მნიშვნელოვანი ინფორმაცია
8
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საქართველოს ფოსტას" თანამშრომლები უფლებების დარღვევის გამო უჩივიან
05:44 / 13-01-2017
"საქართველოს ფოსტის" თანამშრომლები შრომის უფლებების მასობრივი დარღვევის ფაქტების გამო ჩივიან. "საქართველოს პროფესიული კავშირების" ინფორმაციით, ფოსტის თანამშრომლებისგან მათთან 60 სარჩელია შესული და ყველა შრომის უფლებების დარღვევას ეხება.
"პროფკავშირების" წარმომადგენლის, სულიკო მაშიას განმარტებით, "საქართველოს ფოსტის" წინააღმდეგ შეტანილი სარჩელები ძირითადად, სამსახურიდან არაკანონიერ გათავისუფლებას, თანამშრომლებისთვის გარკვეული დარღვევების გამო ფულადი ჯარიმების დაკისრებას, ტექ-უსაფრთხოების პირობების დაუცველობასა და დარღვეულ სამუშაო გრაფიკს უკავშირდება:
"ეს სარჩელები "საქართველოს ფოსტიდან" 2013 წლიდან დღემდე შემოდის. უმეტესი ნაწილი სასამართლოში მოვიგეთ და კომპანიას ფულადი ჯარიმა უკვე დაკისრებული აქვს და ამდენივე თანხა, ალბათ, შემდეგ სარჩელების განხილვის შემთხვევაში კიდევ დაეკისრება,"- აღნიშნავს ის.
ცოტა ხნის წინ "საქართველოს ფოსტის" თანამშრომელი სამსახურებრივი მოვალეობის შესრულების დროს, ავტოსაგზაო შემთხვევის შედეგად გარდაიცვალა. ფაქტს როგორც "პროფკავშირები," ისე "საქართველოს ფოსტაც" ადასტურებს.
გავრცელებული ინფორმაციით, ავტოსაგზაო შემთხვევა მძღოლს არანორმირებული სამუშაო გრაფიკისგან გამოწვეული დაღლილობის გამო შეემთხვა, რასაც "საქართველოს ფოსტის" გენერალური დირექტორი ლევან ჩიკვაიძე უარყოფს და აცხადებს, რომ ავტოსაგზაო შემთხვევის გამომწვევ მიზეზებთან დაკავშირებით ინფორმაცია არ აქვს:
"რატომ მოხდა ეს ავტოსაგზაო შემთხვევა, ამაზე ვერ გიპასუხებთ, რადგან ეს დღის განმავლობაში ნებისმიერს შეიძლება შეემთხვას და მიზეზებს ძიება დაადგენს. მე არ ვარ კომპეტენტური ამაზე რომ ვისაუბრო. ყოველდღიურად მთელი ქვეყნის მასშტაბით "საქართველოს ფოსტის" 700 ერთეული ავტოტრანსპორტი გადაადგილდება და თანამშრომლებს როგორც ჯანმრთელობის დაზღვევა, ისე ავტოსატრანსპორტო საშუალების დაზღვევა აქვთ," - აღნიშნავს ის.
"პროფკავშირების" წარმომადგენელი, სულიკო მაშია "საქართველოს ფოსტას" მძღოლების უფლებების დარღვევაში ადანაშაულებს. მისი თქმით, მძღოლები ღიად საუბარს ამ თემაზე ერიდებიან, რათა ეს სამსახურის დაკარგვის მიზეზი არ გახდეს, თუმცა, სატელეფონო კომუნიკაცია "პროფკავშირებთან" მუდმივად აქვთ და აცხადებენ, რომ კომპანია მათ დამატებითი დროით მუშაობის ვალდებულებას უქმნის, შესაბამისად, დასვენების დრო ფაქტობრივად არ რჩებათ, რაც მათ გადაღლასა და ჯანმრთელობის პრობლემებს იწვევს:
"საქართველოს ფოსტიდან" ჩვენთან მძღოლები მოვიდნენ, რომელთაც არასწორი სამუშაო გრაფიკი აქვთ, რაიონებში სიარული უწევთ და დაწესებული სამუშაო გრაფიკი ერღვევათ. ამ ფაქტებს კომპანიის მხრიდან არავითარი რეაგირება არ მოჰყოლია. ამჟამინდელი ხელმძღვანელობა "საქართველოს ფოსტაში" 2013 წლიდან არის და აღნიშნულ სოციალურ რეალობას თავს არიდებენ. პროფესიული კავშირების კანონიერ მოთხოვნებზე, წერილებზე პასუხს არ სცემენ. ამის გამო იძულებულები ვართ, სახელისუფლებო ორგანოებსა და სასამართლოს მივმართოთ," - განმარტავს ის.
"საქართველოს ფოსტის" გენერალური დირექტორი ფაქტებს უარყოფს და განმარტავს, რომ კომპანიაში გაწერილ 8-საათიან სამუშაო გრაფიკზე მეტ დროს სამსახურს არავინ უთმობს, თუმცა თუ მძღოლებს სხვადასხვა მიზეზების, მაგალითად, კლიმატური პირობების გამო დამატებითი დროით უწევთ მუშაობა, - "შეთანხმების საფუძველზე შესაბამისი ანაზღაურების გაწერა ხდება," - აღნიშნავს ის.
"პროფკავშირები" ასევე აცხადებს, რომ "საქართველოს ფოსტა" სამუშაო დროის ხანგრძლივობის მხრივ, არამარტო მძღოლების, არამედ ქოლ-ცენტრის ოპერატორების უფლებებსაც არღვევს, თუმცა კომპანიაში აცხადებენ, რომ ეს ცრუ ბრალდებაა.
რაც შეეხება იმას, არსებობს თუ არა სამსახურებრივი მოვალეობის შესრულების დროს მომხდარი სხვა ინციდენტები, "საქართველოს ფოსტის" გენერალური დირექტორი, ლევან ჩიკვაიძე განმარტავს, რომ ზემოთაღნიშნული ავტოსაგზაო შემთხვევის გარდა, არცერთი ფაქტი არ მომხდარა.
მარიამ მენაბდიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
