მნიშვნელოვანი ინფორმაცია
20
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მეფე, რომელმაც უარი თქვა ქორწინებაზე, სანამ უბრალო წარმომავლობის გულისსწორს არ შეირთავდა...
04:29 / 16-01-2017
მონარქებს დასაბამიდან ჰქონდათ დაუწერელი წესი, რომ სამეფო ან ტიტულიან ოჯახისშვილზე ექორწინათ. წარსულში ეს სტრატეგიული დიპლომატიის ნაწილი იყო, რომელიც ეროვნულ ინტერესებს ემსახურებოდა. გასულ საუკუნეში ეს მიდგომა შეიცვალა - სულ უფრო მეტი მონარქი სიყვარულით ქორწინდებოდა იმის მიუხედავად, თუ როგორი წარმომავლობა გააჩნდა მის რჩეულს. ერთ-ერთი პირველი შემთხვევა, როდესაც მონარქმა უბრალო წარმომავლობის ქალი შეირთო ცოლად, გახლავთ ნორვეგიის მეფე ჰარალდ V-ის და სონია ჰარალდსენის შემთხვევა.
სონიას გზა დედოფლობამდე სირთულეებით იყო სავსე. ქალი 1937 წლის 4 ივლისს ოსლოში დაიბადა. ის ტანსაცმლით მოვაჭრის შვილი იყო. მან განათლება ხელოვნების ისტორიის კუთხით მიიღო ოსლოს უნივერსიტეტში. 1959 წელს სონიას პრინცი ჰარალდი წვეულებაზე შეხვდა. ეს იყო ერთი ნახვით შეყვარება, თუმცა მათი ურთიერთობა აკრძალული გახლდათ... არ შეიძლებოდა უბრალო წარმომავლობის გოგონა მომავალ მეფეზე გათხოვილიყო.
პრინცის მამა, მეფე ოლავ V წლების მანძილზე ცდილობდა შვილი სამეფო წარმომავლობის ქალთან დაეწყვილებინა. პრინცმა მამას არ დაუჯერა და სონიას ერთგული დარჩა. მან მამას განუცხადა, რომ იქამდე არ იქორწინებდა, სანამ მისი ცოლი სონია არ გახდებოდა. ხოლო თუ ჰარალდი დაუქორწინებელი დარჩებოდა, ეს მისი ოჯახის მმართველობას წერტილს დაუსვამდა, რადგან ჰარალდი სამეფო ტახტის ერთადერთი მემკვიდრე იყო.
ცხრა წლის შემდეგ ჰარალდმა მამის თანხმობა მიიღო და 1968 წლის 29 აგვისტოს სონია ცოლად მოიყვანა. 1991 წელს ისინი მეფე ჰარალდ V და დედოფალი სონია გახდნენ. წყვილს ორი შვილი ჰყავს - მარტა და ჰააკონი.
სხვათაშორის, კრონცპრინც ჰააკონის სიყვარულის ისტორია არანაკლებ სკანდალურია. ევროპულ მედიას სალაპარაკო გაუჩნდა 2001 წელს, როცა ჰააკონი 28 წლის მეტე მარიტ ტიესემ ჰოიბიზე დაქორწინდა - ყოფილ ოფიციანტსა და მარტოხელა დედაზე, რომლის ყოფილი ბოიფრენდი და უფროსი ვაჟის მამა, იმ დროისთვის ციხეში სასჯელს ნარკოტიკების გასაღებისთვის იხდიდა. ქორწილამდე საგანგებო პრესკონფერენციაზე კრონპრინცის მომავალმა მეუღლემ ცრემლები ვერ შეიკავა და ყველას გასაგონად მოინანია წარსული ცოდვები. მან დაგმო ნარკოტიკები და განაცხადა, რომ მოემზადა სასახლეში ცხოვრებისთვის: "მე დაშვებულ ზღვარს გადავაბიჯე, ახლა კი ამას ძალიან ვნანობ". წყვილი ბედნიერად ცხოვრობს და ერთობლივ ორ შვილსა და მეტეს უფროს ვაჟს ზრდის.
მომზადებულია thevintagenews.com-ს მიხედვით
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
