მნიშვნელოვანი ინფორმაცია
23
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამერვე დღე დაიწყება 02:27-ზე, მთვარე კირჩხიბშია – საკუთარ თავში ჩაიხედეთ. შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი. კარგია თხილი, არ დაგავიწყდეთ წვენების დალევა, ხილისა და ბოსტნეულის ჭამა. უმჯობესია რაციონიდან გამორიცხოთ მარცვლეული და ცხოველური საკვები. თვალები და ტვინი აქტიურია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს ვიდეო ანტიდასავლური, ქართული და პატრიოტულია" - რას ამბობს რეჟისორი, რომლის "საახალწლო" რეკლამამ მაყურებელი აღაშფოთა
05:23 / 05-01-2017
სოციალურ ქსელში გავრცელებულმა "საახალწლო" რეკლამამ ფეისბუქ-მომხმარებლების აღშფოთება გამოიწვია. რეჟისორ დავით ჯიბლაძის გადაღებული ვიდეორგოლი "Papa vs. Santa" ახალი წლის ღამეს აღწერს, როცა ბუხრიდან ჩამოსულ "ამერიკელ" სანტას სახლში ქართველი "თოვლის პაპა" დახვდება. სცენარის მიხედვით, თოვლის პაპა ჩიჩილაკით კლავს "გადამთიელს" და აბაზანაში მჟავის დასხმით წვავს. თუმცა, ყველაფერი ამით არ სრულდება - სანტას "მკვლელობას" პატარა ბიჭუნა შეესწრება...
კლიპის ბოლოს სარკეზე ვკითხულობთ წარწერას: "New Studio გილოცავთ ქართულ ახალ წელს". სარეკლამო რგოლი, სწორედ New Studio-ს დაკვეთითაა გადაღებული.
კლიპის შინაარსმა საზოგადოების ცხარე კრიტიკა დაიმსახურა. ფეისბუქმომხმარებლები წერენ, რომ კლიპი "რიტუალური მკვლელობისკენ წაქეზება და სიძულვილის გაღვივებაა" და ისინი სამართალდამცველ უწყებებსაც კი მიმართავენ, დაინტერესდნენ კლიპის ავტორების ვინაობით.
AMBEBI.GE ვიდეორგოლის რეჟისორს დავით ჯიბლაძეს დაუკავშირდა, რომელიც ამბობს, რომ რგოლით სურდა ხალხისთვის ეთქვა, რომ 
ქართული ტრადიციები დააფასონ.
- ბატონო დავით, საახალწლო ვიდეორგოლს სოციალურ ქსელში მწვავე გამოხმაურება მოყვა. რისი თქმა გსურდათ ამ კლიპით?
- გავეცანი შეფასებებს და ეს ჩემთვის ცოტა უცნაურია. იუმორის შეგრძნება რომ ჰქონდეს ამ ხალხს, ცუდი არ იქნება. ეს არის გასართობი ვიდეო, ეს ვიდეო ანტიდასავლური, ქართული და პატრიოტულია. გვინდოდა გვეთქვა, რომ ჩვენ ქართულ ტრადიციებს ვაფასებთ. სანტა ძალიან შემოიჭრა ქართულ სივრცეში, ბავშვები აღარ ითხოვენ, ამიტომ თოვლის ბაბუმ ერთ დღეს გადაწყვიტა შური ეძია მასზე, ვინც მოპარა ცხოვრება.
- ინტერნეტ-მომხმარებლები წერენ, რომ ეს არის რიტუალური მკვლელობის წახალისება, თავად ასე თვლით?
- არანაირი რიტუალური მკვლელობის წახალისება ამ ვიდეოში არ არის. გაოცებული ვარ, ხალხმა ასე სენსიტიურად რომ მიიღო ეს კადრები. მე მეგონა ხალხი მიჩვეულია ასეთი დონის ძალადობას, ბევრი მსგავსი რამ არის ჩვენს გარშემო გაკეთებული. ქართულ თოვლის ბაბუას რომ ჩართავ ამაში და ასეთ იმიჯერს დაუმატებ, ძალიან რთულად მიიღო ხალხმა. ეს არის შავი იუმორი, სხვა არაფერი. ეს მარტივი ვიდეოა, რომელსაც ერთი იდეა ჰქონდა, განსხვავებულად მიელოცა ხალხისთვის ახალი წელი და უფრო მეტად ეცათ პატივი ქართული ტრადიციებისთვის.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ დავიკლოთ წონაში სტრესის გარეშე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
