4
ივნისიდღის ზოგადი ასტროლოგიური პროგნოზი
თურქეთის ჟანდარმერიის ორი თანამშრომელი დაიღუპა და ორი დაშავდა ბითლისის პროვინციაში ქურთისტანის მუშათა პარტიის წევრებთან შეტაკებისას. აღნიშნულის შესახებ ნათქვამია ბითლისის პროვინციის ადმინისტრაციის მიერ გავრცელებულ განცხადებაში.
"ქურთისტანის მუშათა პარტიის წინააღმდეგ ანტიტერორისტული ოპერაციის მსვლელობისას, რომელიც 12 იანვარს დაიწყო, ჟანდარმერიის მხრიდან თათვანის რაიონში ორი თანამშრომელი დაიღუპა, ხოლო კიდევ ორი თანამშრომელი დაშავდა. დაშავებულების სიცოცხლეს საფრთხე არ ემუქრება. ოპერაცია გრძელდება", - ნათქვამია განცხადებაში.
2015 წლის ივლისში, თურქეთში, ქურთისტანის მუშათა პარტიასთან შეიარაღებული კონფლიქტის განახლების შემდეგ, ქურთი მეამბოხეების თავდასხმების შედეგად, 800 თურქი პოლიციელი და სამხედრო და 300-ზე მეტი სამოქალაქო პირი გარდაიცვალა.
