ტელეკომპანია "იბერიის" დახურვის და სამაუწყებლო ლიცენზიის იძულებით ჩამორთმევის ფაქტზე, აკურის ღვინის ქარხნის ჩამორთმევის საქმეზე, 7 ნოემბრის აქციის დარბევისა და "იმედში" შეჭრის საქმეზე აქვს წაყენებული. ზურაბ ადეიშვილზე ძებნა ინტერპოლის წითელი ცირკულარით იყო გამოცხადებული, თუმცა გარკვეული პერიოდის შემდეგ ინტერპოლმა იუტიციის ყოფილ მინისტრზე ძებნა შეწყვიტა.
დავით კეზერაშვილი
საქართველოში ბრალდებულადაა ცნობილი თავდაცვის ყოფილი მინისტრი დავით კეზერაშვილი. გამოძიება მას თავდაცვის სამინისტროში განხორციელებული შესყიდვებიდან დიდი ოდენობით სახელმწიფო სახსრების გაფლანგვას ედავება. მას ბრალი წაყენებული აქვს ასევე 2007 წლის 7 ნოემბრის აქციის დარბევისა და "იმედის" წილების უკანონოდ გადაფორმება და განკარგვის საქმეზე. პროკურატურა ყოფილ მაღალჩინოსანს თამაზ და ზურაბ ნიჟარაძეებისთვის ქონების გამოძალვასაც ედავება.
თავდაცვის ყოფილი მინისტრის ბრალდების ერთ საქმეზე, კერძოდ რიყის პარკის გასხვისების საქმეზე ორ ინსტანციაში საქმის განხილვა დასრულდა, სადაც კეზერაშვილი უდანაშაულოდ იქნა ცნობილი. ზურაბ ადეიშვილის მსგავსად თავდაცვის ექს-მინისტრიც ინტერპოლის წითელი ცირკულარით იძებნებოდა, თუმცა მოგვიანებით ძებნა მასზეც შეწყდა. კეზერაშვილი ასევე დაკავებული იყო საფრანგეთში, თუმცა ფრანგულმა სასამართლომ მის საქართველოში ექსტრადირებაზე უარი თქვა და სასამართლო დარბაზიდან გაათავისუფლა.
დათა ახალაია
სამართლებრივი დევნა მიმდინარეობს "ნაციონალური მოძრაობის" ხელისუფლების შსს-ს ერთ-ერთ ყველაზე გავლენიან პირებზე, კუდ-ის ყოფილ ხელმძღვანელზე დათა ახალაიაზე, მის ყოფილ მოადგილეზე სოსო თოფურიძეზე და ასევე სოდ-ის ყოფილ უფროსზე ერეკლე კოდუაზე. სამივე ყოფილი მაღალჩინოსანი სხვადასხვა საქმეებზე სასამართლომ დამნაშავედ ცნო, თუმცა მათ ქვეყანა დატოვებული აქვთ და შესაბამისად განაჩენის აღსრულება ვერ ხერხდება. აღნიშნული ყოფილი თანამდებობის პირებიდან მხოლოდ დათა ახალაიაა, რომლის მიმართაც სასამართლო განხილვები სხვა საქმეებზე ახლაც მიმდინარეობს. ქართველი სამართალდამცველების მიერ ინტერპოლის წითელი ცირკულარით კი მხოლოდ მისი ყოფილი მოადგილე იძებნება. დაახლოებით 1 წლის წინ დათა ახალაია საბერძნეთში დააკავეს, თუმცა მისი საქართველოში ექსტრადირება არ მომხდარა. საბერძნეთის სასამართლომ ის პატიმრობიდან გაათავისუფლა.
მეგის ქარდავა
სასჯელაღსრულების დეპარტამენტის ყოფილი მაღალჩინოსანი მეგის ქარდავა ერთ-ერთია, რომლის გვარიც ყველაზე ხშირად გაისმა წამებისა და ღირსების შემლახავი მოპყრობის ბრალდებებში. საქართველოს პროკურატრურას ქარდავასთვის რამდენიმე ბრალი აქვს წაყენებული, რომელთაგან უმეტესობა წამებას, არაადამიანურ მოპყრობასა და წამების ორგანიზებას ეხება. მეგის ქარდავას სამხედრო პოლკოვნიკის სერგო თეთრაძის წამების, წამების ორგანიზებისა და სხვა ძალმომრეობითი მოქმედებების ორგანიზებისთვის, ასევე ვიცეპოლკოვნიკ დავით ლონდარიძის, მოქალაქე გიორგი გორელაშვილის წამების, გიორგი ჩიკვატიას თავისუფლების უკანონო აღკვეთის და სამსახურებრივი უფლებამოსილების გადამეტებისთვის 9 წლით თავისუფლების აღკვეთა აქვს შეფარდებული.
ანალოგიური სასჯელი ქარდავას ე.წ. "კასრების საქმეზეც" შეეფარდა, როდესაც სამართალდამცველებმა სამეგრელოში იარაღის სამალავები და წამების ამსახველი ვიდეოფირები ამოიღეს. სასჯელაღსრულების დეპარტამენტის, თავდაცვის სამინისტროსა და შსს-ს ყოფილი მაღალჩინოსანზე ინტერპოლის წითელი ცირკულარით ძებნაა გამოცხადებული.
ალექსანდრე მუხაძე
ინტერპოლის მიერ წითელი ცირკულარით იძებნება ნომერ მე-8 პენიტენციური დაწესებულების ყოფილი ხელმძღვანელი ალექსანდრე მუხაძე. საგამოძიებო უწყებებს მისთვის რამდენიმე საქმეზე აქვთ ბრალი წაყენებული, მათ შორისაა ე.წ ფოტორეპორტიორების საქმე და კუს ტბის წილების იძულებით დათმობის მიზნით, ბიზნესმენ ბესარიონ ხარძიანის წამებისა და ქონების გამოძალვის ფაქტი.
ქართულ მართლმსაჯულებასთან პრობლემები აქვთ უკრაინაში მყოფ, "ნაციონალური მოძრაობის" ხელისუფლების ორ ყოფილ მაღალჩინოსანს - შს მინისტრის ყოფილ მოადგილეს გია ლორთქიფანიძეს და გენერალური შტაბის ყოფილ უფროსს გიგი კალანდაძეს. ლორთქიფანიძეს საქართველოს პროკურატურამ ბრალი 2011 წლის 26 მაისის დარბევის საქმეზე ცოტა ხნის წინ წაუყენა, რაც შეეხება გიგი კალანდაძეს, მის წინააღმდეგ სასამართლო განხილვები ელბერ კობერიძის წამებისა და თავისუფლების უკანონოდ აღკვეთის საქმეზე მიმდინარეობს.
თორნიკე კოშკაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
