"გააწკრიალეთ" გაზქურის თუჯისა და ფოლადის სადგამი ამ უმარტივესი მეთოდებით

გაზქურის რკინის სადგამი ყველა დიასახლისის თავის ტკივილია. დიდი და მოუხერხებელი ფორმის გამო მისი რეცხვა საკმაოდ რთულია. გასწავლით ხერხებს, რათა ეს საქმიანობა ბევრად უფრო გაგიმარტივდეთ. გაზქურის სადგამები ძირითადად ფოლადის ან თუჯისაა. თითოეულს წმენდის სხვადასხვა წესი აქვს.

ფოლადის სადგამისთვის

ფოლადი კარგად იტანს ხეხვასაც და ქიმიურ საშუალებებსაც. ამიტომ მის გასასუფთავებლად არაერთი ხერხის გამოყენება შეგიძლიათ.

1. ყველაზე მარტივი ჭურჭლის სარეცხ მანქანაში რეცხვაა, ოღონდ სარეცხი საშუალება მეტი რაოდენობით დაგჭირდებათ.

2. გამოიყენეთ წინასწარი დალბობის მეთოდი. გააზავე წყალში ნებისმიერი ჭურჭლის სარეცხი საშუალება და ჩაალბეთ მთელი ღამის განმავლობაში. დილით ამოიღეთ და გარეცხეთ. ზოგიერთი ადგილისთვის შეიძლება დანა ან სახეხი მავთული დაგჭირდეთ, თუმცა დიდი ძალის დატანება აღარ მოგიწევთ.

3. ეფექტურად წმენდს სოდაში ამოვლებული ლითონის ბადე ან ჯაგრისი. უკეთესია, თუ სველ სოდას სადგამზე 40 წუთით გააჩერებთ და შემდეგ გახეხავთ.

რჩევა:

გაწმენდის შემდეგ ფიოლადის სადგამს ეს ნარევი წაუსვით:

კალცინირებული სოდა 6 წილი

სარეცხი ფხვნილი 1 წილი

თხელი საკანცელარიო წებო - 2 წილი

წაუსვით და აცადეთ გაშრობა. მომდევნო წმენდისას ეს საფარი თბილი წყლით ადვილად მოცილდება და მიმწვარ ცხიმსაც გაიყოლებს...

ეს ნარევი რეგულარულად გამოიყენეთ.

თუჯის სადგამის წმენდა

თუჯის დეტალებს მეტი სიფრთხილე სჭირდებათ. ჭურჭლის სარეცხ მანქანაში მისი რეცხვა არ შეიძლება. მის გასასუფთავებლად შემდეგი მეთოდები გამოიყენეთ:

1. კარგი იქნება თუ მოახერხებთ და ცეცხლზე გამოწვავთ. გამომწვარი ცხიმი თავისით გაეცლება და მხოლოდ სველი ტილოთი გაწმენდა მოგიწევთ.

2. კარგად სუფთავდება ავტომობილის ძრავის საწმენდი საშუალებებით.

3. ზემოხსენებული დალბობის და შემდეგ გახეხვის მეთოდი აქაც გამოგადგებათ.

4. წაუსვით სადგამს სველი სოდა და გააჩერეთ 40 წუთის განმავლობაში. შემდეგ ლითონის ბადით გახეხეთ და წყალი გადაავლეთ.

ზოგადი რჩევები:

სადგამი ჯობის ყოველი შეწვის შემდეგ გარეცხოთ. ემალისა და ფოლადის დეტალები უკეთ გაირეცხება, თუ ღამით სოდიან ან ძმრიან წყალში მოათავსებთ.