ბათუმელებმა ნათლისღების დღესასწაული ზღვაში შესვლით აღნიშნეს

ბათუმში ნათლისღების დღესასწაული მორწმუნეებმა ტრადიციულად ზღვაში შესვლით აღნიშნეს. ქრისტიანი მრევლი ზღვაში შესვლამდე ღვთისმშობლის საკათედრო ტაძარში იმყოფებოდა, სადაც სადღესასწაულო წირვა ჩატარდა. გვიან ღამით კი სანაპიროსკენ მსვლელობა მოაწყვეს, სასულიერო პირებმა ლოცვა აღავლინეს და ზღვა აკურთხეს, რის შემდგომაც მორწმუნეები წყალში შევიდნენ.

ნათლისღების დღესასწაულზე ზღვაში შესვლა მეუფე დიმიტრის ინიციატივით, ბათუმში უკვე რამდენიმე წელია სრულდება.

ფოტო ფბ გვერდი: ბათუმი / Batumi